फिलिप्पी 4:1 - गढवली नयो नियम

¹ मेरा प्रिय विश्वासी भयों जौं बट्टी मि प्रेम करदु, मि तैं तुम लुखुं बट्टी मिलणै की भौत इच्छा च, जु मेरू आनन्द अर मुकुट हो, हे विश्वासी प्रिय भयों, प्रभु मा इन ही कै विश्वास मा मजबूत बंणयां रावा।

Garhwali

¹ हे मेरा प्यारा भै-बैंणो, मेरु मन तुम लोगु से मिलण को भौत करदु, किलैकि मि तुम से भौत प्यार करदु। अर मि तुम से बिन्ती करदु कि तुम प्रभु का पिछनै इन्‍नि चलणा रा अर यां मा ही मेरी खुशी च, किलैकि तुम लोग मि खुणि एक मुकुट का रुप मा इनाम छाँ।

फिलिप्पी 4:1 ပူးပေါင်းရင်းမြစ်များ

मत्ती 10:22

मेरा नौं का वजह से सब लोग तुम बट्टी बैर रखला पर जु आखिर तक धीरज रखलो वेको ही उद्धार होलो।

यूहन्ना 8:31

तब यीशु ल ऊं यहूदियों बट्टी जौंन ऊं पर विश्वास कैरी छो बोलि, जु तुम मेरा वचन मा बणयां रैल्या त सच्ची मा मेरा चेला ठैरिल्या।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

खास चेलों 14:22

अर हर एक शहर मा चेलों का मनों तैं मजबूत करदींनि रैनी अर यु उपदेश दींदी रैनी कि विश्वास मा बणया रावा; अर यु बुल्दो छो, “हम तैं भौत दुख सै के पिता परमेश्वर का राज्य मा पौछांण होलो।”

खास चेलों 2:42

उ प्रेरितों बट्टी वचन की शिक्षा पांण मा अर संगति रखण मा उ प्रभु भोज मा सहभागी हूंदा छा अर विश्वासी एक दगड़ी अपड़ो खांणु खांदा छा अर पिता परमेश्वर बट्टी प्रार्थना कन मा लौलीन रौंदा छा।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

1 कुरिन्थि 16:13

चौकस रावा, अर लगातार विश्वास मा भि बणयां रावा, हिम्मतवला बणा, अर पिता परमेश्वर का दगड़ी अपड़ा रिश्ता तैं मजबूत रखा।

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

फिलिप्पी 1:8

ईं बात मा पिता परमेश्वर मेरू गवाह च कि मि मसीह यीशु जन प्रेम कैरी के तुम सभियूं तैं दिखणै की लालसा करदु।

फिलिप्पी 2:16

कि मसीह का फिर से औंणा का दिन मि तैं घमंड कनु कु कारण हो कि मेरी कोशिश अर मेरी मेहनत बेकार नि रौ।

फिलिप्पी 2:26

वेको ज्यू तुम सभियूं मा लग्युं छो, किलैकि तुम ल वेकी बिमारी कु हाल समाचार सूंणि, इलै उ तुमारी चिंता करदु।

कुलुसी 4:12

इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

2 थिस्सलुनीकी 2:15

इलै, हे विश्वासी भयों, ठिक राव़ा; ऊं बातों पर विश्वास करदी रावा जु हम ल तुम तैं सिखै छै जब हम तुम दगड़ी छा अर जब हम ल तुम कु चिठ्ठी भेजि छै।

2 तीमुथियुस 2:1

इलै हे मेरा नौंना तीमुथियुस तु वीं कृपा से ज्वा त्वे तैं मसीह यीशु दींद, वां मा मजबूत बंणि जा।

इब्रानी 10:23

अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।

इब्रानी 3:14

जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

इब्रानी 4:14

इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।

2 पतरस 3:17

इलै हे प्रियों, तुम पैली ही बट्टी जंणदा छा कि यु बात होली। इलै, सावधान रावा कि जु लोग नियमों तैं नि मणदींनि उ तुम बट्टी झूठ बोलि के तुम तैं भटकै नि द्या। त तुम सच्ची बातों पर विश्वास कन बंद कैरी दीला जै पर तुम ल एक बगत मजबूती से विश्वास कैरी छो।