दिब्य दरस 1:16 - गढवली नयो नियम

¹⁶ उ अपड़ा दैंणा हथ मा सात गैणो तैं लियुं छो, अर वेका गिचा बट्टी तेज द्वी धार वली तलवार निकलदी छै; अर वेको मुक सामर्थ ल भुरयां दोफरा का बगत मा चमकण वला सूरज का जन चमकणु छो।

Garhwali

¹⁶ वेका दैंणा हाथ मा सात गैंणा छा, अर वेका गिच्‍चा बटि पैनी तलवार निकळणी छै ज्वा की दुई तरफा बटि भौत तेज छै। अर वेकू मुख इन चमकणु छौ जन की सूरज बटि निकळण वळु घाम।

दिब्य दरस 1:16 ပူးပေါင်းရင်းမြစ်များ

मत्ती 17:2

जब ऊंल वे जनै देखि त वेकु रुप बदली गै अर वेको मुक सूरज जन चमकि अर इख तक की वेका कपड़ोंं कु भि एक अलग रूप छो उ चमकदार अर सफेद हवे गै छा।

खास चेलों 26:13

त हे राजा बट्टा मा दोफरा का बगत पर मिल स्वर्ग बट्टी सूरज का उज्यला बट्टी भि तेज उज्यलो अपड़ा अर अफ दगड़ी जांण वलो का चौतरफी चमकद देखि।

इफिसुस 6:17

जन एक सिपै अपड़ा मुंड तैं युद्ध मा टोप पैरदो, उन ही परमेश्वर तुम तैं शैतान बट्टी बचालो। जन एक सिपै खुद कु बचाव कु एक तलवार लींदु, उन ही अपड़ा उद्धार कु पिता परमेश्वर का वचन इस्तेमाल कैरा, यु पवित्र आत्मा कि तरपां बट्टी च।

इब्रानी 4:12

किलैकि पिता परमेश्वर कु वचन जीवन, सशक्त अर कै भि द्वी धार वली तलवार बट्टी भि जादा तेज च। व प्राण अर आत्मा तैं, मतलब की ग्रंथियों अर मज्जा का विच्छेद तक पहुचद अर हमारा मन का विचारों तैं परखद।

दिब्य दरस 1:20

अब मि बतौलु कि मेरा दैंणा हथ का सात गैणो को क्य मतलब च अर सोना की सात दिवडों को क्य मतलब च जु कि पैली पता नि छो। यांको मतलब यु च सात गैणा ऊं स्वर्गदूतों तैं बतौंदींनि जु सात मण्डलियों की रखवली करदींनि अर सात दिवडा सात मण्डलियों तैं बतांद।

दिब्य दरस 10:1

फिर मिल एक और शक्तिशाली स्वर्गदूत तैं एक बादल बट्टी घिरयूं स्वर्ग बट्टी उतरदी देखि; अर एक मेघधनुष वेका मुंड का चौ तरपां छो, अर वेको मुक सूरज का जन चमकणु छो अर वेका खुटा जगदा खम्बों का जन छा;

दिब्य दरस 12:1

जब उ खत्म हवे गै, त उख एक अद्भुत चिन्ह छो जु आसमान मा देखि सकदु छो। किलैकि जून पर एक जनन खड़ी छै जीं का इन कपड़ा पैरयां छा जु सूरज का जन चमकणा छा। वेको अपड़ा मुक पर एक मुकुट पैरयूं छो जै मा बारह गैणा छा;

दिब्य दरस 19:15

सवार का गिचा बट्टी एक तेज तलवार निकलदी जैको इस्तेमाल ऊं जातियों तैं हरांणु कु करलो, अर उ लोखर का जांठा दगड़ी ऊं पर राज्य करलो। यूं तैं सर्वशक्तिमान परमेश्वर का भयानक गुस्सा की दाखमधु का कुण्ड मा अंगूरों तैं निचोड़ण जन होलो।

दिब्य दरस 19:21

येका बाद, वेल जु घोड़ा पर बैठयूं छो अपड़ा गिचा बट्टी निकलण वली तलवार कु इस्तेमाल कैरी के दुसरा सभियूं तैं मार दींनि। तब आसमान का सभि चलखुडों ल तब तक शवों कु मांस खांदी रैनी जब तक कि ऊंको पुटगो पूरो नि भुरे गै।

दिब्य दरस 2:1

वेल मि बट्टी यु भि बोलि, इफिसुस शहर की मण्डलि का दूत तैं यु संदेश लिख मि उ ही छो जु अपड़ा दैंणा हथ मा सात गैणों तैं रखदु अर जु सोना का सात दिवडा का बीच मा चलदु। मि तुम बट्टी यु बुल्णु छो;

दिब्य दरस 2:12

पिरगमुन शहर की मण्डलि का दूत तैं यु संदेश लिख “मि ही छो जै मा तेज द्वी धार वली तलवार च।” मि त्वे बट्टी यु बुल्दो;

दिब्य दरस 2:16

मन फिरौ, जु तू इन कन बंद नि करिली त मि जल्द ही औलु अर ऊं लुखुं का विरुद्ध वीं तलवार से लडुलू, जु मेरू वचन च।

दिब्य दरस 3:1

सरदीस शहर की मण्डलि का दूत तैं लिख; “यु संदेश वेका तरपां बट्टी च जु सात गैणों तैं अपड़ा हथ मा ले के रखद अर जु पिता परमेश्वर का सात आत्माओं तैं भिजद, यु बुल्द कि मि जंणदु छो कि तू क्य करदी, कि तू मेरू विश्वासयोग्य विश्वासी प्रतीत त हूंदी, पर हकीकत मा तू अब मेरू अनुसरण नि करदी।”