दिब्य दरस 14:14 - गढवली नयो नियम

¹⁴ फिर मिल एक सफेद बादल देखि, अर मिल कै तैं देखि जु एक मनिख का नौंना का जन छो, जु वे बादल पर बैठयूं छो। वेका मुंड पर सोना कु मुकुट छो अर हथ मा एक तेज दथड़ो छो।

Garhwali

¹⁴ अर फिर मिन एक सफेद बादळ देखि, जै पर मनखि का पुत्र का जन कुई बैठयूं च, अर वेका मुण्ड़ मा सोनो को मुकुट छौ अर वेका हाथ मा पैनु दथड़ु छौ।

दिब्य दरस 14:14 ပူးပေါင်းရင်းမြစ်များ

मत्ती 13:30

लवैइ तक द्वी तैं दगड़ी बढण द्या अर लवैइ का बगत मि लवैइ कन वलो बट्टी बुललु कि पैली जंगली बीज कि बिज्वाड़ बटोरी के फुकणु कु ऊंका पूला बंधि ल्या अर ग्यूं का बीज तैं मेरा कुठार मा कठ्ठा कैरा।

मत्ती 17:5

उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”

मरकुस 4:29

पर जब फसल पक्की जंदींनि तब उ तुरंत दथड़ो लगौंदु किलैकि लवैइ कु बगत ऐ गै।

लूका 21:27

तब उ मि मनिख कु नौंनो तैं सामर्थ अर महिमा का दगड़ा बादलों पर औंण दिखला।

इब्रानी 2:9

पर हम प्रभु यीशु तैं दिखदियां, वे तैं कुछ बगत कु स्वर्गदूतों मा बट्टी थोड़ा सी कम करे गै, कि पिता परमेश्वर का दया ल उ सभियूं कु मोरि जौं अर इलै वेल यु दुःख उठै अर मोरि भि गै, पिता परमेश्वर ल वे तैं महिमा अर आदर द्ये।

दिब्य दरस 1:13

अर ऊं दिवडों का बीच एक मनिख का नौंना का जन कुई दिखै, उ लंबा कपड़ा पैरयूं छो जु वेका खुट्टों तक पौंछदो छो। वेल अपड़ी छती पर एक सोना को कमरबन्द पैरयूं छो।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

दिब्य दरस 10:1

फिर मिल एक और शक्तिशाली स्वर्गदूत तैं एक बादल बट्टी घिरयूं स्वर्ग बट्टी उतरदी देखि; अर एक मेघधनुष वेका मुंड का चौ तरपां छो, अर वेको मुक सूरज का जन चमकणु छो अर वेका खुटा जगदा खम्बों का जन छा;

दिब्य दरस 11:17

यु बुल्ण लगि गैनी, “हे सर्वशक्तिमान प्रभु परमेश्वर, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद, हम सच मा तेरु धन्यवाद करदा किलैकि तिल अब अपड़ी महान सामर्थ दिखै अर तिल अब धरती पर अपड़ो राज्य शुरू कैर दींनि।

दिब्य दरस 19:12

वेका आँखा आग की लपटों का जन चमकदार छै, अर उ भौत सैरा मुकुट पैरयूं छो। अर वेको एक और नौं वे पर लिख्युं छो, पर भस उ ही वे नौं को मतलब जंणदु छो।

दिब्य दरस 20:11

फिर मिल एक सफेद सिंहासन देखि जै पर पिता परमेश्वर विराजमान छो। पर उख जख पिता परमेश्वर विराजमान छो, उख धरती अर आसमान सब गायब हवे गै, अर कैल भि वे तैं फिर नि देखि।

दिब्य दरस 6:2

तब मिल एक सफेद घोड़ा देखि, अर वेको सवार धनुष ले के छो अर वे तैं एक मुकुट दिये गै, अर उ जय करद निकली कि और भि जय पै के उ स्वर्ग बट्टी भैर धरती पर चलि गै, अर उ एक विजेता का समान जीत हासिल करद निकली अर दुबरा भि उन ही जितलो।