रोमियों 3:25 - गढवली नयो नियम25 वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो। အခန်းကိုကြည့်ပါ။Garhwali25 अर या पिता परमेस्वर की योजना छै, ज्वा कि वेन मनखि का समणि रखी कि लोग अपणा-अपणा पापों से पस्ताप कैरा। इलै वेन यीशु मसीह तैं ईं दुनियां मा भेजि अर वेको ल्वे क्रूस पर बुगये गै, ताकि जु कुई वे पर बिस्वास कैरो, पिता परमेस्वर वेका पापों अर वे पर लग्यां इळजामो तैं माफ कैरी सैको। अर पुरणा जमना मा वेन लोगु का पापों का हिसाब से ऊंतैं जादा दण्ड नि दिनी अर इन वेन इलै कैरी, किलैकि उ धरमी अर सबर रखण वळु च। အခန်းကိုကြည့်ပါ။ |
रोमियों 3:25
51 ပူးပေါင်းရင်းမြစ်များ
जन ही फसह कु त्यौहार मनांण से पैली यहूदी लोग अपड़ा घौरों बट्टी सभि खमीर तैं निकलदींनि, इलै तुम तैं यु अनैतिक आदिम तैं मण्डलि बट्टी भैर निकाली दींण चयणु च। फिर तुम रुठी जन हवे जांण ज्यांमा खमीर नि हूंद; ज्यांको मतलब च कि तुम एक विश्वासियों कु झुंड हवेला, जै झुंड मा पाप नि होलो किलैकि जब तुम ल मसीह पर विश्वास कैरी, तब पिता परमेश्वर ल तुम तैं भितर बट्टी शुद्ध कैरी। किलैकि मसीह ल हम तैं अपड़ा बलिदान का द्वारा हमारा पापों बट्टी छुटकारो द्ये।
विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।
यांका अलावा सोना का सन्दूक का मथि द्वी करूब छा, जूंका फांकुड वे सन्दूक का मथि फैलयां छा, जु ईं बात का चिन्ह छा कि पिता परमेश्वर की महिमा ईं जगह पर च; ऊंका खुल्यां फांकुड सन्दूक का ऊपरी हिस्सा तैं ढकदा छा जै पर ल्वे छिड़कै जांदु छो कि लुखुं का पापों तैं माफ किये जौं; पर हम यूं सभि चीजों तैं एक-एक कैरी कै नि बतै सकदा।
अर यीशु मसीह का तरपां बट्टी जैका वचनों पर विश्वास किये जै सकद उ ही च जु मुर्दों मा बट्टी ज्यूँदो हूंण वलो मा पैलो अर उ ईं दुनिया का सभि राजाओं कु शासक च। अर यीशु मसीह हम बट्टी प्रेम करद। उ हम कु ल्वे बुगै के मोरि अर वेल हमारा पापों की सजा तैं खत्म कैरेले। इलै हम याजकों को एक परिवार बंणि ग्यां, जु पिता परमेश्वर की सेवा करद। इलै यीशु मसीह तैं महिमा अर शक्ति हमेशा मिलदी रौ आमीन।
ကြော်ငြာတွေ