दिब्य दरस 12:10 - गढवली नयो नियम

¹⁰ फिर मिल स्वर्ग मा बट्टी यु बड़ो शब्द आंद सूंणि, अब हमारो पिता परमेश्वर अपड़ा विश्वासी लुखुं तैं उद्धार दयालो! अब उ अपड़ी सामर्थ को इस्तेमाल करलो अर राजा का रूप मा काम करलो! अब वेको मसीह दुनिया पर अपड़ो अधिकार को दावा करलो! किलैकि अब शैतान हमारा पिता परमेश्वर की उपस्थिति मा खड़ो हवे के हमारा दगड़िया सेवकों पर दिन-रात भंगार नि लगालो। किलैकि वे तैं स्वर्ग का राज्य बट्टी भैर फेंके द्ये गै!

Garhwali

¹⁰ तब मिन स्वर्ग मा एक ऊँची आवाज तैं इन ऐलान करद सुणी, “सुणा, अब हमरा परमेस्वर की तरफा बटि मिलण वळु छुटकारा, अधिकार अर राज की स्थापना ह्‍वे गै, अर वेका मसीह को राज कन को अधिकार परगट ह्‍वे गै, किलैकि हमरा बिस्वासी भै-बैंणो पर दोष लगौण वळा तैं मूड़ी ढुळै गै, अर यू वु छौ जैन पिता परमेस्वर का समणि रै के ऊं पर दिन-रात दोष लगौण को काम कैरी।

दिब्य दरस 12:10 ပူးပေါင်းရင်းမြစ်များ

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

मत्ती 28:18

तब यीशु ल ऊंकु बोलि, “स्वर्ग अर धरती को सैरो अधिकार मि तैं दियुं च।”

मत्ती 6:10

तेरु राज्य औ। तेरी इच्छा जन स्वर्ग मा पूरी हूंदी च उन ही धरती पर भि पूरा हो।

लूका 11:2

वेल ऊंमा बोलि, जब तुम परमेश्वर बट्टी प्रार्थना कैरा त बोला, हे हमारा बुबा तेरु नौं सब लुखुं मा पवित्र मणै जौं अर तेरु राज्य औ।

लूका 22:31

शमौन, हे शमौन पतरस, शैतान ल परमेश्वर बट्टी तुम सभियूं की अजमैश कने की अनुमति मांगी च, अच्छा तैं बुरा बट्टी अलग कने, जन एक किसान ग्यूं का बीज तैं झाड़ बट्टी अलग करद।

1 कुरिन्थि 5:4

तुम तैं इन कन जरूरी च, कि तुम विश्वासियों का जन मसीह यीशु की सामर्थ मा कठ्ठा हवे जा, यु जांणि के भि कि तुम मा हमारा प्रभु यीशु मसीह कु अधिकार च; अर यु इन च कि जन मि भि तुम दगड़ी उख मा मौजूद छों; अर फिर प्रभु यीशु मसीह का अधिकार का द्वारा

2 कुरिन्थि 12:9

अर वेल मि बट्टी बोलि, “मेरी कृपा त्वे कु भौत च; किलैकि मेरी सामर्थ कमजोरी मा सिद्ध हूंदी” इलै मि बड़ा आनन्द ल अपड़ी कमजोरियों पर घमण्ड करुलु, कि मसीह की सामर्थ मि पर छाया करदी रौ।

तीतुस 2:3

इन ही कै दाना जननों तैं भि जीवन जींण चयणु च, जु पवित्र लुखुं का जन हो, उ कै पर भंगार लगौंण वली नि हूंनु अर दाखमधु पीण वला नि हूंनु; बल्कि अच्छी बात सिखौंण वली हूंनु।

1 पतरस 5:8

हमेशा तैयार रावा, अर बिज्यां रावा, किलैकि शैतान, तुम्हरो दुश्मन तुम पर हमला कन चांद कि तुम पिता परमेश्वर की आज्ञाओं को पालन नि कैरा। उ घुरांण वला शेर का जन च, जु अगनैं घुमद रौंदो कि उ कै तैं खै साक।

दिब्य दरस 11:15

जब सातु स्वर्गदूत ल तुरै फूंकी, मिल स्वर्ग मा तेज आवाजो तैं बुल्द सूंणि; “दुनिया मा अब और कुई नि च जु राज्य कैरो, भस हमारो प्रभु परमेश्वर अर वेको चुणयूं मसीह राज्य करलो। अर उ हमेशा-हमेशा कु राज्य करुलु।”

दिब्य दरस 2:26

उ लोग जु बुरै तैं हरै दींदिनि, अर जु आखरी बगत तक मेरी आज्ञाओं तैं मणदींनि, मि ऊं तैं देशों की जातियों पर राज्य कनु कु अधिकार दयुलु।

दिब्य दरस 7:10

अर ऊंची आवाज मा बुल्दी छै, “हमारा पिता परमेश्वर की स्तुति हो जु सिंहासन पर विराजमान च, अर चिनखा की स्तुति कैरा भस तू ही छै जु उद्धार दींदी।”