रोमियों 1:9 - गढवली नयो नियम

⁹ पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

Garhwali

⁹ अर पिता परमेस्वर जैकी सेवा मि करदु, वेको पुत्र यीशु मसीह मेरु गवा च किलैकि मि वेको शुभ समाचार लोगु का बीच मा सुणौन्दु। अर मि तुमतै लगातार अपणी प्रार्थना मा भि याद कनु रौन्दु।

रोमियों 1:9 ပူးပေါင်းရင်းမြစ်များ

मरकुस 1:1

परमेश्वर कु नौंनो यीशु मसीह क बारा मा शुभ सन्देश की शुरुवात इन कै हुंद

लूका 18:1

यीशु ल अपड़ा चेलों मा बोलि, यांका बारा मा कि सदनी परमेश्वर बट्टी प्रार्थना कन, अर हिम्मत नि छोड़ण चयणी च इलै वेल यु मिसाल दींनि,

खास चेलों 12:5

जेल मा पतरस तैं बन्द रखै गै, पर विश्वासी लुखुं की मण्डलि पतरस कु ध्यान लगै के पिता परमेश्वर बट्टी प्रार्थना कनी छै।

खास चेलों 19:21

जब यु बात हवे गैनी त पौलुस ल मकिदुनिया प्रान्त अर अखाया प्रान्त का विश्वासियों बट्टी मिलणा का बाद यरूशलेम शहर जांणो को फैसला कैरी। अर बोलि, “मि तैं यरूशलेम जांणा का बाद रोम शहर जांण भि जरुरी च।”

खास चेलों 24:14

मि तेरु संमणी यु अंगीकार करदु, कि मि प्रभु का रस्ता कु शिष्य हवे के अपड़ा पूर्वजों का पिता परमेश्वर की आराधना करदु, जै तैं यु झूठा यहूदी अगुवों को दल बुल्दींनि, अर जु बात मूसा द्वारा लिखीं परमेश्वर की व्यवस्था मा छै अर परमेश्वर का तरपां बट्टी बुल्ण वलो कि किताबों मा लिखीं छिनी, ऊं सभियूं पर मि विश्वास करदु।

खास चेलों 27:23

किलैकि जै पिता परमेश्वर को मि छौं, अर जै कि मि आराधना कनु छौं वेको स्वर्गदूत पिछली रात मि मा ऐ।

खास चेलों 3:26

परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”

रोमियों 9:1

मि मसीह तैं गव्हा मांणी कै सच बुल्णु छौं। जैको पवित्र आत्मा अर मेरू विवेक गव्है दींणु च की यु झूठ नि च।

2 कुरिन्थि 1:23

पिता परमेश्वर मेरी ईं सचै कु गवाह च कि मि दुबारा कुरिन्थुस शहर इलै नि अयुं कि मेरा कारण तुम तैं कष्ट नि हो।

2 कुरिन्थि 11:31

परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।

गलातियों 1:20

पिता परमेश्वर जंणदु च, कि जु मि तुम तैं लिखणु छों, उ पूरा ढंग से सच च।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

फिलिप्पी 1:3

पैली दिन बट्टी तुम ल यीशु मसीह का बारा मा यु शुभ सन्देश पर विश्वास कैरी, तुम पैली बट्टी मेरा दगड़िया रै चुकि ग्यां; ये कारण मि जब-जब तुम तैं याद करदु, उथग बार मि पिता परमेश्वर कु धन्यवाद करदु। अर जब मि तुम सभियूं कु पिता परमेश्वर बट्टी प्रार्थना करदु त सदनी खुशी हवे के प्रार्थना करदु।

फिलिप्पी 2:22

पर तुम जंणदा छा कि तीमुथियुस ल कन कै दिखै की उ वफादार च कि जन नौंनो बुबा दगड़ी काम-काज करदो, उन ही वेल भि शुभ सन्देश का फैलांण मा मि दगड़ी मेहनत कैरी।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

1 थिस्सलुनीकी 1:2

हम तुम सभि लुखुं कु पिता परमेश्वर कु धन्यवाद करदां अर अपड़ी प्रार्थनाओं मा तुम तैं सदनी याद करदां।

1 थिस्सलुनीकी 3:10

हम लगातार भौत प्रार्थना करदी रौंदा, कि तुम दगड़ी हम फिर से मिल सका अर जु तुम कु जरूरी च उ तुम तैं सिखै साका, कि तुम पूरा ढंग से प्रभु यीशु पर विश्वास कैरी साका।

1 थिस्सलुनीकी 5:17

सदनी प्रार्थना कन मा लगयां रावा।

1 तीमुथियुस 2:7

इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

2 तीमुथियुस 1:3

जब भि मि पिता परमेश्वर बट्टी प्रार्थना करदु, मि हमेशा तेरु नौं को जिक्र कन याद रखदु, अर त्वे कु पिता परमेश्वर को धन्यवाद करदु। यु ऊई च जै की सेवा मिल शुद्ध विवेक का दगड़ी कैरी जन मेरा पुरणों ल कैरी।

फिलेमोन 1:4

मि जब भि त्वे कु प्रार्थना करदु, मि सदनी त्वे कु पिता परमेश्वर कु धन्यवाद करदु।