रोमियों 10:14 - गढवली नयो नियम

¹⁴ पर मसीह पर जौं लुखुं ल विश्वास नि कैरी, उ वे बट्टी प्रार्थना किलै कैरा? अर जु ऊंल वेका बारा मा नि सूंणि त वे पर कन के विश्वास कैरी सकदींनि? जु कुई प्रचारक नि हो, त उ वेका बारा मा कन कै सूंणि सकदींनि?

Garhwali

¹⁴ पर यों सब बातों खुणि लोग पिता परमेस्वर से मदद मांगा, त ऊंतैं यीशु मसीह पर बिस्वास करण पोड़लु। अर लोग यीशु पर बिस्वास तभि कैरी सकदिन जब ऊ वेका बारा मा सुणला। अर यीशु मसीह का बारा मा लोग तभि सुणी सकदिन, जब कुई मनखि ऊंतैं वेका बारा मा बतालु।

रोमियों 10:14 ပူးပေါင်းရင်းမြစ်များ

मत्ती 20:7

तब वेल ऊंकु बोलि तुम भि अंगूर का बगिचा मा काम कनु कु जावा।

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 9:36

वेल जवाब दींनि, “श्रीमान, मि तैं बतौ की उ परमेश्वर कु नौंनो को च, कि मि वे पर विश्वास कैर सकु?”

खास चेलों 19:2

ऊंकु बोलि, “क्य तुम ल विश्वास करदी बगत पवित्र आत्मा पै” ऊंल वेमा बोलि, “हम ल त पवित्र आत्मा का बारा तक नि सूंणि।”

खास चेलों 8:31

वेल बोलि, “जब तक कुई मि तैं नि समझालो की यांको मतलब क्य च, तब तक मिल कन कै समझण?” अर वेल रथ तैं रोकि के फिलिप्पुस तैं अफ दगड़ी बैठण कु बोलि।

रोमियों 1:5

मसीह का द्वारा मि पौलुस तैं दया अर प्रेरिताई परमेश्वर का द्वारा दिये गै कि मसीह यीशु का नौं का कारण सब अन्य-जाति का लोग मसीह का बारा मा शुभ संदेश पर विश्वास कैरी कै अर वेकी आज्ञाओं कु पालन कैरा,

इफिसुस 2:17

अर मसीह ल ऐ के तुम अन्यजातियों तैं, जु पिता परमेश्वर बट्टी दूर छा, अर यहूदियों तैं जु नजदीक छा मेल मिलाप अर शान्ति कु शुभ सन्देश प्रचार सुंणै।

इफिसुस 4:21

जु कुछ तुम ल यीशु मसीह का बारा मा सूंणि अर कुछ हमारा शिक्षकों ल तुम तैं सिखयूं च, उ निश्चित रूप बट्टी मसीह कु सच्चो शुभ संदेश च।

2 तीमुथियुस 4:17

पर प्रभु ल मेरू दगड़ो दींनि, अर मि तैं सामर्थ दींनि; कि मेरा द्वारा यीशु मसीह का शुभ संदेश को पूरो प्रचार हो, अर सब अन्य-जाति का लोग सूंणि ल्योनु, अर मि तैं मौत बट्टी बचै जन कि शेर का गिच्चा बट्टी छुड़ाये हो।

तीतुस 1:3

पर ठिक बगत पर, पिता परमेश्वर ल यु शुभ संदेश तैं हमारा संमणी प्रगट कैरी, अर हम यांको प्रचार सभियूं का संमणी करदां। पिता परमेश्वर अर हमारा उद्धारकर्ता यीशु मसीह ल या आज्ञा जिम्मेदारी का दगड़ी मि तैं द्ये, कि वेको यु काम कैरो।

इब्रानी 11:6

अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

याकूब 5:15

अर विश्वास बट्टी कैरी प्रार्थना ल बिमार बचि जालो, अर प्रभु वे तैं ठिक करलो; जु वेका पाप भि करयां हो, तब भि पिता परमेश्वर वे तैं माफ कैरी दयालो।