रोमियों 2:17 - गढवली नयो नियम

¹⁷ जु तू खुद तैं यहूदी बुल्दी, अर पिता परमेश्वर की व्यवस्था मा भरोसो रखदि छै अर परमेश्वर का खास हूंणो कु घमण्ड करदी,

Garhwali

¹⁷ तुम लोग जु कि खुद तैं यहूदी जाति का बतौन्द्‍यां, अर अपणु भरोसा नियम-कानून पर रखद्‍यां। अर तुम बुल्द्‍यां की हमरु रिश्ता पिता परमेस्वर का दगड़ा मा च इलै तुम ईं बात पर बड़ु मोन करद्‍यां,

रोमियों 2:17 ပူးပေါင်းရင်းမြစ်များ

मत्ती 3:9

अर अपड़ा मन मा यु न सोच कि हम अब्राहम का वंशज छा, इलै हम पाप बट्टी बचि जौला किलैकि मि तुम मा बुल्णु छौं कि परमेश्वर यूं ढुंगो बट्टी अब्राहम कु वंशजों तैं पैदा कैरी सकद।

लूका 10:28

वेल वे बट्टी बोलि, तिल ठिक जवाब दींनि यु ही कैर त वे तैं सदनी को जीवन मिललो।

यूहन्ना 5:39

तुम परमेश्वर का वचन मा ध्यान से पैढ़ी कै ढूँणदा छा किलैकि समझदा छा कि वेमा अनन्त जीवन तुम तैं मिल्द अर उ ही वचन च जु मेरी गव्है दींदु च

यूहन्ना 5:45

इन नि समझा कि मि पिता का संमणी तुम पर भंगार लगौलु तुम पर भंगार लगौंण वलो त मूसा द्वारा लिखीं परमेश्वर की व्यवस्था च जै पर तिल अपड़ी आस रखि च तुम पर भंगार लगाला।

यूहन्ना 7:19

क्य परमेश्वर का तरपां बट्टी बुल्ण वला मूसा ल व्यवस्था अफ दे? तब भि तुम मा बट्टी कुई मूसा द्वारा लिखीं परमेश्वर की व्यवस्था पर नि चलदो। तुम किलै मि तैं मरण चांणा छा?

यूहन्ना 8:33

ऊंल यीशु तैं जवाब दींनि, कि हम त अब्राहम का वंशज बट्टी छा अर कभि कैका गुलाम नि हुयां। त फिर तु किलै बुल्णी छै कि तुम स्वतंत्र हवे जैला?

यूहन्ना 8:41

तुम अपड़ा बुबा जन काम करदां ऊंल यीशु मा बोलि, हम व्यभिचार बट्टी नि छा हमारो भस एक ही बुबा च अर उ परमेश्वर च।

रोमियों 2:23

तुम तैं अफ मा पिता परमेश्वर की व्यवस्था को हूंणो को घमण्ड च, क्य पिता परमेश्वर कु वचन नि मांणी के, तुम वेको अनादर करदां?

रोमियों 3:27

त क्य इन कुछ च, जैका बारा मा हम घमण्ड कैर सकदा? वेकी त कुई जगह ही नि च। कै नियम का कारण बट्टी? यु क्य कारण च कि हम परमेश्वर की व्यवस्था कु पालन करदां? न, पर यु यीशु मसीह मा हमारा विश्वास का कारण बट्टी च।

रोमियों 9:32

यु कन कै हवे सकद? इलै कि उ विश्वास बट्टी न, पर भला कर्मों बट्टी वेकी खोज करदां छा; ऊंल मसीह तैं ठुकरै दे जु वे ढुंगा का जन च जु लुखुं तैं ठोकर दिलांद।

2 कुरिन्थि 11:22

क्य उ ही इब्रानी छिनी? मि भि छों। क्य उ ही इस्राएली छिनी? मि भि छों; क्य उ ही अब्राहम का वंश का छिनी? मि भि छों।

गलातियों 2:15

हम जु जन्म बट्टी ही यहूदी छा, अर अन्यजाति नि छा जूं तैं यहूदी पापी बुल्दींनि।

इफिसुस 2:11

इलै याद कैरा, कि तुम जन्म बट्टी अन्यजाति छा अर यहूदी लुखुं यु बोलि के नीच जांणि कि तुम खतना नि करदां, पर ऊंकी या रीति भस ऊं देह पर ही किये जांद,

दिब्य दरस 2:9

मि जंणदु छो कि त्वे तैं सतै गै अर तू गरीब छै, पर आत्मिक मामलों मा तू भौत धनवान छै, मि ऊं लुखुं का बारा मा जंणदु छो जु दावा करदींनि कि उ पिता परमेश्वर का चुणयां यहूदी लोग छिनी, पर छै नि छिनी। उ तेरु बारा मा बुरी बात बुल्दींनि, पर हकीकत मा उ वे दल का सदस्य छिनी जु शैतान का छिनी।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”

दिब्य दरस 3:9

सूंण, उ लोग जु एक इन झुण्ड का सदस्य छिनी जु शैतान बट्टी जुड़यां छिनी अर दावा करदींनि कि उ यहूदी छिनी पर उ सच्चा यहूदी नि छिनी अर उ झूठ बुल्दींनि मि ऊं तैं तेरा वश मा कैरी दयुलु जु यहूदी बंणि गैनी, पर छै नि छिनी अर झूठ बुल्दींनि मि इन करुलु, कि उ ऐ के तेरा संमणी ऐ के दण्डवत् करला, अर यु जांणि जाला, कि मिल त्वे बट्टी प्रेम रखि।