मरकुस 2:5 - गढवली नयो नियम

⁵ जब यीशु ल यु जांणि की ऊंको भरोसो मि पर च त लकवा का रोगी कु बोलि, हे नौंना मि तेरु पाप तैं माफ करदु।

Garhwali

⁵ ऊं लोगु को बिस्वास देखि के यीशु न वे मनखि कू बोलि, “बेटा, तेरा पाप माफ ह्‍वे गैनी।”

मरकुस 2:5 ပူးပေါင်းရင်းမြစ်များ

मत्ती 9:2

अर देखा कथग ही लोग एक लकवा का रोगी तैं चार मनिख खाटलो मा उठवै के वेका संमणी लैनि यीशु ल ऊंका विश्वास तैं देखि के बोलि, “हे नौंना ढाडस रख तेरा पाप माफ हवे गैनी।”

मत्ती 9:22

यीशु ल फरकि के वीं तैं देखि अर बोलि, “हे नौंनि, तेरु भरोसो छो की मि त्वे तैं खूब कैर सकदु इलै तु पूरा ढंग से खूब हवे गै” त तब व जनन वे बगत ही बची गै।

मत्ती 9:5

सौंगु क्य च? इन बुल्ण कि तेरा पाप माफ हवेनि या इन बुल्ण कि उठ अर चल फिर?

मरकुस 2:6

तब कई यहूदी मूसा की व्यवस्था तैं सिखांण वला जु उख घौर मा बैठयां छा अपड़ा-अपड़ा मन मा विचार कन लगि गैनी।

मरकुस 5:34

यीशु ल वीं मा बोलि, “हे नौंनि तेरु भरोसो छो की मि त्वे तैं खूब कैर सकदु, इलै तु पूरा ढंग से खूब हवे गै इलै शान्ति से चलि जा अर अपड़ी ईं बिमारी से बचिं रौ।”

लूका 5:20

यीशु ल ऊंकु विश्वास देखि के वेमा बोलि, “हे मनिख तेरा पाप माफ हवे गैनी।”

लूका 8:48

वेल वीं बट्टी बोलि, “हे नौंनि तेरु भरोसो छो की मि त्वे तैं खूब कैर सकदु, इलै तु पूरा ढंग से बची गै इलै शान्ति से चलि जा।”

यूहन्ना 2:25

अर वे तैं जरूरत नि छै कि लुखुं का बारा मा बतौ किलैकि उ जंणदु छो कि लुखुं का दिलों या इरादों मा क्य च?

यूहन्ना 5:14

कुछ बगत का बाद उ यीशु तैं यरूशलेम शहर का मन्दिर का चौक मा मिली। यीशु ल वेमा बोलि, देख तु ठिक हवे गै दुबरा पाप नि कैरी इन नि हो कि यांसे कुई भारी विपदा त्वे पर ऐ जौ।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

खास चेलों 14:9

उ पौलुस की बातों तैं ध्यान से सुनणु छो अर पौलुस वे जने एकटक लगै के देखि कि यु तैं खूब हवे के बची जांणो को पूरो विश्वास च।

खास चेलों 5:31

वे तैं ही पिता परमेश्वर ल प्रभु अर उद्धारकर्ता का रूप मा अपड़ा दैंणा हथ का तरपां सर्वश्रेष्ठ जगह मा ऊंचो कैरी कि उ इस्राएलियों तैं अपड़ा बुरी सोच विचार अर बट्टों बट्टी पिता परमेश्वर की तरपां मुड़ा अर वेका द्वारा अपड़ा पापों की माफी पां।

1 कुरिन्थि 11:30

यु ही कारण च, कि तुम मा बट्टी कई लोग बिमार छिनी, अर कई कमजोर अर कई लोग त मोरि भि गैनी, किलैकि य पिता परमेश्वर की सजा च।

2 कुरिन्थि 2:10

जैको तुम कुछ पाप माफ करदा वे तैं मि ही माफ करदु, किलैकि जब मि तैं माफ कने की जरूरत हूंदी, त मि तुम्हरा फैदा कु मसीह का अधिकार का दगड़ी इन करदु।

इफिसुस 2:8

किलैकि जब तुम ल विश्वास कैरी त पिता परमेश्वर ल अपड़ी दया ल तुम तैं बचैयेले, अर तुम ल अपड़ा आप तैं नि बचै, बल्कि यु पिता परमेश्वर कु दान च;

कुलुसी 3:13

अर जु कै तैं, कै हैंका पर भंगार लगौंणौ कु कुई कारण हो, त एक हैंका कि सै ल्यावा, अर एक हैंका का अपराध माफ कैरा; जन प्रभु ल तुमारा अपराध माफ करिनी, उन ही तुम भि कैरा।

याकूब 5:15

अर विश्वास बट्टी कैरी प्रार्थना ल बिमार बचि जालो, अर प्रभु वे तैं ठिक करलो; जु वेका पाप भि करयां हो, तब भि पिता परमेश्वर वे तैं माफ कैरी दयालो।