रोमियों 10:18 - गढवली नयो नियम

¹⁸ पर मि पुछणु छों, “कि यहूदियों ल निश्चित रूप मा मसीह का बारा मा शुभ संदेश सुणयूं च, ऊंल जरूर सूंणि किलैकि परमेश्वर का वचन मा लिख्युं च, ऊंका शब्द सैरा धरती पर, अर ऊंका वचन दुनिया मा हरेक जगह पौंछि गैनी।”

Garhwali

¹⁸ मगर मेरु सवाल त यू च, कि क्या लोग न शुभ समाचार तैं नि सुणी? हाँ, ऊंन सुणी च, किलैकि पवित्रशास्‍त्र मा लिख्यूं च कि, “ऊंको रैबार पूरि धरती मा फैली गै, अर ऊंका द्‍वारा बुलयां वचन दुनियां मा चौतरफि फैली गैनी।”

रोमियों 10:18 ပူးပေါင်းရင်းမြစ်များ

मत्ती 24:14

अर पिता परमेश्वर का राज्य का बारा मा शुभ सन्देश सैरा दुनिया मा प्रचार किये जालो की सभि जातियों पर गव्है हो तब दुनिया कु अंत हवे जालो।

मत्ती 26:13

मि तुम मा सच बुल्णु छौं कि जख कखि भि शुभ सन्देश प्रचार करे जालो उख ये कामों को भि जिक्र होलो जु ईंल मि दगड़ी कैरी अर लोग ईं बात तैं याद रखला।”

मत्ती 28:19

“तुम सैरा दुनिया मा हर जगह जै कै सभि जातियों का लुखुं तैं चेला बणांव अर ऊं तैं बुबा अर नौंना का अर पवित्र आत्मा का नौं बट्टी बपतिस्मा द्यावा

मत्ती 4:8

फिर शैतान वे तैं एक भौत ऊंचा पौड़ पर ली गै अर सैरा जगत का राज्य अर ऊंको धन दौलत तैं दिखै के

मरकुस 16:15

तब यीशु ल ऊंकु बोलि, “तुम सैरा दुनिया मा हर जगह जै कै सभि रांण वलो तैं शुभ सन्देश कु प्रचार कैरा।”

मरकुस 16:20

तब यीशु ल चेलों तैं हरेक जगह प्रचार कनै की खुशखबरी द्ये अर प्रभु ऊंका दगड़ा काम कनु रै उ सामर्थ का काम द्वारा जु दगड़ा-दगड़ा हूंद छा अर प्रभु की सामर्थ चमत्कार दिखांणु रै अर वचन की सचै तैं मजबूत कनु रै, आमीन।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

खास चेलों 26:20

अर पैली दमिश्क का अर फिर यरूशलेम शहर का रौंण वलो अर तब पूरा यहूदिया प्रान्त मा अर अन्यजाति तैं समझाणु रयूं कि उ मन फिरावा अर पिता परमेश्वर मा ऐ के मन फिरौंण का लैख काम कैरा।

खास चेलों 28:23

अर तब ऊंल पौलुस तैं मिलुणु कु एक दिन तय कैरी। अर वे दिन भौत सैरा लोग वेमा ऐनी जख कि उ रौंदु छो। पौलुस सुबेर बट्टी शाम बगत तक पिता परमेश्वर का राज्य कि गव्है दींणु छो अर मूसा द्वारा लिखीं परमेश्वर की व्यवस्था अर परमेश्वर का तरपां बट्टी बुल्ण वलो कि किताबियों मा बट्टी यीशु का बारा मा विश्वास दिलांणै की कोशिश कनु छो।

रोमियों 1:8

पैली मि तुम सभियूं कु यीशु मसीह का द्वारा अपड़ा पिता परमेश्वर कु धन्यवाद करदु छों, किलैकि यीशु मसीह मा तुमारा विश्वास कि चर्चा सैरी दुनिया मा हूंणी च।

रोमियों 15:19

अर पिता परमेश्वर की पवित्र आत्मा का द्वारा मि तैं दिये गै सामर्थ बट्टी मि अद्भुत काम अर चमत्कार करदु इलै जख भि मि यरूशलेम शहर बट्टी इल्लुरिकुम तक ग्यूं छों, मिल उख सभि लुखुं तैं यीशु मसीह का बारा मा शुभ सन्देश सुणै।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

कुलुसी 1:6

यु शुभ संदेश पूरी दुनिया मा फैलणु च अर कई लोग विश्वासी बनांण छिनी। यु हर जगह जिन्दगियों तैं बदलणु च, ठिक उन ही जन कि तुम ल पैली बार दया का शुभ संदेश तैं सूंणि छो अर ईं सचै तैं समझी छो कि पिता परमेश्वर ऊं लुखुं का पापों तैं माफ करद जु मसीह पर विश्वास करदींनि।

1 थिस्सलुनीकी 1:8

किलैकि तुमारा इख बट्टी न भस मकिदुनिया प्रान्त अर अखाया प्रान्त मा प्रभु कु वचन सुंणये गै पर तुमारा विश्वास कि जु पिता परमेश्वर पर च, वांकि वजह से, हम लुखुं तैं पिता परमेश्वर मा तुम्हरा विश्वास का बारा मा हम तैं बतांण दिखदियां। इलै हम तैं दूसरों तैं तुम्हरा बारा मा कुछ भि बतौंण की कुई जरूरत नि च।