रोमियों 2:29 - गढवली नयो नियम

²⁹ एक सचो यहूदी उ च, जैको मन पिता परमेश्वर का दगड़ी जुड़यूं च, अर सचो खतना भस मूसा कि व्यवस्था कु पालन कन ही नि च; बल्कि यु मन कु बदलाव च, जु परमेश्वर कि आत्मा का द्वारा ही पैदा हूंद। इन मनिख लुखुं बट्टी न, बल्कि परमेश्वर बट्टी बड़ै पांदो।

Garhwali

²⁹ मगर एक सच्‍चु यहूदी त वु च, जु कि अपणा मन से यहूदी हो अर वेका मुताबिक ही वेन अपणु खतना भि कर्युं हो अर यू सब केवल मन अर आत्मा मा च, ना कि नियम-कानून का मुताबिक सरील मा। इन्द्रया लोगु की तारीफ मनखियों का द्‍वारा ना, बल्किन मा पिता परमेस्वर की तरफा बटि होन्दी।

रोमियों 2:29 ပူးပေါင်းရင်းမြစ်များ

लूका 11:39

फरीसियों हाय च तुम पर तुम इन भांडा छा जु भैर बट्टी त साफ पर तुमारा मन का भितर बट्टी अंधेर अर दुष्टता भुरीं च।

लूका 17:21

अर लोग इन नि बुलला “देखा इख च या उख च। किलैकि देखा परमेश्वर कु राज्य तुमारा बीच मा च।”

यूहन्ना 12:43

मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।

यूहन्ना 4:23

पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

रोमियों 14:17

किलैकि पिता परमेश्वर का राज्य मा, खांण-पींण जरुरी नि च। जरुरी बात य च कि पिता परमेश्वर का दगड़ी सै जीवन जियां, अर पवित्र आत्मा मा शान्ति अर आनन्द च।

रोमियों 2:27

अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?

रोमियों 3:1

जु कुई पूछो, क्य यहूदियों तैं अन्यजातियों बट्टी जादा फैदा च या खतना कु क्य फैदा?

रोमियों 7:6

पर हम वीं व्यवस्था कु मोरि ग्यां जैल एक बार हम तैं बंधि बंणै येलि छों, अब वीं व्यवस्था बट्टी छुटी ग्यां, अब हम पिता परमेश्वर कि सेवा पुरणी रीति बट्टी लिख्यां व्यवस्था का मनणु का द्वारा नि करदां, बल्कि पवित्र आत्मा का द्वारा एक नई रीति मा सेवा करदां।

1 कुरिन्थि 4:5

इलै प्रभु का वापिस आंण तक कै तैं भि नि परखा, उ पूरा ढंग से ऊं सभि विचारों तैं बतालो जु लोग सुचदींनि, ज्यांका बार मा कुई भि नि जंणद, त अंधेरा मा छिपी बातों तैं उज्यला मा दिखालो, अर मांणा के उद्देश्यों तैं प्रगट करलो, तब पिता परमेश्वर का तरपां बट्टी हर एक की प्रशंसा होली।

1 कुरिन्थि 7:19

कै कु खतना हवे या नि हवे यां बट्टी कुई फर्क नि पुड़दो, पर पिता परमेश्वर की आज्ञाओं तैं मनणु भौत जरूरी च।

2 कुरिन्थि 10:18

किलैकि जु अपड़ी बड़ै करद, उ न, पर जै की बड़ै प्रभु करद, उ पिता परमेश्वर का द्वारा सचो कैरी के स्वीकार किये जालो।

2 कुरिन्थि 3:6

जैल हम तैं नई प्रतिज्ञा का सेवक हूंणै की क्षमता द्ये, मूसा की व्यवस्था का सेवक हूंणै की न पर पवित्र आत्मा की; किलैकि मूसा की व्यवस्था तैं नि मनणु कु नतीजा त मौत च, पर पवित्र आत्मा अनन्त जीवन दींद।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

1 थिस्सलुनीकी 2:4

पिता परमेश्वर ल हम तैं योग्य समझी के शुभ सन्देश द्ये। इलै हम मनिख्युं कु न, बल्कि हमारा दिल तैं परखणवला पिता परमेश्वर तैं खुश कनु कु उपदेश दींदयां।

1 पतरस 3:4

तुम्हरी सुंदरता ईं बात पर निर्भर हूंण चयणी च कि तुम हकीकत मा कु छा, यु एक विनम्र अर शान्त बरतौ च, जु कि पिता परमेश्वर कु भौत अनमोल च।