रोमियों 11:20 - गढवली नयो नियम

²⁰ यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,

Garhwali

²⁰ त मेरी ईं बात तैं समझा, चला मणदा छां कि वु लोग बिस्वास नि करण की वजै से काटी के ढुळै गैनी, अर तुम लोग बिस्वास करण की वजै से वेमा बणयां छाँ, त सुणा, बड़ु मोन नि कैरा बल्किन मा पिता परमेस्वर पर अपणी पूरि सरदा बणै के रखा।

रोमियों 11:20 ပူးပေါင်းရင်းမြစ်များ

लूका 18:14

विश्वास कैरा, सच मा यु चुंगी लींण वला (परमेश्वर बट्टी) धर्मी घोषित किये जांण पर घौर लौटि, न की उ फरीसी, किलैकि हरेक, जु खुद तैं बड़ो बणांदों च, छुटो बणै दिये जालो पर “जु आदिम खुद बट्टी नम्र हवे जांदु उ ऊंचो उठै जांद।”

खास चेलों 18:6

पर जब यहूदी विरोध अर पौलुस का बेजती कन लगि गैनी, त वेल अपड़ा कपड़ा बट्टी धूल झाड़ि कै वेमा बोलि, “तुम खुद ही वे ल्वे का कारण दण्ड कु जिम्मेदार छा, जु तुम्हरो परमेश्वर की तरपां बट्टी मिलालो मि भंगारी नि छों। अब बट्टी मि अन्यजातियों मा जौलु अर अन्यजातियों का बीच परमेश्वर कु संदेश कु प्रचार करुलु।

रोमियों 11:18

ऊं फौंकों का बारा मा जु कटै गै छा घमंड नि करयां; अर जु तु घमंड कैर त, जांणि लै, कि तु जौड़ा तैं न, बल्कि जड़ त्वे तैं सम्भलदी।

रोमियों 11:21

जु पिता परमेश्वर ल असली फौंकियूं पर दया नि कैरी, त उ तुम पर भि दया नि करलो।

रोमियों 12:16

एक दुसरा कु उथग ही ध्यान रखा जथग अपड़ो रखद्यां; घमण्ड नि कैरा पर सीधा लुखुं का दगड़ा मा संगति रखा; अर अपड़ी नजर मा बुद्धिमान नि हो।

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

रोमियों 3:3

जु कुछ यहूदी पिता परमेश्वर का प्रति विश्वासयोग्य नि छा त क्य हवे? त क्य यांको मतलब यु च कि पिता परमेश्वर ऊंका दगड़ी अपड़ा वादों तैं पूरो कन मा अविश्वासयोग्य होलो?

1 कुरिन्थि 10:12

इलै जु कुई आदिम जु बुल्द कि पिता परमेश्वर पर वेको विश्वास मजबूत च, त वे तैं चौकनों रौंण चयणु च कि इन नि हो कि उ अचानक अजमैश बट्टी प्रभावित हवे जां अर पाप कैरा।

1 कुरिन्थि 15:1

हे विश्वासी भयों, मि तुम तैं उ ही शुभ सन्देश प्रचार याद दिलांणु छों, जु तुम ल पैली सुणैयेलि, जै संदेश पर तुम ल विश्वास भि कैरी छो, अर वेमा तुम अर भि मजबूत हूंदी ग्यां।

1 कुरिन्थि 16:13

चौकस रावा, अर लगातार विश्वास मा भि बणयां रावा, हिम्मतवला बणा, अर पिता परमेश्वर का दगड़ी अपड़ा रिश्ता तैं मजबूत रखा।

2 कुरिन्थि 1:24

यु न, कि हम विश्वास का बारा मा तुम पर प्रभुता जतांण चदयां; पर तुम्हरा आनन्द मा मददगार छा किलैकि तुम विश्वास बट्टी ही मजबूत हूंणा छा।

2 कुरिन्थि 10:5

यांका द्वारा हम वे हर एक विरोध कु, अर वे हर एक घमण्डी तैं, जु पिता परमेश्वर का ज्ञान का विरुद्ध मा मुंड उठौंदी, गिरै दींद; अर हर एक भावनाओं तैं वश मा ले के मसीह का बुल्युं मनणवला बणै दींदु।

फिलिप्पी 2:12

जब मि तुम दगड़ी छो तब तुम ल हमेशा पिता परमेश्वर की आज्ञा कु पालन कैरी अब जब मि दूर हवे ग्यों, त तुम तैं और भि बात मनण चयणी च। पिता परमेश्वर डौर का दगड़ी तुम मा बट्टी हर एक तैं ऊं चीजों तैं कन चयणु च जूं ऊं लुखुं कु सै च जौं तैं पिता परमेश्वर ल उद्धार द्ये अर बचै।

कुलुसी 2:7

जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

1 तीमुथियुस 6:17

ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।

इब्रानी 3:12

हे विश्वासी भयों, चौकस रावा, कि तुम मा इन बुरो अर अविश्वासी मन नि हो, अर पिता परमेश्वर जु ज्यूँदो च वेका अनुसरण कन से मना नि कैरा।

इब्रानी 3:19

“इन कै हम समझ सकदियां कि, ऊंल अविश्वास का कारण विश्राम की जगह मा प्रवेश नि कैरी साकी।”

इब्रानी 4:11

इलै हम वे विश्राम की जगह मा प्रवेश कने की कोशिश कैरा, इन नि हो, कि कै भि आदिम तैं उ लुखुं का उदाहरण की नकल नि कन चयणी च जैल पिता परमेश्वर की आज्ञा तैं मनणु से मना कैरी दींनि; तब हम वीं विश्राम की जगह मा प्रवेश करुला।

इब्रानी 4:6

इस्राएल का उ लोग, जैका बीच पैली बार शुभ सन्देश प्रचार सुणये गै, उ प्रवेश कन मा असफल हवे गैनी, किलैकि ऊंल पिता परमेश्वर की आज्ञा नि मांणी; पर लुखुं का प्रवेश कनु कु पिता परमेश्वर का विश्राम की जगह मा जांणो कु मौका अब भि च।

याकूब 2:19

त्वे तैं विश्वास च कि एक ही पिता परमेश्वर च; त तू ठिक करदी, दुष्टात्मा भि विश्वास करदी, अर कंपदि च।

याकूब 4:6

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”

1 पतरस 1:17

जब तुम प्रार्थना करदा त तुम पिता परमेश्वर तैं अपड़ो पिता बुल्दा। पर याद रखा कि पिता परमेश्वर कै को पक्षपात नि करदो मतलब हर एक ल क्य-क्य कैरी। इलै जबकि तुम ईं धरती पर एक परदेशी हवे के रौंदा त तुम तैं ऊंका प्रति भौत सम्मान का दगड़ी रौंण चयणु च।

1 पतरस 5:12

मि या छुटी सी चिठ्ठी सिलवानुस (सिलास) का मदद ल लिखणु अर तुम तैं भिजणु छो। मि वे तैं मसीह मा एक विश्वासयोग्य भैय का रूप मा मंणदु छो। मेरू यु तैं लिखणौं को उद्देश्य तुम तैं उत्साहित कन अर तुम तैं आश्वस्त कन कि जु कुछ भि तुम अनुभव कना छा उ वास्तव मा तुम्हरा प्रति पिता परमेश्वर की कृपा को हिस्सा च। ईं कृपा मा स्थिर रावा।

1 पतरस 5:9

तुम तैं अपड़ा मजबूत विश्वास का दगड़ी वेको विरोध कन चयणु च, याद रखा की विश्वासी भैय-बैंण जु पूरा दुनिया मा रौंणा छिनी, इन ही के दुखों तैं सौणा छिनी जन तुम सौणा छा।

दिब्य दरस 18:7

तू वीं तैं निश्चय ही जादा पिड़ा अर दुःख दिलैली जु वीं का भोगविलास भुरयां जीवन अर वीं का अपड़ा आप का प्रति घमण्ड का बराबर च। वीं ल अपड़ा आप बट्टी बोलि, “मि एक राणी का जन छो अर मि लुखुं पर राज्य करुलु। मि एक विधवा नि छो अर मि दुःख को अनुभव नि करुलु।”

दिब्य दरस 3:17

तू बुल्दी छै कि तू धनवान छै अर त्वे मा उ सब कुछ च जै की त्वे तैं जरूरत च, पर सचै य च कि तू अंधा जन छै, तू नि जणदी कि तू हकीकत मा कन छै। त्वे पर तरस आंण चयणु। किलैकि तू गरीब छै, यांको मतलब यो च कि त्वे मा विश्वास की कमी च तू ऊं लुखुं का जन छै जौं मा कपड़ा नि छिनी।