दिब्य दरस 13:1 - गढवली नयो नियम

¹ मिल एक जानवर तैं समुद्र मा बट्टी निकलद देखि, येका सात मुंड छा अर दस सींग छा अर वेका हर एक सींग पर राजमुकुट छा, अर वेका हर एक मुंड पर एक नौं लिख्युं छो जु पिता परमेश्वर की एक बुरै (निंदा) छै।

Garhwali

¹ तब मिन समुन्दर मा बटि एक दैंत तैं निकळद देखि, वेका दस सींग अर सात मुण्ड़ छा। अर वेका दसी सींगों पर दस मुकुट छा, अर वेका मुण्ड़ो पर परमेस्वर की बुरै करण वळा शब्द लिख्यां छा।

दिब्य दरस 13:1 ပူးပေါင်းရင်းမြစ်များ

दिब्य दरस 11:7

जब द्वी गवाह पिता परमेश्वर का संदेश कु प्रचार कैरी दयाला, त उ खतरनाक जानवर जु अथाह कुण्ड मा बट्टी निकललो, उ, ऊं द्वीयूँ दगड़ी लड़लो, ऊं तैं हरालो अर ऊं तैं मारि दयालो।

दिब्य दरस 12:3

एक और चिन्ह आसमान मा दिखै द्ये, एक भौत बड़ो अजगर छो, जु कि शैतान च। वेका सात मुंड छा अर दस सींग छा, अर वेका सातों मुंड़ो पर सात मुकुट छा।

दिब्य दरस 13:11

फिर मिल एक और जानवर तैं धरती मा बट्टी निकलद देखि, येका द्वी सींग छा जन की चिनखा का हूंदींनि। पर जब येल बोलि त यु अजगर का जन बुल्ण लगि गै।

दिब्य दरस 13:14

दुसरा जानवर तैं पिता परमेश्वर के द्वारा पैला जानवर की मौजूदगी मा झूठा चमत्कार दिखांणु की मंजूरी द्ये गै। यूं चमत्कारों का द्वारा उ धरती का सभि लुखुं तैं भटकांण मा सफल छो। वेल वे तैं पैला जानवर की एक मूर्ति बनांणै की आज्ञा द्ये, जु तलवार का द्वारा घायल हवे गै छो, पर फिर से ज्यूँदो हवे गै छो।

दिब्य दरस 13:15

दुसरा जानवर तैं (पिता परमेश्वर का द्वारा) पैला जानवर की मूर्ति बणै के वे तैं ज्यूँदो कने की मंजूरी द्ये गै छै, कि जानवर की मूर्ति बोल भि साको अर ऊं लुखुं तैं मरवे द्यो जु वे जानवर की मूर्ति की आराधना नि करदींनि।

दिब्य दरस 15:2

तब मिल कुछ देखि जु समुद्र का जन दिख्यौन्दु छो अर कांच का जन चमकणु छो अर वेमा आग भि मिल गै छै। मिल ऊं लुखुं तैं भि देखि जु जानवर बट्टी नि हारी छा। ऊंल जानवर की अर वेकी मूर्ति की आराधना नि कैरी छै, अर ऊं पर जानवर का नौं की संख्या कु चिन्ह नि लगै गै छो। उख उ वे समुद्र का छाला पर खड़ा छा अर ऊं सभियूं की एक वीणा पकड़ी छै जु पिता परमेश्वर की ऊं तैं दीं छै।

दिब्य दरस 16:13

यांका बाद मिल तीन दुष्टात्माओं तैं देखि जु दिख्योण मा मिंढ़खा का जन छा। एक अजगर का गिचा बट्टी भैर ऐ, एक पैला जानवर का गिचा बट्टी, अर एक दुसरा जानवर का गिचा बट्टी भैर ऐ, मतलब की जौनु झूठो संदेश द्ये छो।

दिब्य दरस 17:16

उ बगत आलो जब जानवर ऊं दस राजाओं का दगड़ी जु ऊं दगड़ी छिनी, वीं वेश्या बट्टी घृणा करलो जु वे पर बैठी छै। उ वीं पर हमला करला, वीं तैं नंगी करला, उ वीं को मांस का हिस्सा तैं खै जाला, अर बकि तैं उ फूंकी दयाला।

दिब्य दरस 17:3

तब पवित्र आत्मा की मदद से, स्वर्गदूत मि तैं एकांत जंगल मा ली गै, आत्मा ल मि तैं अपड़ा वश मा लींनि, अर स्वर्गदूत ल मि तैं एक एकांत जंगल मा पौंछै, अर मिल उख मा एक जनन तैं देखि जु एक जानवर पर सवार छै अर जु लाल रंग को छो। वेका सात मुंड अर दस सींग छा। वेको देह ऊं नौं बट्टी ढकयूं छो जु पिता परमेश्वर की बुरै करदो छो।

दिब्य दरस 17:5

अर ऊंका कपालो पर, एक नौं लिख्युं छो जै की एक छिपी बात छै। य इन छै, “मि महान शहर बाबेल छो। मि सभि वेश्याओं की ब्वे छो अर उ छो जु दुनिया की सभि तुच्छ कामों को स्रोत छो।”

दिब्य दरस 19:19

फिर मिल वे जानवर तैं देखि जु समुद्र बट्टी भैर ऐ छो, अर धरती का राजाओं अर ऊंका सेनाओं तैं देखि। उ घोड़ा पर बैठण वला अर वेकी सेना का विरुद्ध लड़ै कु एक दगड़ी ऐनी।