दिब्य दरस 7:17 - गढवली नयो नियम

¹⁷ किलैकि चिनखो जु सिंहासन का बीच मा च, उ ऊंकी देखभाल करलो, उन ही जन एक चरवाहा अपड़ा ढिबरो की देखभाल करद; अर उ, ऊं तैं ताजा पांणी पींणु कु लिजालो जु लुखुं तैं जीवन दान दींद, अर पिता परमेश्वर ऊंकी आँखों बट्टी सभि आँसूओं तैं फूंजी दयालो।”

Garhwali

¹⁷ किलैकि मेम्‍ना जु की राजगद्‍दी का बीच मा च, उ ऊंको चरवाह होलु, अर ऊंतैं जीवन का छोया का पास लेके जालु। अर पिता परमेस्वर ऊंका आंख्यों बटि सब आंसुओं तैं फुंजी द्‍यालु।”

दिब्य दरस 7:17 ပူးပေါင်းရင်းမြစ်များ

मत्ती 2:6

“कि हे यहूदिया प्रान्त का, बैतलहम शहर का लुखुं तु जु यहूदिया प्रान्त का प्रदेश मा छै तु कनके भि यहूदा का अधिकारियों मा सबसे छुटो नि छै किलैकि त्वे मा बट्टी एक आदिम आलो जु अधिपति बणालो जु मेरी प्रजा इस्राएल का लुखुं कि रखवली करलो।”

मत्ती 5:4

“धन्य छिन उ जु शोक करदींनि, किलैकि परमेश्वर ऊं तैं शान्ति दयालो।”

यूहन्ना 10:11

अच्छो चरवाहा मि छौं, अच्छो चरवाहा ढिबरों कु अपड़ो प्राण दींद।

यूहन्ना 10:14

अच्छो चरवाहा मि छों जन बुबा मि तैं जंणदु च अर मि पिता परमेश्वर तैं जंणदु छौं मि अपड़ा ढिबरों तैं जंणदु छौं अर मेरी अपड़ा ढिबरा मि तैं जंणदी छिन।

यूहन्ना 4:10

यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

यूहन्ना 4:11

जनन ल वेको बोलि, “हे स्वामी, त्वे मा पांणी भुनु कु कुछ भि नि च अर कुआँ भौत गैरु च त फिर उ जीवन कु पांणी त्वे मा कख बट्टी ऐ?

यूहन्ना 4:14

पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

1 पतरस 5:2

जन के चरवाहा अपड़ा ढिबरों की रखवली करद, उन ही तुम तैं भि हर एक की रखवली कन चयणी च जन पिता परमेश्वर ल तुम तैं देखभाल मा रखि। इन तुम अपड़ी इच्छा ल कैरा, किलैकि पिता परमेश्वर यु ही चांद कि तुम इन ही कैरा। इन भस इलै नि कैरा किलैकि तुम तैं इन कनु कु मजबूर किये गै। यु काम इलै नि कैरा किलैकि तुम धन कमौण चदयां पर पिता परमेश्वर अर लुखुं की सेवा कने की इच्छा का दगड़ी किया कैरा।

दिब्य दरस 14:4

यु उ छिनी जु पवित्र जीवन तैं ज्यन्दींनि। यु ऊं लुखुं का जन छिनी जौनु एक बार भि नाजायज सम्बन्ध नि बणैंनि अर न ही ऊंल कभी कै चीज कि पूजा कैरी, उ भस चिनखो ही जंणद कि जख कखी चिनखो जांद, यु लोग वेका ही पिछनै औंदींनि। यु उ छिनी जौं तैं धरती का सभि आदमियों बट्टी अलग किये गै। जन लोग अपड़ा पुंगड़ो की फसल कु सबसे अच्छो भाग पिता परमेश्वर तैं दींदिनि उन ही यु लोग भि अपड़ा जीवन तैं पूरी पवित्रता का दगड़ी पिता परमेश्वर अर चिनखा तैं दींदिनि।

दिब्य दरस 21:22

मिल यु शहर मा कुई मन्दिर नि देखि किलैकि सर्वशक्तिमान पिता परमेश्वर अर चिनखो वे शहर मा छिनी। इलै उख मन्दिर की कुई जरूरत नि च।

दिब्य दरस 21:23

उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।

दिब्य दरस 21:4

अर पिता परमेश्वर ऊंकी आँखों बट्टी सभि आँसूओं तैं फूंजी दयालो; अर कुई भि आदिम कभी भि दुःख महसूस नि करलो या रूलो न, किलैकि पुरणी दुनिया अब अस्तित्व मा नि च।”

दिब्य दरस 21:6

फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।

दिब्य दरस 22:1

तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

दिब्य दरस 4:11

हे हमारा प्रभु परमेश्वर, तिल सभि चीजों की रचना कैरी, तेरी ही इच्छा का अनुसार, उ बणये गैनी अर उ मौजूद छिनी, इलै ही तू महिमा अर आदर अर सामर्थ पांणा का योग्य छै।

दिब्य दरस 5:6

फिर मिल चार ज्यून्दा प्राणियों अर चौबीस दाना-सयाणों का बीच सिंहासन का बगल मा एक चिनखा तैं खड़ो देखि। चिनखा पर बलिदान का निशान छा; जु वेका सात सींग अर सात आँखा छिनी जु परमेश्वर की आत्मा छिनी, जु सैरी धरती पर भिजे गैनी।