रोमियों 16:18 - गढवली नयो नियम

¹⁸ किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

Garhwali

¹⁸ किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

रोमियों 16:18 ပူးပေါင်းရင်းမြစ်များ

मत्ती 24:11

भौत सा परमेश्वर कु संदेश दींणवला आला अर भौत सा लुखुं तैं धोखा दयाला।

मत्ती 24:24

किलैकि झूठा मसीह अर परमेश्वर कु संदेश दींणवला झूठा लोग आला अर चिन्ह अर शैतान का झूठा चमत्कार दिखाला कि हवे साको त परमेश्वर का चुणयां लुखुं तैं भि भरमै द्याला।

मत्ती 6:24

कुई मनिख एक ही बगत पर द्वी स्वामियों कि सेवा नि कैरी सकद, किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।

मत्ती 7:15

“झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”

यूहन्ना 12:26

जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।

रोमियों 14:18

जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।

रोमियों 16:19

तुम्हरा आज्ञा मंनणै की चर्चा सभि लुखुं मा फैली गै; इलै मि तुम्हरा बारा मा खुश हूंदु; पर मि इन चांदु छों, कि तुम भलै कु बुद्धिमान, पर बुरै कु भोला बंणयां रावा।

2 कुरिन्थि 11:3

पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।

2 कुरिन्थि 2:17

किलैकि हम ऊं भौतों का समान नि छा, जु धन कमौण कु पिता परमेश्वर कु वचन कु प्रचार करदा; पर हम पिता परमेश्वर का वचन कु प्रचार सचै अर मसीह का अधिकार का दगड़ी करदा, यु जांणि के कि पिता परमेश्वर हम तैं दिखणु च।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

गलातियों 1:10

पक्का ढंग पर, मि लुखुं तैं खुश कनै की कोशिश नि कनु छों, पर मि पिता परमेश्वर तैं खुश कन चांणु छों। जु मि अभि तक मनिख्युं तैं ही खुश कनु रौं त मि मसीह कु सेवक नि हूंद।

फिलिप्पी 2:21

किलैकि सब अपड़ा स्वार्थ कि खोज मा रौदींनि, उ मसीह यीशु बट्टी जुड़ीं बातों का बारा मा परेशान नि छिनी।

फिलिप्पी 3:19

ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

कुलुसी 2:4

यु मि इलै बुल्ण छौं, कि कुई मनिख तुम तैं ऊं की झूठी शिक्षाओं पर विश्वास कनु कु राजी कैरी के धोखा नि द्यो।

कुलुसी 3:24

किलैकि तुम यु जंणदा छा, कि यांका बदला मा प्रभु तुम तैं अपड़ो उत्तराधिकारी बणालो, तुम जै स्वामी की सेवा करदा उ प्रभु मसीह ही च।

2 थिस्सलुनीकी 2:10

उ हर किस्मै की बुरै करलो अर ऊं लुखुं तैं धोखा दयालो जु पिता परमेश्वर का द्वारा नष्ट किये जाला; किलैकि उ ही सचै पर विश्वास कन से इंकार करदींनि जु ऊं तैं बचै सकद।

1 तीमुथियुस 6:5

अर ऊं लुखुं कु दिमाग शक की दुष्टता ल भुर्युं च, अर उ लगातार दूसरों दगड़ी झगड़ा करदींनि, अर उन ही जणदींनि की सचै क्य च अर जु इन समझदींनि उ सुचदींनि कि पिता परमेश्वर की सेवा कन अमीर बनणौ को एक ढंग च।

याकूब 1:1

मि याकूब, ईं चिट्टी तैं लिखणु छों, मि पिता परमेश्वर अर प्रभु यीशु मसीह कु दास छों अर मि या चिट्टी इस्राएल का लोग जु बारह गोत्र दुनिया भर मा बिखरयां छिनी ऊं तैं प्रणाम बुल्णु छों।

2 पतरस 2:3

यु शिक्षक लालची होला, अर उ बनि-बणै मिसाल सुणै के तुम तैं धोखा दीला कि पैसा कमै साका। पिता परमेश्वर ल भौत बगत पैली ही फैसला कैरेले छो की उ ऊं तैं दण्ड दयालो अर उ यूं कनु कु तैयार च। उ निश्चित रूप मा ऊं तैं नाश कैरी दयालो।

यहूदा 1:1

मि यहूदा, जु यीशु मसीह कु एक सेवक अर याकूब कु छुटो भैय तुम तैं य चिठ्ठी लिखणु छो, जै तैं पिता परमेश्वर ल अपड़ा मथि विश्वास कनु कु बुलै। हमारो पिता परमेश्वर तुम बट्टी प्रेम करद अर तुम यीशु मसीह का द्वारा सुरक्षित छा।

यहूदा 1:12

जब यु लोग प्रभु का प्रेम तैं याद कैरी के तुम दगड़ी प्रीति भोज मा खांणु खंदींनि, त यु ऊं खतरनाक चट्टानों का जन छिनी जु समुद्र का मूड़ी छिपियां छिनी जु तुम्हरा डुबणों को कारण बंणि सकदींनि। उ ऊं बेशर्म चरवाहों का जन छिनी जु भस अपड़ी ही चिन्ता करदींनि। उ ऊं बादलों का जन छिनी जु धरती पर बरखा करयां बगैर भस गरजणा रौदींनि। उ ह्यूंद का मौसम का डाला जन छिनी जु द्वी तरपां बट्टी मुरयां हूंदींनि, किलैकि उ कुई फल नि दींदिनि अर जौड़ा बट्टी उखड़ जंदींनि।

यहूदा 1:16

यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।

दिब्य दरस 1:1

पिता परमेश्वर ल यीशु मसीह तैं जु दिखै उ यु च, कि उ अपड़ा दासों तैं ऊं घटनाओं का बारा मा बतौ जु भौत जल्द होली। यीशु ल अपड़ा स्वर्गदूत तैं वे संदेश का दगड़ी मि मा मतलब कि अपड़ा दास यूहन्ना मा भेजि।