रोमियों 12:17 - गढवली नयो नियम

¹⁷ बुरै का बदला मा कै दगड़ी बुरै नि कैरा; जु बात सभि लुखुं कु भलि च, ऊंकी चिंता कैरा।

Garhwali

¹⁷ अगर कुई तुमरा दगड़ा मा बुरु कनु च, त वेका दगड़ा मा बुरु नि कैरा, बल्किन मा वु काम कैरा जु कि सभ्यों की नजर मा भला छिन।

रोमियों 12:17 ပူးပေါင်းရင်းမြစ်များ

मत्ती 5:24

त अपड़ी भेंट उखि वेदी का संमणी छोड़ दे अर जै के पैली अपड़ा भैय दगड़ी मेल मिलाप कैर अर तब ऐ के अपड़ी भेंट प्रभु तैं चड़ौ।

मत्ती 5:39

पर मि तुम मा बुल्ण छौं कि दुष्टता का बदला नि ले पर जु कुई तेरु दैंणा गल्लोड़ा पर थपड़ी मारु त वेकी तरपां दुसरु भि फेरी दे।

रोमियों 12:19

हे प्रियों बदला नि लियां; पर परमेश्वर तैं अपड़ो बदला लींण द्या, किलैकि परमेश्वर का वचन मा लिख्युं च, “बदला लींण मेरू काम च, प्रभु बुल्द मि ही बदला दयुलु।”

रोमियों 14:16

इलै भले ही तुम जु कना छा उ भलो च, पर जु कुई अर वे तैं बुरो मणदींनि, त वे तैं नि कैरा।

कुलुसी 4:5

हर एक मौका कु अच्छो इस्तेमाल कैरा, यु दिखणु कु कि तुम विश्वासी छा, अर जु लोग यीशु पर विश्वास नि करदींनि वे दगड़ी समझदारी दगड़ी बरतौ कैरा।

1 थिस्सलुनीकी 4:12

कि अविश्वासी, देखा कि तुम हर दिन कन बरतौ करदां, अर तुम्हरो आदर कैरा, अर ज्यां भि चीजों की तुम तैं जरूरत च वां कु तुम तैं कै और पर भि निर्भर नि रौंण पुड़लो।

1 थिस्सलुनीकी 5:15

ईं बात को ध्यान रखा कि कुई भि कै दगड़ी बुरै का बदला मा बुरै नि कैर; पर सदनी भलै कनु कु तैयार रावा अर सभियूं दगड़ी भलै कने कोशिश कैरा।

1 थिस्सलुनीकी 5:22

सब किस्मै कि बुरै बट्टी दूर रावा।

1 तीमुथियुस 5:14

इलै मि इन चांदु कि जवान विधवा ब्यो कैरो अर बच्चों तैं जन्म दयूंनु अर घरबार संभलुन अर कै शैतान तैं बुरै कनु को मौका नि दयूंनु।

1 पतरस 2:12

जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।

1 पतरस 3:9

बुरै का बदला मा बुरै नि कैरा अर न गल्ली का बदला मा गल्ली द्या; पर यांका विपरीत आशीष ही द्या; पिता परमेश्वर ल तुम तैं बुलै कि तुम दूसरों तैं आशीष दे साका। जु तुम इन करदा त पिता परमेश्वर भि तुम तैं आशीष दयालो।