रोमियों 1:18 - गढवली नयो नियम

¹⁸ पिता परमेश्वर कु गुस्सा त ऊं लुखुं कि सभि प्रकार कि परमेश्वर-रहित अर अधर्मी काम जु लोग करदा छिनी ऊं पर स्वर्ग बट्टी प्रगट हूंद, लोग वे बुरै का द्वारा जु उ करदींनि, दूसरों तैं पिता परमेश्वर का बारा मा सचै जनणु कु रुकदा छिनी।

Garhwali

¹⁸ हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

रोमियों 1:18 ပူးပေါင်းရင်းမြစ်များ

रोमियों 1:19

इलै कि यु सभि मनिख जातियों कु प्रगट च कि पिता परमेश्वर कन च, किलैकि परमेश्वर ल खुद ऊं पर वे तैं प्रगट कैरी।

रोमियों 1:28

किलैकि ऊंल पिता परमेश्वर का ज्ञान तैं बणयूं रखण ठिक नि समझी, त परमेश्वर ल भि उ सभि अनुचित काम कनु कु ऊं तैं ऊंका निकम्मा मन का वश मा छोड़ी येले।

रोमियों 1:32

उ त परमेश्वर की यूं विधि तैं जंणदा छिनी कि इन-इन काम कन वला मौत का दण्ड का हकदार छिनी, अर फिर भि इन काम करदींनि अर कन वलो बट्टी खुश भि हूंदींनि।

रोमियों 2:3

हे मनिख, तु जु इन बुरा-बुरा काम कन वलो पर भंगार लगौंदी, अर खुद भि ऊं कामों तैं करदी; क्य तु इन समझदी कि तू पिता परमेश्वर का दण्ड कि आज्ञा बट्टी बचि जैलि?

रोमियों 3:9

त क्य हम यहूदी लोग, यूनानी अन्यजाति लुखुं बट्टी बड़िया छा? क्य हम यहूदी अन्यजातियों बट्टी भि मजबूत छा? लगदु त नि च; किलैकि हम यहूदियों अर अन्यजातियों दुयूं पर भंगार लगै येलि कि उ सब लोग पाप का अधीन छिनी।

रोमियों 4:15

परमेश्वर वे पर गुस्सा हूंद जु यु तैं पूरी ढंग से नि मंणदु; अर जख व्यवस्था नि च उख व्यवस्था कु उल्लंघन भि नि हूंद।

रोमियों 5:6

किलैकि जब हम कमजोर ही छा त मसीह ठिक बगत मा पापियों कु मोरि।

रोमियों 5:9

किलैकि हम परमेश्वर का दगड़ी धर्मी ठैरला किलैकि मसीह हम कु मोरि अर हमारा पापों कु अपड़ो ल्वे बुगै। त मसीह हम तैं निश्चित रूप बट्टी पिता परमेश्वर का गुस्सा बट्टी बचालो।

रोमियों 6:13

अर न अपड़ा देह का अंगों तैं बुरा मकसद कु इस्तेमाल हूंणु कु सुपूर्त नि कैरा, पर अपड़ा आप तैं मुर्दों मा बट्टी ज्यूँदो समझी के अपड़ा जीवन परमेश्वर तैं सौंपी द्यां, अर अपड़ा देह का अंगों तैं धार्मिक मकसद कु इस्तेमाल हूंणु कु अपड़ा जीवनों तैं पूरा ढंग से पिता परमेश्वर तैं सौंपी द्यां।

इफिसुस 5:6

उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।

कुलुसी 3:6

यूं ही बातों का कारण पिता परमेश्वर कु गुस्सा आज्ञा नि मणन वलो पर पुड़दो।

2 थिस्सलुनीकी 2:10

उ हर किस्मै की बुरै करलो अर ऊं लुखुं तैं धोखा दयालो जु पिता परमेश्वर का द्वारा नष्ट किये जाला; किलैकि उ ही सचै पर विश्वास कन से इंकार करदींनि जु ऊं तैं बचै सकद।

2 थिस्सलुनीकी 2:6

उ दुष्ट आदिम अभि तक प्रकट नि हवे, किलैकि कुछ इन च जु वे तैं रुकणु च, इलै जब उ बगत आलो जु पिता परमेश्वर कु ठहरयूं च, तब उ दुष्ट आदिम प्रकट होलो।