मरकुस 5:13 - गढवली नयो नियम

¹³ अर वेल ऊं तैं आज्ञा दींनि अर दुष्टात्मा निकली के भैर ऐ गै अर सुंगरु मा बैठी गै अर उ झुण्ड जु कुई द्वी हजार का लगभग रै होलो उ डांडा पर बट्टी झपटी के झील मा पड़ि गै अर डुबि के मोरि गै।

Garhwali

¹³ अर वेन ऊंतैं इजाजत दे दिनी। तब खबेसों की पलटण वे मनखि मा बटि निकळि के सुंगरों मा बैठि गैनी, अर सुंगरों को वु पूरु झुण्ड भौत तेजी से भ्योळ जनै भागी, अर वु सभ्या का सभि मूड़ी झील मा लमडी गैनी अर डुबी के मोरि गैनी। अर ये झुण्ड की संख्या दुई हजार का लगभग छै।

मरकुस 5:13 ပူးပေါင်းရင်းမြစ်များ

मत्ती 7:6

“उ लुखुं तैं परमेश्वर का सन्देश नि सुंणौ जु यु तैं सुनण नि चंदिनी पर तुम जब इन करद्यां त यु इन होलो जनकै पवित्र वस्तु तैं कुत्तों का अगनैं ढुलण अर जन सुंगरु का अगनैं मोती ढुलण जु भस वे तैं रौंदी दयाला अर फिर तुम पर हमला करला।”

मत्ती 8:32

यीशु ल ऊं बट्टी बोलि, “जावा अर व दुष्टात्मा निकली के सुंगरु मा बैठी गै अर देखा ऊं सुंगरुं को सैरो झुण्ड पोड पर बट्टी झपटी के पांणि मा जै पोड़ि गै अर डुबि के मोरि गै।”

मरकुस 5:12

अर दुष्टात्माओं ल यीशु मा बिनती कैरी कै बोलि, कि हम तैं ऊं सुंगरु मा भेज दे कि हम ऊंका भितर जांवा।

मरकुस 5:14

अर ऊंका चरवाहों ल भागि के शहर मा ईं बात तैं सुंणै अर जु कुछ हवे छो लोग वे तैं दिखणु कु ऐनी।

यूहन्ना 8:44

तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।

1 पतरस 3:22

अर उ स्वर्ग मा चलि गै। अब उ उख पिता परमेश्वर का दैंणा तरपां सबसे बड़ी जगह पर च, अर उ सैरा स्वर्गदूतों अर सैरा अधिकारियों अर सामर्थ पर राज्य करद जौं मा अधिकार अर शक्ति छिनी।

दिब्य दरस 20:7

जब हजार साल खत्म हवे जाला त स्वर्गदूत, शैतान तैं उख बट्टी जख उ बंधयूं च, आजाद कैरी दयालो, अर उ, ऊं देशों की जातियों तैं धोखा दींणु कु भैर ऐ जालो जु पूरी दुनिया मा बिखरयां छिनी। यूं देशों तैं गोग अर मागोग बुलै जांद शैतान ऊं सभियूं तैं एक जगह पर कठ्ठा करलो जख उ लड़ै करला। उ भौत सैरा होला इन कि कुई ऊं तैं समुद्र का किनारा की बल्ला का जन गिणी भि नि सकलो।

दिब्य दरस 9:11

अथाह गड्डा को दूत ऊंकु राजा का जन छो जु ऊं तैं नियंत्रित करदु छो। उ उन ही दुष्टदूत च जैल अथाह कुण्ड तैं खोलि छो। इब्रानी भाषा मा वेको नौं अबद्दोन च, अर यूनानी भाषा मा, अपुल्लयोन च, जौको मतलब च, उ जु नाश करद।