रोमियों 14:18 - गढवली नयो नियम

¹⁸ जु कुई यु ढंग से मसीह की सेवा करद, उ पिता परमेश्वर तैं खुश करद अर लोग भि वेका बारा मा अच्छो बुल्दींनि।

Garhwali

¹⁸ अर जु मनखि ये तरीका से अपणा जीवन तैं चलौन्दु, अर वेका दगड़ा-दगड़ि यीशु मसीह की सेवा करदु, उ मनखि पिता परमेस्वर तैं खुश करदु, अर दुसरा लोग भि वेकी तारीफ करदिन।

रोमियों 14:18 ပူးပေါင်းရင်းမြစ်များ

मरकुस 13:34

मि तुम तैं एक मिसाल सुणांदु जु अब मेरा जांणा का बाद मेरा वापिस आंणु कु एक उदाहरण च या वे मनिख कि तरौं दशा च जु परदेश जांदी बगत अपड़ो घौर छोड़ी कै जौं अर अपड़ा नौकरों तैं हक दे द्यो अर हरेक तैं वेका काम बतै द्यो अर फटक का चौकिदार तैं सजग राणो कु आज्ञा द्यो।

यूहन्ना 12:26

जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।

खास चेलों 10:35

पर हर अन्य-जाति जु पिता परमेश्वर बट्टी डरदु च अर धार्मिकता को काम करदो, पिता परमेश्वर ऊं तैं स्वीकार करद।

रोमियों 12:11

भौत परिश्रम कैरा अर आलसी नि बणा पूरा उत्साह का दगड़ी पिता परमेश्वर की सेवा करदी रावा।

रोमियों 14:4

इलै तुम तैं कैका दास कु न्याय नि कन चयणु च; चाहे उ भलो कैरो या बुरो कैरो, यु वेका मालिक की जिम्मेदारी च। पर उ भलो ही करलो, किलैकि प्रभु भलो कन मा वेकी मदद करदो।

रोमियों 16:18

किलैकि इन्देरा लोग हमारा प्रभु मसीह का नि छिनी, पर अपड़ा देह की इच्छाओं की सेवा करदींनि; अर चिकनी चुपड़ी बातों बट्टी भोला-भाला मन का लुखुं तैं धोखा दींदिनि।

रोमियों 6:22

पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।

1 कुरिन्थि 7:22

किलैकि जु दास की हालत मा पिता परमेश्वर ल चुणि अर बुलै, त उ एक आजाद आदिम का जन च किलैकि प्रभु यीशु ल वे तैं वेका पापों बट्टी मुक्त कैरेले, अर उन ही जु आजादी की दशा मा बुलै गै, उ मसीह का दास बंणि गैनी।

2 कुरिन्थि 4:2

पर हम ल शर्मनाक अर गुप्त कामों तैं छोड़ी येले, अर न चालाकी ल चलद्यां, अर न पिता परमेश्वर का वचन मा कुछ मिलावट करदा, पर हम पिता परमेश्वर का संमणी भस सच सिखौदियां, अर हर कुई आदिम गव्है दे सकद कि य बात सच च।

2 कुरिन्थि 5:11

इलै प्रभु की डौर मांणी के हम सत्य पर विश्वास कनु कु लुखुं बट्टी बिनती करदा अर पिता परमेश्वर हम तैं पूरा ढंग से जंणदु च; अर मेरी आस य च, कि तुम्हरो विवेक हम तैं अच्छा ढंग से जंणदु च।

2 कुरिन्थि 5:9

इलै हमारी मन की मनसा य च, कि हम वे दगड़ी स्वर्ग मा रां, जब हम इख धरती पर रां तभि भि हम पिता परमेश्वर तैं खुश करदी रां।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

2 कुरिन्थि 8:21

किलैकि जु बात भस प्रभु ही का नजीक न, पर मनिख्युं का भि नजीक अच्छी च हम ऊं कामों तैं अच्छा ढंग से कनु कु ध्यान दींदयां।

फिलिप्पी 4:18

मि मा सब कुछ च, बल्कि बिज्यां च; जु दान तुम ल इपफ्रुदीतुस का हथ का द्वारा भेजि छो वे तैं पै के मि तृप्त हवे ग्यों, तुम ल पिता परमेश्वर तैं एक बलिदान चढ़ै जु मिठी सुगंध दींद उ यु तैं स्वीकार करदो, अर या वे तैं भौत खुश करदी।

फिलिप्पी 4:8

इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

कुलुसी 3:24

किलैकि तुम यु जंणदा छा, कि यांका बदला मा प्रभु तुम तैं अपड़ो उत्तराधिकारी बणालो, तुम जै स्वामी की सेवा करदा उ प्रभु मसीह ही च।

1 तीमुथियुस 2:3

सभि लुखुं कु इन कै प्रार्थना कन ठिक च, अर हमारो उद्धारकर्ता पिता परमेश्वर यु तैं स्वीकार भि करद।

1 तीमुथियुस 5:4

अर जु कैं विधवा का बच्चा या नाति-नत्येण हूंनु, त ऊं तैं अपड़ा परिवार का सदस्यों की देखभाल कैरी के ईश्वरीय बरतौ कन सिखण चयणु च, अर अपड़ा ब्वे-बुबा कु हक दींण सिखुनु किलैकि यु परमेश्वर तैं अच्छो लगुदु।

1 पतरस 2:12

जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।

1 पतरस 2:20

पर जु तुम तैं गलत कनु कु पिटे जांद, त दण्ड मिलण पर धीरज रखण मा तुम्हरी प्रशंसा कनु कु कुई कारण नि च। पर जु भलै कना का कारण तुम दुःख सौंदयां अर धीरज रखदां, त पिता परमेश्वर खुश हूंद।