रोमियों 3:30 - गढवली नयो नियम

³⁰ किलैकि एक ही पिता परमेश्वर च, जु खतनावला तैं विश्वास बट्टी अर खतनाराहितों तैं भि विश्वास का द्वारा धर्मी ठैरांद।

Garhwali

³⁰ हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

रोमियों 3:30 ပူးပေါင်းရင်းမြစ်များ

रोमियों 2:26

त जु खतनारहित मनिख मूसा कि व्यवस्था को पालन कैरा, त पिता परमेश्वर इन मनिख तैं वे मनिख का जन दिखद जै को खतना हुयुं च।

रोमियों 2:27

अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?

रोमियों 3:22

मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

रोमियों 3:28

इलै हम जंणदा छा कि हम यीशु मसीह मा भस विश्वास ही बट्टी पिता परमेश्वर का दगड़ी धर्मी ठैरदा, न कि मूसा कि व्यवस्था का पालन कना का द्वारा।

रोमियों 4:16

इलै लुखुं तैं विश्वास का द्वारा पिता परमेश्वर की करार मिली। इन इलै हूंद कि करार दया बट्टी मिलो। तब अब्राहम की सभि सन्तानोंं तैं व करार प्राप्त हवे सकद। यु भस ऊं कु नि च जु मूसा कि व्यवस्था का अधीन रौंदो, बल्कि हर वे मनिख कु च जु अब्राहम का जन विश्वास बट्टी ज्यूंदींनि, जु हम सभियूं कु पूर्वज च।

रोमियों 4:9

त यु धन्य वचन, क्य खतना वलो कु ही च, या खतनारहित वलो कु भि? हम उ ही बुल्ण छा जु परमेश्वर कु वचन बुल्दो, “अब्राहम ल विश्वास कैरी, अर इलै परमेश्वर ल वे तैं धर्मी ठैरे।”

गलातियों 3:20

जब द्वी लुखुं का बीच समझौता हूंद, तब जुड़ण वले की जरूरत हूंद। पर पिता परमेश्वर एक ही च, अर जब वेल अब्राहम बट्टी वादा कैरी त ऊंका बीच मा कुई भि जुड़ण वलो नि छों।

गलातियों 3:28

मसीह मा, अब न त कुई यहूदी च अर न (यूनानी) अन्यजाति च, न त कुई गुलाम च, अर न आजाद, अर न कुई आदिम च अर न जनन, किलैकि तुम सभि यीशु मसीह मा एक छा।

गलातियों 3:8

अर पिता परमेश्वर का वचन मा वेल भौत पैली बोलि कि, पिता परमेश्वर अन्यजातियों तैं विश्वास का द्वारा धर्मी ठैरालो, यु ही कारण वचन मा, जब पिता परमेश्वर ल पैली ही अब्राहम तैं शुभ सन्देश प्रचार बतै त वेल वेकु बोलि, कि “तेरु द्वारा, मि ईं दुनिया का सभि जातियों तैं आशीष दयुलु।”

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

गलातियों 6:15

किलैकि खतना करौंण अर खतना नि करौंण जरूरी नि च, पर पिता परमेश्वर का पवित्र आत्मा का कामों का द्वारा एक नयो जीवन ज्यूंण जरूरी च।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

1 तीमुथियुस 2:5

किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।