दिब्य दरस 14:15 - गढवली नयो नियम

¹⁵ तभि एक और स्वर्गदूत जु कि चौथो स्वर्गदूत च जु पिता परमेश्वर का संदेश तैं ले के स्वर्गीय मन्दिर बट्टी भैर ऐ। वेल बादल पर बैठयूं आदिम तैं जोर दे के बोलि, “धरती की फसल पक्की के तैयार हवे गै। इलै अब अपड़ो दथड़ो चलो, अर फसल काट।”

Garhwali

¹⁵ तब स्वर्ग का मन्दिर बटि एक स्वर्गदूत निकळि, अर वेन ऊँची आवाज मा वेकू बोलि जु बादळ मा बैठयूं छौ, “अपणु दथड़ु उठौ अर लवै कैर, किलैकि लवै को बगत ऐ गै अर धरती की फसल पक्‍की गै।”

दिब्य दरस 14:15 ပူးပေါင်းရင်းမြစ်များ

मत्ती 13:30

लवैइ तक द्वी तैं दगड़ी बढण द्या अर लवैइ का बगत मि लवैइ कन वलो बट्टी बुललु कि पैली जंगली बीज कि बिज्वाड़ बटोरी के फुकणु कु ऊंका पूला बंधि ल्या अर ग्यूं का बीज तैं मेरा कुठार मा कठ्ठा कैरा।

मत्ती 13:39

अर जै दुष्ट ल ऊं तैं बूति उ शैतान च लवैइ यु दुनिया कु अन्त च अर लवैइ कन वला स्वर्गदूत छिन।

मत्ती 23:32

तुम वे बुरै तैं पूरो कन वला छा जै तैं तुमारा बाप-दादों ल शुरू कैरी छो।

मरकुस 4:29

पर जब फसल पक्की जंदींनि तब उ तुरंत दथड़ो लगौंदु किलैकि लवैइ कु बगत ऐ गै।

1 थिस्सलुनीकी 2:16

उ हम तैं अन्यजातियों तैं यु बतांण से रुकणै की कोशिश कना छिनी कि पिता परमेश्वर ऊं तैं कन कै बचै सकद अर उ अपड़ा पाप पर पाप जुड़दींनि अर अंत मा पिता परमेश्वर ऊं तैं जरूर दण्ड दयालो।

दिब्य दरस 11:19

अर पिता परमेश्वर कु जु स्वर्गीय मन्दिर च, उ खुलै गै, अर ऊंका मन्दिर मा ऊंकी वाचा कु सन्दूक दिखै द्ये, अर वे ही बगत बिजलियां, घुरांण अर भूकम्प हूंणा छा, अर आसमान मा बट्टी बड़ा-बड़ा ओलों की बरखा हूंणी छै।

दिब्य दरस 13:12

वेल वीं शक्ति कु इस्तेमाल जु वे तैं वे जानवर का द्वारा द्ये गै छै जैको जान लींण वलो घाव खूब हवे गै छो वेल दुनिया का सभि लुखुं बट्टी जबरदस्ती वे पैला जानवर की आराधना कनु कु बोलि।

दिब्य दरस 14:14

फिर मिल एक सफेद बादल देखि, अर मिल कै तैं देखि जु एक मनिख का नौंना का जन छो, जु वे बादल पर बैठयूं छो। वेका मुंड पर सोना कु मुकुट छो अर हथ मा एक तेज दथड़ो छो।

दिब्य दरस 14:16

इलै, उ आदिम जु बादल मा बैठयूं छो, धरती पर अपड़ा दथडा ल कटण लगै गै अर वेल पूरा धरती की फसलों की लवैइ कैरी।

दिब्य दरस 14:17

फिर पाँचु स्वर्गदूत स्वर्गीय मन्दिर मा बट्टी निकली, जु स्वर्ग मा च, अर वेमा भि उत्तम दथड़ो छो।

दिब्य दरस 14:18

तभि एक और स्वर्गदूत जु कि छठो स्वर्गदूत च अर जु वेदी पर आग से धूप जलांण की जिम्मेदारी निभांद। वेल चिल्लै के वे स्वर्गदूत बट्टी जै मा तेज दथड़ो च बोलि, “धरती पर अंगूरों का गुच्छा पक्की गैनी! ऊं तैं अपड़ा दथडा ल काट ले।”

दिब्य दरस 15:6

अर फिर सात स्वर्गदूत जौं तैं आखरी सात विपत्तियों तैं लेकर जांण छो, वे स्वर्गीय मन्दिर बट्टी भैर निकलनी। उ चमकदार सफेद कपड़ा पैरयां छा अर ऊंकी छती का चौ तरपां सोना की पट्टियां भि छै। फिर चार ज्यून्दा प्राणियों मा बट्टी एक ल ऊं सात स्वर्गदूतों तैं पिता परमेश्वर की तरपां बट्टी जु हमेशा ही ज्यूँदो च, भयानक दण्ड बट्टी भुरयां एक-एक सोना को कटोरा द्ये।

दिब्य दरस 16:17

अर सातु स्वर्गदूत ल कटोरा की चीज हवा मा उण्डेल दींनि, अर मिल सूंणि, उख उ छो जु स्वर्गीय मन्दिर का भितर बट्टी पिता परमेश्वर का सिंहासन बट्टी बुल्णु छो, “पूरो हवे गै।”

दिब्य दरस 6:10

अर ऊंल बड़ा शब्द से पुकार के पिता परमेश्वर से बोलि, “हे पवित्र अर सच्चा प्रभु; तू धरती पर रौंण वला ऊं बुरा लुखुं तैं दण्ड दींण मा इथग लंबो जग्वाल किलै कनी छै? हम बिनती करदा कि तू ऊं लुखुं का बरतौ कु बदला लीली जौनु हमारो ल्वे बुगै अर मार डाली।”