रोमियों 1:30 - गढवली नयो नियम

³⁰ गपशप कन वला, निंदा कन वला, परमेश्वर बट्टी घृणा कन वला, हिंसक, बड़ा मौनया, डींगमार, बुरी-बुरी बात बनांण वला, ब्वे-बुबा कि आज्ञा कु उल्लंघन कन वला,

Garhwali

³⁰ बदनाम करण, परमेस्वर से नफरत करण, दुसरा लोगु को आदर नि करण, ढीट होण, हरेक बात मा खुद तैं बड़ु मनण वळा, एक-दुसरा का खिलाप मा बुरी चाल चलण, ब्वे-बाब की आज्ञा तैं नि मनण,

रोमियों 1:30 ပူးပေါင်းရင်းမြစ်များ

मत्ती 15:4

किलैकि परमेश्वर ल बोलि छो कि अपड़ा बुबा अर अपड़ी ब्वे कु आदर करयां अर जु क्‍वे ब्वे या बुबा खुणे बुरो बुललो उ मरै जौ।

मत्ती 16:21

वे बगत बट्टी यीशु अपड़ा चेलों तैं सिखौंण लगि गै, “कि जरूरी च कि मि यरूशलेम शहर कु जौं अर दाना-सयाणों का अर प्रधान याजक अर मूसा की व्यवस्था तैं सिखांण वलो का हथ से भौत दुःख उठै के मरै जौं अर तिसरा दिन ज्यूँदो हवे जौं।”

लूका 21:16

तुमारा ब्वे-बुबा अर भैय कुटुम्दारी वला अर दगड़िया भि तुम तैं पकड़वाला इख तक कि तुम मा बट्टी कथगों तैं मरवै भि दयाला।

यूहन्ना 7:7

दुनिया का लोग तुम बट्टी बैर नि कैरी सकदींनि पर उ मि बट्टी बैर करदींनि किलैकि मि वेका विरोध मा ईं गव्है दींदु छौं कि वेका काम बुरा छिन।

खास चेलों 5:36

किलैकि यूं दिनों से पैली थियूदास यु बोलि के प्रगट हवे, लुखुं तैं बतै की उ एक महान आदिम च अर लगभग चार सौ लोग वे दगड़ी हवे गैनी पर उ मरै गै अर जथग लोग वे तैं मंणदा छा सब तितर-बितर हवीनि अर हरचि गैनी।

रोमियों 2:17

जु तू खुद तैं यहूदी बुल्दी, अर पिता परमेश्वर की व्यवस्था मा भरोसो रखदि छै अर परमेश्वर का खास हूंणो कु घमण्ड करदी,

रोमियों 2:23

तुम तैं अफ मा पिता परमेश्वर की व्यवस्था को हूंणो को घमण्ड च, क्य पिता परमेश्वर कु वचन नि मांणी के, तुम वेको अनादर करदां?

रोमियों 3:27

त क्य इन कुछ च, जैका बारा मा हम घमण्ड कैर सकदा? वेकी त कुई जगह ही नि च। कै नियम का कारण बट्टी? यु क्य कारण च कि हम परमेश्वर की व्यवस्था कु पालन करदां? न, पर यु यीशु मसीह मा हमारा विश्वास का कारण बट्टी च।

2 कुरिन्थि 10:15

अर हम सीमा बट्टी भैर दुसरों की मेहनत पर घमण्ड नि करदा; पर हम तैं आस च, कि ज्यों-ज्यों तुम्हरो विश्वास बढ़दी जौं त्यों-त्यों हम अपड़ी सीमा का अनुसार तुम्हरा कारण अर तुम्हरा अमणी-संमणी और भौत लुखुं तक पौंछण मा सक्षम होला।

2 कुरिन्थि 12:20

किलैकि मि तैं डौर च, कखी इन नि हो, कि मि ऐ के जन चांदु छो, उन ही तुम तैं नि पौ; अर मि तैं भि जन तुम नि चांदा उन ही पां, मि तैं डौर च, कि तुम मा झगड़ा, जलन, गुस्सा, लालच, जलन, चुगली, घमंड अर बखेड़ा हो।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

2 तीमुथियुस 3:2

किलैकि लोग भस अफ बट्टी प्रेम कन वला, लोभि, डींगमार, घमण्डी, बुरै कन वला, ब्वे-बुबा को आज्ञा टलण वला, अन्यो कैरी कै धन कमौण वला, अपवित्र, मतलबी

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

याकूब 3:5

उन ही जीभ भि देह को एक छुटो सी हिस्सा च अर व बड़ी-बड़ी डींग मरदी। देखा कन कै, जरा सी आग ल कथग बड़ा जंगल मा आग लग जांदी।

याकूब 4:16

जु तुम अपड़ी बणईं योजना पर घमण्ड करद्यां, इन्दरो सैरो घमंड बुरो हूंद।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

यहूदा 1:16

यु लोग जु पिता परमेश्वर की आराधना नि करदींनि अर ऊं बातों का विरुद्ध बुरा शब्दों को इस्तेमाल करदींनि जु ऊं तैं समझ मा नि आंदी; अर जब उ जंगली जानवरों का जन बरतौ करदींनि अर जौं कामों तैं उ जंणदा छिनी ऊं तैं उ बगैर सोच-समझी के करदींनि, त उ पिता परमेश्वर की तरपां बट्टी दण्ड भुगतला।