दिब्य दरस 19:18 - गढवली नयो नियम

¹⁸ आवा अर राजाओं, सिपै का झुंडों, अगुवों, ताकतवर सैनिकों, घोड़ों अर वेका सवारों कु मांस खा। तुम हर किस्म का मुरयां लुखुं को मांस खा सकदा मतलब, दास अर स्वतंत्र, बड़ा अर छुटा सभि कु मांस खावा।”

Garhwali

¹⁸ ताकि तुम राजाओं अर सेनापतियों को, बलवान अर घोड़ो पर सवारों को, आजाद अर गुलामों को, साधारण अर खास लोगु की सिकार खै सैका।”

दिब्य दरस 19:18 ပူးပေါင်းရင်းမြစ်များ

मत्ती 24:28

जख लांश हो, उखि गरुड़ कठ्ठा हवाला।

लूका 17:37

यु सूंणि कै ऊंल वेमा पूछि, “हे प्रभु यु कख हूंण? वेल ऊंमा बोलि, सभि तैं पता चलि जालि की इन कख हूंणु जन कि सभि तैं पता च जख शव हूंदु, उखि गरुड़ कठ्ठा हवाला।”

दिब्य दरस 11:18

उ लोग जु त्वे पर विश्वास नि करदींनि भौत गुस्सा छिनी, किलैकि बगत ऐ गै कि तू अपड़ा गुस्सा दिखौ अर ऊं सभियूं तैं जांच के न्याय कनु को बगत ऐ गै जु मोरि गैनी, अब उ बगत भि च जब तू ऊं पिता परमेश्वर का तरपां बट्टी बुल्ण वलो तैं प्रतिफल दीलि जु तेरी सेवा करदींनि अर ऊं सभि जातियों का लुखुं तैं जु तेरु सम्मान करदींनि ऊं तैं जु विशेष मणै जंदींनि अर जु विशेष नि मणै जंदींनि, जबकि वे ही बगत तू ऊं तैं नाश कैरी दीलि जौनु धरती तैं विनाश कैरेले।”

दिब्य दरस 13:16

अर दुसरा जानवर ल महत्वपूर्ण अर महत्वहीन, साधारण अर विशेष, स्वामी या जु गुलाम छिनी मतलब सभि लुखुं तैं मजबूर कैरी कि उ पैला जानवर का नौं अपड़ा दैंणा हथ पर या अपड़ा माथा पर लिखा,

दिब्य दरस 17:16

उ बगत आलो जब जानवर ऊं दस राजाओं का दगड़ी जु ऊं दगड़ी छिनी, वीं वेश्या बट्टी घृणा करलो जु वे पर बैठी छै। उ वीं पर हमला करला, वीं तैं नंगी करला, उ वीं को मांस का हिस्सा तैं खै जाला, अर बकि तैं उ फूंकी दयाला।

दिब्य दरस 19:5

अर फिर मिल कै तैं बुल्द सूंणि, अर इन लगि जन य आवाज पिता परमेश्वर का सिंहासन बट्टी ऐ हो। वेल बोलि, “हे हमारा पिता परमेश्वर का सेवकों तुम जु वेका नौं को सम्मान करदा, चाहे बड़ा हो या छुटा हो। परमेश्वर की स्तुति कैरा!”

दिब्य दरस 6:15

यांको अनजाम, धरती का सभि लोग, जौं मा राजा, अर प्रधान, अर सरदार, अर अमीर अर सामर्थी लोग शामिल छा, अर हर एक दास, अर हर एक लोग गुलाम नि च, पोडो की उडियारों अर चट्टानों मा जै के छिपै गैनी;