दिब्य दरस 19:7 - गढवली नयो नियम

⁷ आवा, हम आनन्दित अर मगन हो, अर वेकी स्तुति कैरा, किलैकि जु चिनखो च वेको ब्यो हूंण वलो च। ब्योली श्रंगार कैरी के अफ तैं सजै के वेको तैयार कैरेले।

Garhwali

⁷ इलै आ, हम खुशी अर आनन्द मणौन्द्‍यां, अर परमेस्वर की बडै करद्‍यां, किलैकि मेम्‍ना का ब्यौ को बगत ऐ गै, अर वेकी ब्यौलि न खुद तैं तयार कैरियाली।

दिब्य दरस 19:7 ပူးပေါင်းရင်းမြစ်များ

मत्ती 1:20

जब यूसुफ यूं बातों तैं सुचणु ही छो त प्रभु को स्वर्गदूत वेका सुपन्या मा ऐ के बुल्ण लगि गै यूसुफ, राजा दाऊद का वंशज, तू अपड़ी मंगेतर मरियम तैं अपड़ी जनन बनांण से नि डैर किलैकि जु वीं का गर्भ मा बच्चा च उ पवित्र आत्मा कि सामर्थ बट्टी च।

मत्ती 22:2

स्वर्ग का राज्य वीं मिसाल का समान च, एक राजा जैल अपड़ा नौंना को ब्यो कैरी।

लूका 12:36

अर तुम ऊं मनिख्युं जन बणा जु अपड़ा स्वामि तैं जुगाल कि उ ब्यो बट्टी कब लौटलो कि जब उ ऐ के दरवजो खटखटालो त तुरंत खोले जालो।

यूहन्ना 3:29

ब्योला ब्योली से ब्यो कैरी के वीं दगड़ी ही खड़ो हुंदू अर वे तैं सुंणदो च, ब्योला का शब्दो बट्टी भौत खुश हुंदू, अब मेरी या खुशी पूरी हवे गै अर मेरू मन आनन्द बट्टी भुरे गै।

2 कुरिन्थि 11:2

किलैकि मि तुम कु उन ही परेशान छों, जन पिता परमेश्वर च, इलै कि मिल तुम तैं मसीह तैं अर भस वे तैं ही दींणो कु वादा करयूं च; यु एक पिता का जन च जु अपड़ी नौंनि कु शुद्ध अर अणबिवाक का रूप मा वीं का आदिम तैं सौंपदु जब वीं कु ब्यो हूंद।

इफिसुस 5:23

किलैकि स्वामि त जनन कु मुंड च, जन मसीह मण्डलि कु मुंड च; अर मसीह मण्डलि कु उद्धारकर्ता च, जु कि वेकी खुद की देह च।

इफिसुस 5:32

या एक कीमती अर गम्भीर शिक्षा च जै बट्टी हम इन समझ सकद्यां, अर मि यांकि तुलना मसीह अर वे पर विश्वास कन वलो की मण्डलि का दगड़ी करदु।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

दिब्य दरस 11:13

वे बगत, यरूशलेम शहर मा एक भौत बड़ो भूकम्प ऐ, अर शहर की इमारतों कु दसवां हिस्सा लमडी गै; अर वे भूकम्प बट्टी सात हजार मनिख मोर गैनी अर बचयां लोग जु मोरि नि छा, उ भौत डौर गैनी, इलै ऊंल स्वर्ग का पिता परमेश्वर की महिमा कैरी।

दिब्य दरस 19:9

स्वर्गदूत ल मि बट्टी बोलि, “यु लिख, कि धन्य छिनी उ, जु चिनखा का ब्यो का जश्न मनांणु कु दावत मा बुलै गैनी।” फिर वेल मि बट्टी बोलि, “यु सच्चा वचन च जु पिता परमेश्वर की तरपां बट्टी आंद।”

दिब्य दरस 21:2

फिर मिल पवित्र शहर तैं भि देखि, जु कि नयो यरूशलेम शहर च, जु स्वर्ग बट्टी पिता परमेश्वर की तरपां बट्टी मूड़ी औणु च। वे शहर तैं एक ब्योली का जन तैयार किये गै छो, जि तैं कपड़ा पैरये गैनी अर साज-सिगांर किये गै अर जु ब्योला बट्टी ब्यो कनु कु तैयार छो।

दिब्य दरस 21:9

अर फिर ऊं सात स्वर्गदूतों मा बट्टी एक ल जौनु मनिख जाति पर सात आखरी यातनाओं बट्टी भुरयां सात कटोरा उण्डेली छा, मि बट्टी बात कैरी, वेल बोलि, “इनै औ, मि त्वे तैं ब्योली दिखौलू जैको जल्द ही चिनखा का दगड़ी ब्यो हवे जालो।”