रोमियों 2:15 - गढवली नयो नियम

¹⁵ उ दिखोंदा छिनी कि परमेश्वर का द्वारा दिये गै मूसा कि व्यवस्था ऊंका मनों मा लिखीं छिनी, किलैकि ऊंको विवेक दिखांद, कि यु सच्चा छिनी, किलैकि ऊंका विचार ऊं तैं भंगारी ठैरौंदींनि अर ऊं तैं निर्दोष ठैरौंदींनि।

Garhwali

¹⁵ किलैकि वु अपणा अच्छा सभौ का द्‍वारा ही परमाण देन्दिन, कि नियम-कानून ऊंका मनों मा लिख्यां छिन। अर ऊंको मन भि ऊंका बारा मा गवै देन्दु, अर ऊंका विचार भि ऊंतैं कभि-कभि दोषी, अर कभि-कभि निरदोष ठेरौन्दिन,

रोमियों 2:15 ပူးပေါင်းရင်းမြစ်များ

यूहन्ना 8:9

पर उ यु सूंणि के बड़ों से ले के छुट्टों तक एक-एक कैरी कै यु जंणदा की उ सभि पापी छिन निकली गैनी, अर भस यीशु अर जनन ऊखी रै गै।

खास चेलों 23:1

पौलुस ल महासभा जनै एकटक लगै के देखि, अर बोलि, “हे विश्वासी भयों मिल, आज तक परमेश्वर कु सच्चा मन बट्टी अपड़ो जीवन बसर कैरी।”

खास चेलों 24:16

इलै मि खुद भि कोशिश कनु छौं, कि परमेश्वर अर लुखुं कि तरपां बट्टी मेरू मन हमेशा निर्दोष रौ।

रोमियों 2:14

फिर जब अन्यजाति लोग जौं मा मूसा कि व्यवस्था नि च, उ अपड़ा ही आप वेका आज्ञाओं कु पालन करदींनि, त मूसा की व्यवस्था ऊंमा नि हूंण पर भि उ यु साबित करदींनि कि ऊंका मन मा व्यवस्था च।

रोमियों 2:27

अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?

रोमियों 9:1

मि मसीह तैं गव्हा मांणी कै सच बुल्णु छौं। जैको पवित्र आत्मा अर मेरू विवेक गव्है दींणु च की यु झूठ नि च।

2 कुरिन्थि 1:12

किलैकि हम तैं गर्व च कि हमारो विवेक साफ च, कि दुनिया मा अर खास कैरी के तुम्हरा बीच हमारो चरित्र जु पिता परमेश्वर की तरपां बट्टी आंद इन पवित्रता अर सचै का दगड़ी च, हम ऊं विचारों का अनुसार नि ज्यूंदयां, जु ऊं लुखुं का द्वारा ज्ञानवान समझे जांद पर पिता परमेश्वर की कृपा का द्वारा छो।

2 कुरिन्थि 5:11

इलै प्रभु की डौर मांणी के हम सत्य पर विश्वास कनु कु लुखुं बट्टी बिनती करदा अर पिता परमेश्वर हम तैं पूरा ढंग से जंणदु च; अर मेरी आस य च, कि तुम्हरो विवेक हम तैं अच्छा ढंग से जंणदु च।

1 तीमुथियुस 4:2

यु ऊं झूठा मनिख्युं का कपट छिनी जु झूठी शिक्षाओं तैं सिखौंदींनि, किलैकि जु ऊंकी विवेक सै अर गलत मा फर्क करदी छै व मोरि गै, जन कि उ कै लूहा ल डमे गै हो,

तीतुस 1:15

ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।