रोमियों 2:5 - गढवली नयो नियम

⁵ पर तू ढीट छै अर अपड़ा पापों बट्टी पश्चाताप कन से मना करदी वे दिन जब पिता परमेश्वर अपड़ो गुस्सा दिखालो, ज्यां मा परमेश्वर कु सचो न्याय प्रगट होलो, परमेश्वर और जादा गम्भीर हवे के तुम्हरो न्याय करलो।

Garhwali

⁵ मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

रोमियों 2:5 ပူးပေါင်းရင်းမြစ်များ

रोमियों 1:18

पिता परमेश्वर कु गुस्सा त ऊं लुखुं कि सभि प्रकार कि परमेश्वर-रहित अर अधर्मी काम जु लोग करदा छिनी ऊं पर स्वर्ग बट्टी प्रगट हूंद, लोग वे बुरै का द्वारा जु उ करदींनि, दूसरों तैं पिता परमेश्वर का बारा मा सचै जनणु कु रुकदा छिनी।

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

रोमियों 9:22

कि पिता परमेश्वर ल अपड़ो गुस्सा दिखांणु अर अपड़ी सामर्थ प्रगट कने की इच्छा बट्टी गुस्सा का मनिख्युं तैं जु भांडों का जन छिनी, जौं तैं नाश कन तय कैरे गै।

2 कुरिन्थि 5:10

किलैकि जरूरी च, कि हम सभियूं कु मसीह का द्वारा न्याय आसण पर बैठण का द्वारा न्याय किये जौं, कि हर एक आदिम अपड़ा-अपड़ा भला बुरा कामों का बदला जु वेल देह का द्वारा कैरी हूंनु, पौ।

2 थिस्सलुनीकी 1:5

यु पिता परमेश्वर कु सच्चो न्याय को प्रमाण च; कि तुम पिता परमेश्वर का राज्य का लैख बणा, ज्यांकु तुम दुःख भि उठौंणा छा।

इब्रानी 3:13

रोज एक दुसरा तैं प्रोत्साहित कैरा। पाप तुम तैं धोखा नि द्यो अर तुम जिद्दी नि बणा। इलै जब तक हम “आज” बोलि सकदा, तब तक रोज एक दुसरा तैं प्रोत्साहित करदी रा।

इब्रानी 3:15

जन कि परमेश्वर का वचन मा लिख्युं च, “जु तुम आज पिता परमेश्वर की आवाज तैं सूंणा, त अपड़ा मनों तैं ढीट नि बणा” जन की तुम्हरा पुरणों ल कैरी छो, अर जैल जंगल मा अजमैश का बगत पिता परमेश्वर कु विरोध कैरी

इब्रानी 4:7

इलै पिता परमेश्वर ल अपड़ा विश्राम की जगह मा प्रवेश कनु कु एक और बगत तय कैरी, अर उ आज च; हमारा पुरणों का विरोध का लम्बा बगत का कई सालों बाद, वेल राजा दाऊद बट्टी यूं वचनों तैं बुलवै, जु पैली बट्टी बुलवै गै छा, “जु तुम आज पिता परमेश्वर की आवाज तैं सूंणा” “त अपड़ा मनों तैं ढीट नि बणा।”

याकूब 5:3

तुम्हरा सोना अर चाँदी बेकार हवे गै; जै धन पर तुम विश्वास करदा उ तुम तैं आग का समान जलै दयालो, तुम्हरा द्वारा कट्ठा किये गै धन न्याय का दिन तुम्हरा खिलाफ सबूत का रूप मा खड़ो होलो।

2 पतरस 2:9

यु सब काम जु पिता परमेश्वर ल पुरणा बगत मा करिनि, उ हम तैं यु दिखांद कि जु लोग पिता परमेश्वर का अनुसार जीवन जंदींनि, जब उ मुसिबत मा हूंदींनि त पिता परमेश्वर निश्चित रूप से ऊं तैं सुरक्षित रखलो। अर हम यु भि निश्चय कैरी सकदा कि उ दुष्ट लुखुं तैं वे दिन तक लगातार दण्ड दयालो जब तक कि पिता परमेश्वर सभि लुखुं कु न्याय नि करद।

2 पतरस 3:7

जन के पिता परमेश्वर ल आसमान अर धरती की सृष्टि की आज्ञा द्ये छै, उन ही वेल आज्ञा दींनि कि ए बगत को ब्रह्मांड तब तक बणयूं रालो जब तक उ ऊं तैं आग बट्टी नि फूंकी द्यो। उ ऊं तैं वे दिन तक रखणु च जब तक की उ सभि लुखुं को न्याय करलो अर ऊं लुखुं तैं नाश कैरी दयालो जु वेकी आज्ञाओं तैं नि मणदींनि।

यहूदा 1:6

याद कैरा कि प्रभु ल ऊं दुष्टदूतों तैं कन दण्ड द्ये, जौनु अपड़ा अधिकार तैं पूरो नि कैरी, बल्कि ऊंल अपड़ी नियत पदवियों अर जगहों तैं छोड़ी येले। प्रभु ल यूं दुष्टदूतों तैं अनन्त विनाश कु अंधेरा जगह मा रख्युं च, इन जंजीरों बट्टी बंधयूं च जौं तैं कुई नि तोड़ी सकद कि महान दिनों मा ऊंको न्याय हवे साक।

दिब्य दरस 2:21

मिल वीं तैं वीं का पापों बट्टी पछतौ कनु को मौका द्ये, पर व ऊं बुरा कामों तैं कन बंद कन से मना करदी।

दिब्य दरस 6:17

किलैकि उ भयानक दिन ऐ गै जब पिता परमेश्वर अर चिनखो सभियूं तैं दण्ड दयालो, अर कुई भि यु दण्ड बट्टी बचि नि सकलो।”