रोमियों 1:25 - गढवली नयो नियम

²⁵ उ परमेश्वर का बारा मा सचै पर विश्वास कन छोड़ी दींदिनि, अर उ वे तैं स्वीकार करदींनि जु झूठ च, ऊंल परमेश्वर का बजाय सृष्टि की आराधना अर सेवा कैरी; परमेश्वर जु सभि चीजों कु सृष्टिकर्ता च वेकी महिमा हमेशा हूंदी रौ। आमीन।

Garhwali

²⁵ अर ऊंन परमेस्वर की सच्‍चै का बदला मा झूठ्‍ठ तैं स्वीकार कैरी, अर हाथों की बणि चीजों की सेवा अर वेकी भक्‍ति कैरी, मगर ईं दुनियां तैं बणौण वळा परमेस्वर की भक्‍ति ऊंन नि कैरी, जैकी तारीफ सदनि किये जान्दी। आमीन।

रोमियों 1:25 ပူးပေါင်းရင်းမြစ်များ

मत्ती 10:37

“जु ब्वे-बुबा तैं मि से जादा प्रेम करद उ मेरा लैख नि च अर जु नौंना य नौंनि तैं मि से जादा प्रेम करद उ भि मेरा चेला बनण का लैख नि च।”

मत्ती 6:24

कुई मनिख एक ही बगत पर द्वी स्वामियों कि सेवा नि कैरी सकद, किलैकि उ एक बट्टी बैर अर दुसरा बट्टी प्रेम रखलो या एक कु ईमानदार रालो अर दुसरा तैं तुच्छ जंणुलो तुम परमेश्वर अर धन दियूं कि सेवा नि कैरी सकदां।

यूहन्ना 2:8

तब वेल ऊंमा बोलि, अब पांणी निकाली कै भोज का प्रधान का संमणी ली जा सेवकों ल उन ही कैरी जन वेल ऊं कु कनु कु बोलि छो।

रोमियों 1:18

पिता परमेश्वर कु गुस्सा त ऊं लुखुं कि सभि प्रकार कि परमेश्वर-रहित अर अधर्मी काम जु लोग करदा छिनी ऊं पर स्वर्ग बट्टी प्रगट हूंद, लोग वे बुरै का द्वारा जु उ करदींनि, दूसरों तैं पिता परमेश्वर का बारा मा सचै जनणु कु रुकदा छिनी।

रोमियों 1:23

अर हमेशा ज्यूँदो रौंण वला पिता परमेश्वर कि महिमा का उ लोग जु हमेशा ज्यूंदा नि रै सकण वला मनिख, अर चलखुडोंं, अर चौपायों, अर रिंगण वला जानवरों कि मूर्तियों का समानता मा बदली गैनी।

रोमियों 9:5

अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

2 कुरिन्थि 11:31

परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।

इफिसुस 3:21

मण्डलि मा, अर मसीह यीशु मा, वेकी बड़ै पीड़ि बट्टी पीड़ि तक सदनी हूंणी रौ। आमीन।

1 थिस्सलुनीकी 1:9

किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।

1 तीमुथियुस 1:11

य शिक्षा वे शुभ सन्देश पर जुड़ीं च जु वीं महिमा का बारा मा जु धन्य पिता परमेश्वर बट्टी जुड़यां छिनी, पिता परमेश्वर ल मि तैं यु शुभ संदेश दूसरो तैं बतौंणु कु दियुं च।

1 तीमुथियुस 1:17

अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

2 तीमुथियुस 3:4

विश्वासघात कन वला, ढीट, घमण्डी, अर पिता परमेश्वर का ही न बल्कि सुख विलास बट्टी प्रेम चाहण वला हवे जाला।

1 यूहन्ना 5:20

हम यु भि जंणदा छा, कि पिता परमेश्वर को नौंनो यीशु मसीह ईं दुनिया मा ऐ अर वेकी हम तैं समझ दीं च, कि हम वे सच्चा पिता परमेश्वर तैं पछयांणी साका, अर हम वे सच्चा पिता परमेश्वर मा छा, यानि वेका नौंना यीशु मसीह मा रौंदा। सचो पिता परमेश्वर अर अनन्त जीवन यु ही च।