रोमियों 10:2 - गढवली नयो नियम

² किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।

Garhwali

² अर ऊंका बारा मा मि या गवै दे सकदु छौं, कि ऊंका भितर पिता परमेस्वर का पिछनै चलण को जोस भौत जादा च, मगर ऊंतैं यू पता नि च कि वेका पिछनै चलण को सही तरीका क्या च।

रोमियों 10:2 ပူးပေါင်းရင်းမြစ်များ

यूहन्ना 16:2

उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।

खास चेलों 21:20

ऊं बातों तैं सूंणि के ऊं सभियूं ल परमेश्वर की बढ़ै कैरी, फिर ऊंल पौलुस कु बोलि, “हे भयों, तु जंणदी छै कि यहूदियों मा बट्टी कई हजारों ल विश्वास कैरी; अर उ सभि मूसा की व्यवस्था को पालन विश्वासयोग्यता बट्टी करदा छा।

खास चेलों 21:28

“हे इस्राएलियों हमारी मदद कैरा। किलैकि यु उ ही आदिम च जु सभि जगह हमारा लुखुं का खिलाफ मा तैं अर व्यवस्था का खिलाफ मा अर ईं जगह का विरोध मा सिखाणु च, इख तक कि अन्यजाति (यूनानियों) तैं भि यरूशलेम शहर का मन्दिर मा लै के वेल यु पवित्र जगह तैं अपवित्र कैरी।”

खास चेलों 22:22

इख तक त लोग पौलुस की बातों तैं ध्यान से सुनणा रैनी पर तब ऊंचा शब्द बट्टी चिल्लैनी, “इन्दरा आदिम तैं मारि द्या; यु ज्यूंदा रांण का लैख नि च!”

खास चेलों 22:3

“मि यहूदी छौं, मेरू जन्म किलिकिया प्रदेश का तरसुस शहर मा हवे अर यु शहर मा बड़ो हुयुं छौं। मिल अपड़ा पुरखों की व्यवस्था का अनुसार गमलीएल का खुट्टों मा बैठी के बड़ी लगन से शिक्षा पै छै, अर परमेश्वर कु इन धुन लगि, जन कि तुम सभियूं ल आज लगईं च।”

रोमियों 10:1

हे विश्वासी भयों, मेरा मन कि इच्छा अर इस्राएल का लुखुं कु पिता परमेश्वर बट्टी मेरी प्रार्थना च, कि उ पिता परमेश्वर बट्टी उद्धार पौनु।

रोमियों 10:3

किलैकि उ नि जणदींनि, कि परमेश्वर की धार्मिकता क्य च, इलै उ अनजान हवे कै अपड़ा ढंग ल धर्मी बनणै की कोशिश कना छा, अर ऊंल अपड़ा आप तैं धार्मिकता का अधीन नि कैरी।

2 कुरिन्थि 4:4

अर ईं दुनिया का ईश्वर शैतान ल ऊं अविश्वासियों की बुद्धि तैं अंधो कैरेले, कि उ शुभ सन्देश बट्टी मसीह की महिमा का बारा मा आंण वला उज्यला तैं नि देख सका, जु दिखांद कि पिता परमेश्वर कन च।

2 कुरिन्थि 4:6

इलै कि पिता परमेश्वर ल बोलि, “अंधेरा मा बट्टी उज्यलो चमकी” अर पिता परमेश्वर ल उज्यला का जन हमारा मनों मा समझ द्ये, कि हम पिता परमेश्वर की महिमा तैं देख सका जु यीशु मसीह मा प्रगट हूंदी।

2 कुरिन्थि 8:3

अर ऊंका बारा मा मेरी य गव्है च, कि ऊंल अपड़ी सामर्थ से भि बड़ी के अपड़ा मन से दान द्ये।

गलातियों 4:15

वे बगत तुम भौत खुश छा! तुम्हरी उ खुशी अब कख च? मि सच मा यु बोलि सकदु छों कि, तु मि कु सब कुछ बलिदान कैरी दींद, यख तक की अपड़ा आँखों तैं भि।

फिलिप्पी 1:9

अर मि तुम कु प्रार्थना करदु, कि एक दुसरो कु तुमारो प्रेम सदनी बढ़दी जौं, अर तुम तैं पूरो ज्ञान अर सब किस्मै कि बुद्धि अर विवेक मिली जौं।

फिलिप्पी 3:6

अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।

कुलुसी 4:13

मि वेको गवाह छौं, कि उ तुम कु अर लौदीकिया अर हियरापुलिस शहर का लुखुं कु मन लगै के प्रार्थना कनु रौंदु।