रोमियों 12:6 - गढवली नयो नियम

⁶ अर जबकि वीं दया का अनुसार ज्वा परमेश्वर ल हम तैं दीं च, हम तैं अलग-अलग वरदान मिल्यां छिनी, त जै तैं भविष्यवाणी कनु कु वरदान मिल्युं च, वे तैं ऊं बातों तैं बुल्ण चयणु च जै पर उ विश्वास करदो च की परमेश्वर ल वे तैं बतयूं च।

Garhwali

⁶ अर वेका मुताबिक ज्वा किरपा हम पर किये गै, हमतै अलग-अलग दान-बरदान मिल्यां छिन। इलै जैतैं भविष्यबाणी करण को बरदान मिल्यूं च वु मनखि बिस्वास का मुताबिक वेको इस्तेमाल कैरो।

रोमियों 12:6 ပူးပေါင်းရင်းမြစ်များ

मत्ती 23:34

इलै देखा मि तुम मा परमेश्वर का तरपां बट्टी बुल्ण वलो तैं अर बुद्धिमानों तैं अर मूसा की व्यवस्था तैं सिखांण वलो तैं भिजणु छौं अर तुम ऊंमा बट्टी कुछ तैं मारि डलिल्या अर सूली पर चड़ैल्या अर कुछ तैं अपड़ा परमेश्वर बट्टी यहूदियों का मिलणा का भवन मा कोड़ा मरिल्या अर एक शहर बट्टी हैंका शहर मा भगौंदी रैल्या।

मत्ती 25:22

अर जै तैं द्वी चांदी का सिक्का मिली छा वेल भि ऐ के बोलि, हे स्वामी तिल मि तैं द्वी चांदी का सिक्का दे छा देख मिल द्वी चांदी का सिक्का और कमै।

लूका 11:49

इलै परमेश्वर कि बुद्धि ल भि बोलि, कि मि ऊंमा परमेश्वर का तरपां बट्टी बुल्ण वलो अर प्रेरितों तैं भिजलु अर तुम ऊंमा बट्टी कुछ तैं मारि डलिल्या अर कथगु तैं दुःख दीला।

खास चेलों 13:1

अन्ताकिया शहर का विश्वासियों की मण्डलि मा कई परमेश्वर का तरपां बट्टी बुल्ण वला अर कई शिक्षक छा। उ शिक्षक बरनबास अर शमौन, जैको दुसरो नौं नीगर भि छो, अर लूकियुस कुरेनी, अर देश का चौथाई भाग का हेरोदेस राजा को मुहबोला भैय जु दगड़ी बड़ा हवीनि मनाहेम, अर शाऊल।

खास चेलों 15:32

अर यहूदा अर सिलास ल जु अफ भि परमेश्वर का तरपां बट्टी बुल्दो छो भौत बातों ल विश्वासी भयों तैं उपदेश दे के मजबूत कैरी।

खास चेलों 2:17

परमेश्वर इन बुल्दो कि “आखिर दिनों मा इन होलो कि मि अपड़ी आत्मा सभि मनिख्युं तैं दयुलु तुम्हरा नौंना अर तुम्हरी नौंनि परमेश्वर की तरपां बट्टी बुलला अर तुम्हरा जवान दर्शन दिखला अर तुम्हरा दाना सयाणा मनिख सुपन्या दिखला

खास चेलों 21:9

वेकी चार कुँवारी नौंनि छै; जु परमेश्वर की तरपां बट्टी बुल्दी छै।

रोमियों 1:11

किलैकि मि तुम बट्टी मिलणै कि इच्छा करदु, कि मि पिता परमेश्वर की कृपा बट्टी तुम तैं कुछ आत्मिक वरदान दयूं ज्यां बट्टी तुम मजबूत हवे जावा,

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

1 कुरिन्थि 12:18

पर सचमुच मा पिता परमेश्वर ल हमारा देह का सभि अंगों तैं अपड़ी मनसा का अनुसार देह मा उन ही जगह द्ये।

1 कुरिन्थि 13:2

अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

1 कुरिन्थि 14:1

एक दुसरा बट्टी प्रेम कनै कि कोशिश किया कैरा, अर आत्मिक वरदानों तैं भि पाणै कि धुन मा रावा, खास कैरी कै यु कि भविष्यवाणी कैरा।

1 कुरिन्थि 14:24

पर जु सभि लोग पिता परमेश्वर का शुभ संदेश कु प्रचार कना छिनी, अर अविश्वासी या जु लोग यूं चीजों तैं नि समझदींनि, उ तुम्हरी सभा मा औंदींनि, त ऊं तैं एहसास होलो कि उ पापी छिनी, अर तुम जु बुल्दियां वेका कारण उ अपड़ा ढंग तैं बदलण चाला।

1 कुरिन्थि 14:29

परमेश्वर की तरपां बट्टी बुल्ण वलो मा बट्टी द्वी या तीन ही बोला, अर यु जरुरी च कि हर कुई सुंणौ अर समझो अर जांचो कि जु बुलै गै उ पिता परमेश्वर का वचन का अनुसार सै च की न।

1 कुरिन्थि 3:5

आखिर मा, मि पौलुस अर अपुल्लोस भस सेवक ही छा, जूंका द्वारा तुम लुखुं ल मसीह पर विश्वास कैरी, हम मा बट्टी हर एक ल उ ही काम कैरी जु पिता परमेश्वर ल हम तैं कनु कु द्ये।

1 कुरिन्थि 7:7

मि यु चांदु कि, जन मिल ब्यो नि कैरी, उन ही सभि मनिख हूंनु; पर हर मनिख तैं पिता परमेश्वर की तरपां बट्टी विशेष वरदान मिलयां छिनी; पिता परमेश्वर कुछ लुखुं तैं ब्यो कनु कु वरदान दींद अर कुछ तैं ब्यो नि कनु कु वरदान दींद।

2 कुरिन्थि 8:12

जु कै मा दान दींणै की इच्छा च त जु कुछ वेमा च, वेका ही आधार पर वेको दान स्वीकार होलो अर वेका आधार पर न, जु वेमा नि च।

इफिसुस 3:5

जु पिछली बात छै, परमेश्वर ल लुखुं तैं यु भेद प्रगट नि कैरी छों, जन अब आत्मा का द्वारा पवित्र अब वेका अपड़ा पवित्र प्रेरितों तैं अर परमेश्वर का तरपां बट्टी बुल्ण वलो तैं शुभ संदेश कु खुलासा करयुं च।

इफिसुस 4:11

यु मसीह छों जैल यु जिम्मेदारी मण्डलि तैं द्ये; वेल कुछ तैं प्रेरित बनांणु कु चुणि, अर कुछ तैं परमेश्वर का तरपां बट्टी बुल्ण वलो ठैरे, अर कुछ तैं शुभ संदेश सुंणाण वला ठैरे, अर कुछ तैं रखवला अर उपदेशक दींण वला ठैरे दींनि।

फिलिप्पी 3:15

हम सभि जु आत्मिक रूप मा मजबूत विश्वासी मसीह पर विश्वास करदा, उ इन ही सोच अर जु कैं बात मा और कुछ सोच त पिता परमेश्वर वे तैं भि तुम पर प्रगट कैरी द्यायालु।

1 थिस्सलुनीकी 5:20

पिता परमेश्वर ल अपड़ा लुखुं तैं जु भविष्यवाणी दीं च वेको तिरस्कार नि कैरा।

2 पतरस 1:20

पर यु भौत जरूरी च कि तुम ईं बात तैं समझा कि पिता परमेश्वर का तरपां बट्टी बुल्ण वलो का वचन जु तुम पढ़दा छा उ ऊंका अपड़ा विचार नि छिनी।