मरकुस 6:6 - गढवली नयो नियम

⁶ अर यीशु ऊंका अविश्वास तैं देखि के भैंचक हवे के चारों तरपां गौं बट्टी दुसरा गौं मा वचन की शिक्षा दींद फिरी।

Garhwali

⁶ अर बिस्वास नि करण की बात तैं देखि के यीशु तैं ऊं पर बड़ु ताजुब ह्‍वे। फिर उ गौं-गौं मा जैके के उपदेस देण लगि गै।

मरकुस 6:6 ပူးပေါင်းရင်းမြစ်များ

मत्ती 4:23

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के शुभ सन्देश प्रचार करदी अर लुखुं कि सभि बिमारी अर कमजोरि तैं दूर कनु रै।

मत्ती 8:10

यु सूंणि के यीशु भैंचक हवे गै अर जु वेका पिछनैं औणा छा ऊं बट्टी बोलि, “मि तुम मा सच बुल्णु छौं कि मिल पूरा इस्राएल का लुखुं का घराना मा एक भि इन आदिम नि मिली जु यु गैर-यहूदी आदिम का जन मि पर विश्वास करदो हो।

मत्ती 9:35

अर तब यीशु अर वेका चेला गलील जिला का भौत शहरों मा हवे के गैनी अर यहूदियों का मिलणा का भवन मा वचन की शिक्षा दींद अर परमेश्वर का राज्य को शुभ सन्देश प्रचार करदी अर लुखुं कि सभि बिमारी अर कमजोरि तैं दूर करदी।

मरकुस 1:39

अर यीशु ल जै के गलील जिला का सभि जगहों की यात्रा कैरी जगह-जगह गैनी अर यहूदियों का मिलणा का भवन मा जै के प्रचार करदी अर दुष्टात्मा तैं निकलदी रैनी।

मरकुस 10:1

फिर यीशु ल अपड़ा शिष्यों दगड़ी कपरनाहुम शहर छोड़ी दींनि, उख बट्टी उठि के उ यहूदिया प्रान्त बट्टी हवे के यरदन गाड का पल्या छाला पर ऐनी जख फिर एक बार एक भीड़ वेका नजदीक फिर कठा हवे गै अर उ फिर ऊं तैं अपड़ी रीत का अनुसार उपदेश दींण लगि गै।

लूका 13:22

उ शहर-शहर अर गौं-गौं अपड़ा चेलों का दगड़ी हवे के उपदेश दींद यरूशलेम शहर जनै जांणु छो।

लूका 4:31

फिर यीशु अर वेका शिष्य गलील का कफरनहूम शहर मा ऐनी, अर यीशु तुरंत यहूदियों का विश्राम का दिन जु परमेश्वर कु पवित्र दिन यहूदियों का मिलणा का भवन मा जै के उपदेश दींण लगि गै।

लूका 4:44

अर उ गलील जिला बट्टी हवे के यहूदिया प्रान्त मा यहूदियों का मिलणा का भवन मा जै के प्रचार करदी रै।

यूहन्ना 9:30

वेल ऊं तैं जवाब दींनि य त अचम्भो कन वलि बात च कि तुम नि जंणदा कि उ कखौ च तब भि वेल मेरा आँखा खुलींनि।

खास चेलों 10:38

पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।