रोमियों 1:3 - गढवली नयो नियम

³ यु शुभ सन्देश वेका नौंना, हमारा प्रभु यीशु मसीह का बारा मा च वेको जन्म राजा दाऊद का वंशज का परिवार मा हवे छो।

Garhwali

³ अर यू शुभ समाचार वेका पुत्र यीशु मसीह का बारा मा च, अर उ सरील का रुप मा राजा दाऊद का वंश मा बटि पैदा ह्‍वे।

रोमियों 1:3 ပူးပေါင်းရင်းမြစ်များ

मत्ती 1:1

या यीशु मसीह की पूर्वजों की नौं की सूचि च, उ जु अब्राहम को वंशज छो, उ राजा दाऊद को वंशज छो।

मत्ती 1:16

अर याकूब बट्टी यूसुफ पैदा हवे जु मरियम को आदिम छो अर मरियम ल परमेश्वर की आत्मा बट्टी गर्भवती हवे के यीशु तैं जन्म दींनि, जैकु मसीह बुल्दींनि।

मत्ती 1:6

अर यिशै बट्टी दाऊद राजा पैदा हवे। अर दाऊद राजा बट्टी राजा सुलैमान वीं जनन बट्टी पैदा हवे ज्वा पैली उरिय्याह कि जनन छै।

मत्ती 12:23

ईं बात पर सब लोग भैंचक मा पोड़ि के बुल्ण लगि गैनी यु क्य यु मनिख राजा दाऊद का वंशज मसीह हवे सकदो च जैकी हम उम्मीद कना छा।”

मत्ती 15:22

वे प्रदेश मा एक कनानी जाति कि एक जनन छै व चिल्लै कै बुल्ण लगि गै, “हे प्रभु दाऊद कि सन्तान मि पर दया कैर मेरी नौंनि तैं दुष्टात्मा भौत सतौंणी च।”

मत्ती 26:63

पर यीशु चुप रै तब महायाजक ल वेमा बोलि, “मि त्वे तैं ज्यून्दा परमेश्वर की सौं दींणु कि तु जु परमेश्वर कु नौंनो मसीह छै त हम तैं बतै दे।”

मत्ती 27:43

येल परमेश्वर पर भरोसो रखि जु उ यु तैं चांदु च त अब यु तैं छुड़ैल्यो किलैकि येल बोलि छो कि मि परमेश्वर कु नौंनो छौं।

मत्ती 3:17

“अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

मत्ती 9:27

जब यीशु उख बट्टी अगनैं बड़ी त द्वी अंधा वेका पिछनै यु चिल्लांदि ऐनी कि “हे यीशु, राजा दाऊद की संतान हम पर दया कैरा।”

लूका 1:35

स्वर्गदूत ल वीं तैं जवाब दींनि कि पवित्र आत्मा त्वे पर उतरलो अर परमप्रधान परमेश्वर कि सामर्थ त्वे पर छाया कैरेली इलै जन्म लींण वलो नौंनो पवित्र होलो अर परमेश्वर कु नौंनो जंणेली।

लूका 1:69

अर जु वेका सेवक राजा दाऊद का वंशज च कि वेल हम कु एक सामर्थशाली उद्धारकर्ता तैं भेजि।

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 1:34

अर मिल देखि अर मि तुम मा सच बुल्णु छो कि “यु परमेश्वर कु नौंनो च।”

यूहन्ना 1:49

नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

यूहन्ना 10:30

मि अर पिता परमेश्वर एक ही छा।

यूहन्ना 10:36

त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

यूहन्ना 20:28

यु सूंणि कै थोमा ल जवाब दींनि, “हे मेरा प्रभु, हे मेरा परमेश्वर।”

यूहन्ना 20:31

पर यु बात जु लिखीं छिनी उ इलै लिखीं छिनी कि तुम विश्वास कैरी सक्यां कि यीशु ही परमेश्वर कु नौंनो मसीह च अर वे पर विश्वास कैरी कै वेका नौं बट्टी अनन्त जीवन पावा।

यूहन्ना 5:25

मि तुम मा सच-सच बुल्णु छौं उ बगत औंणु च अर अब ही च ज्यांमा मुरयां लोग परमेश्वर का नौंना की आवाज सुणला अर जु सुणला उ हमेशा कु जीला।

यूहन्ना 7:42

परमेश्वर का वचन मा लिख्युं च कि मसीह राजा दाऊद का वंश बट्टी अर बैतलहम गौं बट्टी आलो जख राजा दाऊद रौंदु छो।

खास चेलों 2:30

पर उ त परमेश्वर का तरपां बट्टी बुल्ण वलो छो अर जंणदु छो कि पिता परमेश्वर ल सौं खै छै कि मि तेरु कुल बट्टी एक आदिम तैं तेरु सिहासन पर बैठौलु।

खास चेलों 3:13

अब्राहम कु परमेश्वर इसहाक कु परमेश्वर याकूब कु परमेश्वर छौं हमारा बापदादा का परमेश्वर अपड़ा सेवक यीशु कि महिमा कैरी पर तुम ल वे तैं मरणु कु अधिकारियों का हथ मा सौंपे ली अर जब पिलातुस ल वे तैं छोडणो विचार कैरी तब तुम ल वेका संमणी वेको इंकार कैरी।

खास चेलों 8:36

उ रस्ता मा जांदी बगत, उ एक तालाब का संमणी पौछिनी, तब खजांची ल बोलि, “इख एक तालाब च, क्य अब मि तैं बपतिस्मा लींण मा कुई रोक च?”

खास चेलों 9:20

अर उ तुरंत दमिश्क शहर का यहूदियों का मिलणा का भवन मा जै के यीशु का बारा मा यु प्रचार कन लगि गै, कि यीशु ही पिता परमेश्वर को नौंनो च।

रोमियों 1:9

पिता परमेश्वर जैकी सेवा मि अपड़ा पूरा मन बट्टी कनु छों वेका नौंना यीशु मसीह का शुभ सन्देश कु प्रचार लुखुं मा कनु छौं, उ मेरू गवाह च कि मि अपड़ी प्रार्थनाओं मा तुम तैं हमेशा याद कनु रौंदु।

रोमियों 4:1

अब हम ल यहूदी हूंणा का खातिर अपड़ा पूर्वज अब्राहम का बारा मा क्य बुल्ण? कि उ कै कारण से धर्मी गिणे गै?

रोमियों 9:3

किलैकि मि इख तक चांदु छो, कि अपड़ा यहूदी विश्वासी भयों उद्धार पांण कु जु मेरा अपड़ा कुटुंब का भाव बट्टी मेरा कुटुंब छिनी, अफी ही मसीह बट्टी परमेश्वर मि तैं श्राप द्ये अर अलग हवे जांदु।

रोमियों 9:5

अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

1 कुरिन्थि 1:9

पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।

1 कुरिन्थि 10:18

इस्राएल का लुखुं का रीतियों तैं देखा, जब सभि लोग पिता परमेश्वर तैं चढ़यूं जांणवला बलिदान का खांणु तैं खंदींनि त पिता परमेश्वर की महिमा मा हिस्सादार हूंदींनि। इन ही जु लोग मूर्तियों तैं चढ़यूं बलिदान कु खांणु तैं खंदींनि, उ भि ऊं मूर्तियों की महिमा मा हिस्सादार हूंदींनि।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

1 तीमुथियुस 2:5

किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

2 तीमुथियुस 2:8

हमेशा यीशु मसीह तैं याद रख, जु राजा दाऊद को वंश च, अर पिता परमेश्वर ल वे तैं मुर्दों मा बट्टी ज्यूँदो कैरी; अर यूं उ ही शुभ सन्देश च, जु मि लुखुं का बीच मा प्रचार करदु।

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।

1 यूहन्ना 3:23

अर वेकी आज्ञा या च कि हम वेका नौंना यीशु मसीह का नौं पर विश्वास कैरा अर जन वेल हम तैं आज्ञा दींनि वेका अनुसार आपस मा प्रेम रखा।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

1 यूहन्ना 4:15

जु कुई यु मणी लींद, कि यीशु पिता परमेश्वर को नौंनो च त पिता परमेश्वर वेमा रौंदो, अर उ पिता परमेश्वर मा रौंदो।

1 यूहन्ना 5:1

जै को यु विश्वास च, कि यीशु ही मसीह च, उ मनिख पिता परमेश्वर की सन्तान च अर जु कुई पिता परमेश्वर बट्टी प्रेम करदो, उ पिता परमेश्वर की सन्तान बट्टी भि प्रेम करद।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।

1 यूहन्ना 5:5

दुनिया पर जीत हासिल कन वलो को च? उ ही जु विश्वास करद, कि यीशु ही पिता परमेश्वर को नौंनो च।

2 यूहन्ना 1:7

मि यु इलै बुल्णु छो, किलैकि भौत सैरा लोग जु झूठी शिक्षा दींदिनि उ ईं दुनिया मा ऐ गैनी। जु कुई यु नि मणद की यीशु मसीह एक मनिख का रूप मा ईं दुनिया मा ऐ गै, त उ आदिम मसीह को बैरी च जु लुखुं तैं सदनी धोखा दींद।

दिब्य दरस 2:18

वेल मि बट्टी यु भि बोलि, थुआतीरा शहर की मण्डलि का दूत तैं यु संदेश लिख; “पिता परमेश्वर का नौंना की तरपां यु संदेश च, वेका आँखा, उ आग का लपटों का जन छिनी, वेका खुटा पीतल का जन चमकणा छा जै तैं भट्टी मा तचये जांणु हो, उ यु भि बुल्द”