मरकुस 3:11 - गढवली नयो नियम

¹¹ जब भि दुष्टात्मा बट्टी पीड़ित लोग वे तैं दिखदा छा त वेका अगनैं गिरदा पड़दा छा अर चिल्लै कै बुल्दी छै कि तु परमेश्वर कु नौंनो छै।

Garhwali

¹¹ अर जौं लोगु पर खबेस लग्यां रौन्दा छा, जब वु यीशु तैं दिखदा छा, त खबेस वेका खुटों मा पोड़ि के चिल्‍लै-चिल्‍लै के बुल्दा छा कि, “तू परमेस्वर को पुत्र छैई।”

मरकुस 3:11 ပူးပေါင်းရင်းမြစ်များ

मत्ती 14:33

ईं बात पर ऊंल जु नाव मा बैठयां छा यीशु तैं आराधना अर प्रणाम कैरी कै बोलि, “तु सच्ची मा परमेश्वर कु नौंनो छै।”

मत्ती 4:3

तब शैतान ल वेका संमणी ऐ के बोलि, “जु तु परमेश्वर कु नौंनो छै त यूं ढुंगो कु बोल कि यु रुट्टि बंणि जौ अर साबित कैर कि तू ऊं तैं खै साको।”

मत्ती 4:6

अर शैतान ल यीशु कु बोलि, “जु तु परमेश्वर कु नौंनो छै त इख बट्टी मूड़ी कूदी के साबित कैर त्वे तैं चोट नि लगली किलैकि परमेश्वर का वचन मा लिख्युं च उ अपड़ा स्वर्गदूतों तैं आज्ञा दयाला अर उ त्वे तैं हथौं-हथ संभाली दयाला कखि इन नि हो कि तेरा खुट्टों मा ढुंगो से चोट नि लगालो।”

मत्ती 8:29

ऊंल चिल्लै कै बोलि, “हे परमेश्वर का नौंनो” मेरू तेरु कुई लिणु दींणु नि च क्य तु बगत से पैली हम तैं दुःख दींणु कु इख अईं छै?

मत्ती 8:31

दुष्टात्मा ल यीशु मा बिनती कैरी कै बोलि, कि “जु तु हम तैं निकलणी छै त ऊं सुंगरुं का झुण्ड मा भेज दे।”

मरकुस 1:1

परमेश्वर कु नौंनो यीशु मसीह क बारा मा शुभ सन्देश की शुरुवात इन कै हुंद

लूका 4:41

अर भौतों मा बट्टी दुष्टात्मा चिल्लांदि अर यु बोलि के निकली गै की, “तु परमेश्वर कु नौंनो छै” पर उ, ऊं तैं खिज्योंदा अर बुल्ण नि दींदु छो किलैकि उ जंणदी छै कि यु मसीह च।

लूका 8:28

उ यीशु तैं देखि के चिल्लै अर वेका खुट्टों मा पोड़ि के ऊंची आवाज मा बोलि, “हे यीशु सर्वशक्तिमान परमेश्वर का नौंना यीशु मेरू तेरु कुई लींण दींण नि च मि त्वे बट्टी बिनती कनु छौं मि तैं पिड़ा नि दे।”

खास चेलों 16:17

व पौलुस अर हमारा पिछनै ऐ के चिलांण लगि गै, “कि यु मनिख परमप्रधान परमेश्वर पिता का दास छिनी, उ हम तैं बतांणा छिनी की कनके उद्धार हवे सकद।”

1 कुरिन्थि 11:34

जु कुई भुखी हो, त अपड़ा घौर मा खाै, कि जब तुम कठ्ठा हूंदियां, तुम ठिक ढंग ल बरतौ करीला अर पिता परमेश्वर तुम्हरो न्याय नि करलो। अर दुसरी बातों तैं जब मि तुम मा औलु, तभि सुलझाैलु।

याकूब 2:19

त्वे तैं विश्वास च कि एक ही पिता परमेश्वर च; त तू ठिक करदी, दुष्टात्मा भि विश्वास करदी, अर कंपदि च।