फिलेमोन 1:17 - गढवली नयो नियम

¹⁷ जब उनेसिमुस त्वे मा वापिस आलो तुम वे दगड़ी उन ही आनन्द कु बरतौ करयां जन कि तु मेरू स्वागत करिल्या।

Garhwali

¹⁷ इलै अगर जु तू मितैं अपणु खास दगड़्या समझदी, त उनेसिमुस तैं भि उन्‍नि स्वीकार कैर जन तिन मितैं स्वीकार कैरी छौ।

फिलेमोन 1:17 ပူးပေါင်းရင်းမြစ်များ

मत्ती 10:40

“जु तुम तैं स्वीकार करदो उ मि तैं स्वीकार करदो अर जु मि तैं स्वीकार करदो उ मेरा भिजण वला तैं स्वीकार करदो।”

मत्ती 18:5

अर जु कुई मेरा नौं से एक इन बच्चा तैं स्वीकार करदो उ मि तैं स्वीकार करदो।

मत्ती 25:40

तब मि राजा ऊं तैं जवाब दयालो मि तुम मा सच बुल्णु छौं कि तुम ल जु मेरा यूं छुटा से छुटा मेरा चेला विश्वासी भयों मा बट्टी कै एक का दगड़ा भि कैरी उ सब मि ही दगड़ी कैरी।

खास चेलों 16:15

अर जब वीं ल अपड़ी कुटुम्दारी समेत बपतिस्मा लींनि त वीं ल बिनती कैरी कि जु तुम मि तैं प्रभु की विश्वासी समझदा छा त चला अर मेरा घौर मा रावा अर व हम तैं मणै के ली गै।

2 कुरिन्थि 8:23

जु कुई तीतुस का बारा मा पूछो, त उ मेरू दगड़िया च, अर तुम कु मेरू सहकर्मी प्रेरित च, अर जु हमारा विश्वासी भयों का बारा मा पूछो, जु उ मण्डलियों तैं भिज्यां छिनी अर ऊंको जीवन मसीह की महिमा कु च।

इफिसुस 3:6

यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

फिलिप्पी 1:7

यु ठिक च कि मि तुम सभियूं कु इन ही विचार कैर, किलैकि मि तुम बट्टी भौत प्रेम करदु, जब की मि एक बंधि छों अर शुभ सन्देश कु जवाब प्रमाण दींण मा तुम सभि भि पिता परमेश्वर कि कृपा मा मि दगड़ी छा।

1 तीमुथियुस 6:2

अर जौं का स्वामि विश्वासी छिन, ऊं तैं उ विश्वासी भैय समझी के सही सम्मान द्या; बल्कि ऊंकी और भि सेवा कैरा, किलैकि यां बट्टी फैदा उठांण वला विश्वासी अर मसीह मा भैय का रूप मा प्रेम करदींनि। यूं बातों कु पालन कनु कु सभियूं तैं उत्साहित कनु रौ।

फिलेमोन 1:10

मि उनेसिमुस का बारा मा त्वे बट्टी बिनती कनु छौं, जु मेरा नौंना जन च। जब मि कैद मा छौं तब उ मेरू नौंनो बंणि गै।

फिलेमोन 1:12

मि उनेसिमुस तैं त्वे मा वापिस भिजणु छौं, जै तैं मि पूरा मन बट्टी प्रेम करदु।

फिलेमोन 1:18

अर वेल तेरु कुछ नुकसान कैरी हो, या उ तेरी कैं भि चीज को कर्जदार हो, त वे सब तैं तु मेरा नौं पर लिखीं दे।

इब्रानी 3:1

इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च।

इब्रानी 3:14

जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

याकूब 2:5

हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,

1 पतरस 5:1

कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

1 यूहन्ना 1:3

हम ल यीशु मसीह का बारा मा जु कुछ भि देखि अर सूंणि, वेकी गव्है हम तुम तैं भि प्रचार करद्यां इलै कि हम दगड़ी तुम्हरी भि संगति हो, अर हमारी या दगड़ी बुबा का दगड़ा, अर वेका नौंना यीशु मसीह का दगड़ी च।