मरकुस 9:25 - गढवली नयो नियम

²⁵ जब यीशु ल देखि कि लोग दौड़ि कै भीड़ मा जुड़णा छिन त वेल वीं दुष्टात्मा तैं इन बोलि के घुड़कि, हे अशुद्ध आत्मा जु यु लड़का तैं गुंगु अर बहरो बनांणी छै मि त्वे तैं आज्ञा दींणु छौं वे तैं छोड़ी के निकली जा अर फिर कभि यु मा नि समै।

Garhwali

²⁵ अर जब यीशु न देखि की लोग दौड़ी के भीड़ लगौण लगि गैनी, त वेन वे नौना मा लग्यां खबेस तैं झिड़की के बोलि, “हे गूंगा अर बैरा खबेस, मि त्वेतै आज्ञा देन्दु, वेमा बटि निकळि जा, अर फिर येका भितर कभि नि ऐ।”

मरकुस 9:25 ပူးပေါင်းရင်းမြစ်များ

मत्ती 12:22

तब लोग एक अंधा-गूंगा मनिख तैं जै पर दुष्टात्मा छै यीशु का संमणी लैनि अर वेल वे तैं खूब कैरी अर उ गूंगो बुलांण लगि गै अर अंधों दिखण लगि गै।

मत्ती 17:18

तब यीशु ल दुष्टात्मा तैं इन बोलि के घुड़कि अर व वेमा बट्टी निकली गै अर उ नौंनो तुरंत खूब हवे गै।

मरकुस 9:15

जन ही सभि लुखुं ल यीशु तैं देखि त सभि भैचक मा पोड़ि गैनी अर वेका संमणी जै कै वे तैं प्रणाम कैरी।

मरकुस 9:24

वे लड़का का बुबा ल तुरंत गंगजै कै बोलि, “हे प्रभु मि विश्वास करदु मेरा अविश्वास तैं दूर कैर।”

मरकुस 9:26

तब उ दुष्टात्मा चिल्लै कै अर वे नौंना तैं मरोड़ कै निकली गै अर उ नौंनो हिली तक नीच अर मुरयां जन लगि इख तक कि भौत लोग बुल्ण लगि गैनी कि उ मोरि गै।

लूका 11:14

यीशु ल एक गूंगि दुष्टात्मा तैं निकाली जब दुष्टात्मा निकली गै त गूंगो बुल्ण लगि गै अर लुखुं ल अचम्भो कैरी।

लूका 4:35

यीशु ल दुष्टात्मा तैं झिड़की के बोलि, “चुप रौ अर वेमा बट्टी दूर हो अर निकली जा।” तब दुष्टात्मा वे तैं बीच मा पटकी के बगैर कुई नुकसान पौंछयां वे बट्टी दूर हवे के भैर निकली गै।

लूका 4:41

अर भौतों मा बट्टी दुष्टात्मा चिल्लांदि अर यु बोलि के निकली गै की, “तु परमेश्वर कु नौंनो छै” पर उ, ऊं तैं खिज्योंदा अर बुल्ण नि दींदु छो किलैकि उ जंणदी छै कि यु मसीह च।

लूका 8:29

किलैकि उ वीं दुष्टात्मा तैं वे मनिख बट्टी निकलणै की आज्ञा दींणु छो इलै की व आत्मा वे पर बार-बार औंदि छै अर जबकि लोग वे तैं संगलों ल बंधदा छा तब भि उ बन्धनों तैं तोड़ी दींदु छो अर अशुद्ध आत्मा वे तैं एकांत जंगल मा भगौंदि छै।

लूका 9:42

उ औंणु ही छो कि दुष्टात्मा ल वे तैं पटकी के मरोड़ि पर यीशु ल दुष्टात्मा तैं झिड़की अर नौंना तैं खूब कैरी कै वेका पिता तैं सौंपी दींनि।

खास चेलों 16:18

व भौत दिन तक इन ही करदी रै, पर पौलुस दुखी हवे, अर मुड़ी के वीं दुष्टात्मा बट्टी बोलि, “मि त्वे तैं यीशु मसीह का नौं से आज्ञा दींदु, कि वीं बट्टी निकली जा अर व आत्मा तुरंत निकली गै।”

यहूदा 1:9

इख तक की मीकाईल ल भि जु पिता परमेश्वर का मुख्य स्वर्गदूतों मा बट्टी एक छो, वेल अपमान नि कैरी जन यु अधर्मी लोग करदींनि। किलैकि जब वेल शैतान का दगड़ी विवाद कैरी अर पिता परमेश्वर का तरपां बट्टी बुल्ण वला मूसा की देह तैं लींणु कु अपड़ा अधिकार की चुनौती द्ये, त मीकाईल ल भि यु नि सोचि कि वेमा बुरी बात बोलि के शैतान पर जांच का द्वारा भंगार लगांण कु अधिकार च। बल्कि वेल बोलि, “प्रभु त्वे दगड़ी कड़ाई से बात कैरो।”