फिलेमोन 1:4 - गढवली नयो नियम

⁴ मि जब भि त्वे कु प्रार्थना करदु, मि सदनी त्वे कु पिता परमेश्वर कु धन्यवाद करदु।

Garhwali

⁴ हे फिलेमोन भै, जब-जब मि प्रार्थना मा त्वेतै याद करदु, त मि हमेसा अपणा परमेस्वर तैं धन्यवाद देन्दु,

फिलेमोन 1:4 ပူးပေါင်းရင်းမြစ်များ

रोमियों 1:8

पैली मि तुम सभियूं कु यीशु मसीह का द्वारा अपड़ा पिता परमेश्वर कु धन्यवाद करदु छों, किलैकि यीशु मसीह मा तुमारा विश्वास कि चर्चा सैरी दुनिया मा हूंणी च।

इफिसुस 1:16

मि सदनी तुम कु पिता परमेश्वर कु धन्यवाद करदु छों, अर अपड़ी प्रार्थनाओं मा तुम तैं याद करदु छों।

फिलिप्पी 1:3

पैली दिन बट्टी तुम ल यीशु मसीह का बारा मा यु शुभ सन्देश पर विश्वास कैरी, तुम पैली बट्टी मेरा दगड़िया रै चुकि ग्यां; ये कारण मि जब-जब तुम तैं याद करदु, उथग बार मि पिता परमेश्वर कु धन्यवाद करदु। अर जब मि तुम सभियूं कु पिता परमेश्वर बट्टी प्रार्थना करदु त सदनी खुशी हवे के प्रार्थना करदु।

कुलुसी 1:3

हम तुम कु सदनी प्रार्थना कैरी कै अपड़ा प्रभु यीशु मसीह का पिता यानि पिता परमेश्वर कु धन्यवाद करदां

1 थिस्सलुनीकी 1:2

हम तुम सभि लुखुं कु पिता परमेश्वर कु धन्यवाद करदां अर अपड़ी प्रार्थनाओं मा तुम तैं सदनी याद करदां।

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

2 तीमुथियुस 1:3

जब भि मि पिता परमेश्वर बट्टी प्रार्थना करदु, मि हमेशा तेरु नौं को जिक्र कन याद रखदु, अर त्वे कु पिता परमेश्वर को धन्यवाद करदु। यु ऊई च जै की सेवा मिल शुद्ध विवेक का दगड़ी कैरी जन मेरा पुरणों ल कैरी।

फिलेमोन 1:5

मि प्रभु यीशु मा तेरु विश्वास अर पिता परमेश्वर का सभि लुखुं का प्रति तेरु प्रेम का बारा मा सुंणोदु।