रोमियों 1:21 - गढवली नयो नियम

²¹ ये कारण कि पिता परमेश्वर तैं जनण पर भि ऊंल वे तैं परमेश्वर का रूप मा सम्मान नि दे, अर धन्यवाद नि कैरी, बल्कि बेकार विचार कन लगि गैनी, इख तक कि उ उन नि सुचदा जन ऊं तैं सुचण चयणु च, उ सै रीति बट्टी नि सुचदींनि।

Garhwali

²¹ किलैकि ऊ परमेस्वर तैं जणदा छिन, मगर ऊंन वेतैं वु आदर-सम्मान नि दिनी जु कि वेको च अर ना ही ऊंन वेको धन्यवाद कैरी। मगर वु लोग त वेका बारा मा बुरा विचार रखण लगि गैनी अर इनकै ऊंका मनों मा अन्धेरु समै गै।

रोमियों 1:21 ပူးပေါင်းရင်းမြစ်များ

यूहन्ना 3:19

अर दंड कि आज्ञा कु कारण यु च कि उज्यला जगत मा ऐ, मनिख्युं ल अंधेरो तैं उज्यला बट्टी जादा अच्छो जांणि किलैकि ऊँका काम बुरा छा।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

रोमियों 1:19

इलै कि यु सभि मनिख जातियों कु प्रगट च कि पिता परमेश्वर कन च, किलैकि परमेश्वर ल खुद ऊं पर वे तैं प्रगट कैरी।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

रोमियों 11:10

ऊंका आँखा अंधा हवे जौनु कि उ देखि नि साका, अर तु हमेशा ऊं की कमर तैं झुकै के रख।”

रोमियों 15:9

अर अन्य-जाति भि पिता परमेश्वर की दया का कारण बढ़ै कैरो जन परमेश्वर का वचन मा लिख्युं च, “इलै मि अन्यजातियों मा तेरी बढ़ै करुलु, अर तेरु नौं का भजन गौलु।”

2 तीमुथियुस 3:2

किलैकि लोग भस अफ बट्टी प्रेम कन वला, लोभि, डींगमार, घमण्डी, बुरै कन वला, ब्वे-बुबा को आज्ञा टलण वला, अन्यो कैरी कै धन कमौण वला, अपवित्र, मतलबी

1 पतरस 1:18

तुम जंणदा छा कि पिछला बगत मा तुम एक निकम्मा ढंग ल जीवन जींणा छा, एक इन ढंग ल जु ऊं लुखुं का द्वारा तुम तैं दिये गै जु तुम बट्टी पैली रौंदा छा। पर तुम तैं वे बेकार जीवन बट्टी छुड़ै गै। तुम तैं सोना या चाँदी जन नाश हूंण वली चीजों बट्टी नि खरीदे गै, पर मसीह का बहुमूल्य ल्वे बट्टी, जु एक शुद्ध अर सिद्ध चिनखा का जन छो।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

दिब्य दरस 14:7

उ चिलै, “पिता परमेश्वर बट्टी डैरा अर वेको सम्मान कैरा किलैकि अब वेको लुखुं तैं जांच के न्याय कनु को बगत ऐ गै। वेकी आराधना कैरा किलैकि उ ही च जैल आसमान, धरती, समुद्र अर पांणी का स्रोतों की सृष्टि कैरी।”

दिब्य दरस 15:4

“हे प्रभु, सभि जातियों का लुखुं का द्वारा तेरु आदर किये जौं, अर उ सब तेरु नौं को सम्मान कैरा, किलैकि भस तू ही पवित्र परमेश्वर छै, हर एक राज्य का सभि लोग तैं मा औंदींनि, अर उ तेरी आराधना करदींनि, किलैकि तेरु धर्म का काम सभियूं तैं अच्छा ढंग से मालूम छिनी।”