रोमियों 16:4 - गढवली नयो नियम

⁴ जौनु मेरा प्राण बचांणु कु अपड़ा प्राण खतरा मा डालेल छा, अर भस मि ही न, बल्कि अन्यजातियों की सैरी मण्डलि भि ऊंको धन्यवाद करदींनि।

Garhwali

⁴ अर यू त वु लोग छिन जौन मेरा पराण तैं बचौण खुणि अपणी जान तैं खतरा मा डालि दिनी। इलै मि ऊंको धन्यवाद करदु अर मि ही ना, बल्किन मा मेरा दगड़ा-दगड़ि जु लोग यहूदी जाति का नि छिन बिस्वासी समुदाय का वु लोग भि ऊंको धन्यवाद करदिन।

रोमियों 16:4 ပူးပေါင်းရင်းမြစ်များ

यूहन्ना 15:13

कै मा यु दिखणु कु की उ अपड़ा दगड़ियों बट्टी प्रेम करदु च, यां से बड़ो अर कुई ढंग नि च की उ अपड़ा दगड़ियों कु अपड़ो प्राण द्यो।

खास चेलों 15:26

यु त इन मनिख छिनी जौन अपड़ा प्राण हमारा प्रभु यीशु मसीह का नौं का खतरा मा डलिनि।

खास चेलों 15:41

फिर उ पूरा सीरिया अर किलिकिया प्रान्तों मा गै अर मण्डलि का विश्वासियों तैं प्रोत्साहित करदी गै।

खास चेलों 16:5

इन कै मण्डलि का लोग विश्वास मा मजबूत हूंदी गैनी अर गिणती मा दिनौ दिन बढ़दी गैनी।

खास चेलों 9:31

इन कै सैरा यहूदिया प्रान्त, गलील प्रदेश, अर सामरिया प्रान्त मा मण्डलि का लुखुं तैं शान्ति मिली किलैकि कुई सताव नि छो, अर मंडलियों की गिणती मा उन्नति हूंदी रै; अर प्रभु का डौर अर पवित्र आत्मा की मदद ल भौत लुखुं ल प्रभु यीशु पर विश्वास कैरी।

रोमियों 16:3

प्रिस्किल्ला भुल्ली अर वीं का आदिम अक्विला तैं जु यीशु मा मेरू दगड़िया च, मेरू प्रणाम।

रोमियों 16:5

मेरा प्रिय इपैनितुस तैं मेरू प्रणाम, जु एशिया का प्रान्त बट्टी मसीह पर विश्वास कन वला पैलो आदिम च अर वीं मण्डलि तैं भि प्रणाम ज्वा ऊंका घौर मा कठ्ठा हूंद।

रोमियों 5:7

कै धर्मी जन कु कुई मोरो, यु त असम्भव च; पर कि जांण कै भला मनिख कु कुई मुरणो कु हिम्मत दिखौ।

1 कुरिन्थि 16:1

अब यरूशलेम शहर मा पिता परमेश्वर का पवित्र लुखुं कु कठ्ठा करे जांणवला धन का बारा मा, जन आज्ञा मिल गलातिया प्रदेश की मण्डलियों तैं द्ये, उन ही तुम भि कैरा।

1 कुरिन्थि 7:17

जु मि बुल्णु छों वेको मतलब यु च; कि, हरेक आदिम तैं वीं स्थिति मा बणयूं रौंण चयणु च, जै तैं पिता परमेश्वर ल मसीह पर विश्वास करदी बगत द्ये छै; उन ही उ चलो; अर मि सभि मण्डलियों मा इन ही ठैरांदु।

फिलिप्पी 2:30

इलै की उ मसीह का कामों कु अपड़ा प्राण तैं भि खतरा मा डाली के मुरण कु तैयार हवे गै छो, कि उ, ऊं तरीकों ल मेरी मदद कैर साका, जु तुम नि कैरी सकणा छा किलैकि तुम भौत दूर छा।

1 थिस्सलुनीकी 2:14

हे विश्वासी भयों, इलै कि तुम, पिता परमेश्वर कि ऊं मण्डलियों कु सताव सै जु यहूदिया प्रान्त मा मसीह यीशु मा छिन किलैकि तुम ल अपड़ा लुखुं बट्टी उन ही दुःख पै जन ऊंल यहूदियों बट्टी पै छो

1 यूहन्ना 3:16

हम ल प्रेम यां बट्टी जांणि, कि यीशु मसीह ल हम कु अपड़ो प्राण द्ये दींनि; इलै हम तैं भि विश्वासी भयों का खातिर अपड़ा प्राण दींण चयणु च।

दिब्य दरस 1:4

य चिठ्ठी यूहन्ना का तरपां बट्टी एशिया प्रान्त मा सात मण्डलियों कु च मि प्रार्थना करदु कि तुम तैं पिता परमेश्वर की तरपां बट्टी कृपा अर शान्ति मिलो, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद; अर ऊं सात आत्माओं का तरपां बट्टी, जु पिता परमेश्वर का सिंहासन का संमणी च,