दिब्य दरस 3:17 - गढवली नयो नियम

¹⁷ तू बुल्दी छै कि तू धनवान छै अर त्वे मा उ सब कुछ च जै की त्वे तैं जरूरत च, पर सचै य च कि तू अंधा जन छै, तू नि जणदी कि तू हकीकत मा कन छै। त्वे पर तरस आंण चयणु। किलैकि तू गरीब छै, यांको मतलब यो च कि त्वे मा विश्वास की कमी च तू ऊं लुखुं का जन छै जौं मा कपड़ा नि छिनी।

Garhwali

¹⁷ किलैकि तुम बुल्द्‍यां कि, मि सेठ छौं अर अपणी कोसिस से मिन भौत दौलत हासिल कैरियाली, अर अब मितैं कैं भि चीज कि जरुरत नि च, मगर तुम इन नि जणद्‍यां कि तुम लाचार, अर बदकिस्मत छाँ अर भौत गरीब, अन्धु अर नंगा छाँ।

दिब्य दरस 3:17 ပူးပေါင်းရင်းမြစ်များ

मत्ती 5:3

धन्य छिन उ, जु मन मा परमेश्वर का प्रति अपड़ी जरुरत का एहसास करदींनि, किलैकि स्वर्ग कु राज्य ऊंको ही च।

मत्ती 9:12

यीशु ल यु सूंणि के ऊंमा बोलि, “भला चंगों तैं वैध की जरूरत नि च पर बिमारों तैं च।

लूका 1:53

वेल भूखों तैं भलि चीजों से तृप्त कैरी अर धनवानों तैं खाली हथ निकाली दींनि।

लूका 6:24

पर तुम कु भयानक दण्ड होलो जु सैठ छा किलैकि तुम ल अपड़ी खुशी पयले।

रोमियों 11:20

यु सच च, उ त अविश्वास का कारण तुड़ै गै, पर तु विश्वास मा बणयूं रौंदी इलै घमंडी नि हो, पर डौर मांण,

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

रोमियों 12:3

किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

रोमियों 7:24

मि भौत अभागि मनिख छौं; मि तैं यु देह बट्टी कु छुडालो, जु मि तैं पिता परमेश्वर बट्टी अलग करदो।

2 पतरस 1:9

पर जु कुई आदिम यु ढंग से अपड़ा जीवन तैं नि ज्यूँदो त उ एक इन आदिम का जन च जु ढंग से नि देख सकद या जु अंधो च। उ भूली गै की पिता परमेश्वर ल वे तैं ऊं पापों कु माफ कैरी जु वेल मसीह मा विश्वास कन से पैली कैरी छो।

दिब्य दरस 16:15

दुष्टात्माओं का शासकों तैं अर ऊंकी सेनाओं तैं वीं जगह पर कठ्ठा कैरी जै तैं इब्रानी भाषा मा हर-मगिदोन बुल्दींनि। इलै प्रभु यीशु ल बोलि, “य बात सूंणा। मेरू आंण चोर का जन अचानक होलो। धन्य च उ आदिम जु मेरा आंण पर बिज्यूं हो, अर अपड़ा कपड़ोंं तैं तैयार रखो। तब उ नंगी नि होला अर कुछ भि ऊं तैं शर्मिंदा नि करलो चाहे उ भैर भौत स लुखुं का बीच मा भि किलै नि जौं।”

दिब्य दरस 2:9

मि जंणदु छो कि त्वे तैं सतै गै अर तू गरीब छै, पर आत्मिक मामलों मा तू भौत धनवान छै, मि ऊं लुखुं का बारा मा जंणदु छो जु दावा करदींनि कि उ पिता परमेश्वर का चुणयां यहूदी लोग छिनी, पर छै नि छिनी। उ तेरु बारा मा बुरी बात बुल्दींनि, पर हकीकत मा उ वे दल का सदस्य छिनी जु शैतान का छिनी।

दिब्य दरस 3:16

इलै कि तू गुनगुनो छै, अर न ठंण्डो छै अर न गर्म, पर किलैकि आलंकारिक रूप मा मेरा बारा मा तेरी सोच दुविधा मा च जन कि गुनगुनो पांणी हूंद, इलै मि त्वे तैं पूरा ढंग से हटांणु कु तैयार छो।