मरकुस 2:12 - गढवली नयो नियम

¹² अर उ उठि अर अपड़ी खाट उठै के अर सभियूं का संमणी बट्टी निकली के चलि गै उ सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कैरी के बुल्ण लगि गैनी कि हम ल इन कभि नि देखि।

Garhwali

¹² तब उ उठी अर तुरन्त अपणा बिस्तर तैं उठे के ऊं लोगु का समणि बटि निकळि के चलि गै। अर यू देखि के सब लोग हकदक ह्‍वे गैनी, अर परमेस्वर की बडै कैरिके बोन्‍न लगि गैनी कि, “हम लोगु न इन पैलि कभि नि देखि।”

मरकुस 2:12 ပူးပေါင်းရင်းမြစ်များ

मत्ती 12:23

ईं बात पर सब लोग भैंचक मा पोड़ि के बुल्ण लगि गैनी यु क्य यु मनिख राजा दाऊद का वंशज मसीह हवे सकदो च जैकी हम उम्मीद कना छा।”

मत्ती 15:31

जब लुखुं ल देखि कि गूंगा बुल्णा छिनी अर लूला-लंगड़ा खूब हवे के हिटणां छिनी अर अंधा दिखणा छिनी त भैंचक मा पोड़ि के इस्राएल का लुखुं का परमेश्वर कि बड़ै कन लगि गैनी।

मत्ती 9:33

अर जब यीशु ल दुष्टात्मा तैं वे मनिख बट्टी भैर निकाली दींनि त गूंगो मनिख बुल्ण लगि गै ईं बात पर भीड़ भैंचक हवे के बुल्ण लगि गै “कि इस्राएल का लुखुं का घराना मा पैली इन कभि नि दिखै गै।”

मत्ती 9:8

सब लोग जु वे तैं दिखणा छा उ ईं बात पर सब भैचक हवे गै छा अर परमेश्वर की बड़ै कन लगि गैनी कि जैल मनिख्युं तैं इन अधिकार दींनि।

मरकुस 1:27

ईं बात पर सब लोग अचम्भो कैरी कै आपस मा एक दुसरा तैं पुछण लगि गैनी, “कि या क्य बात च? यु त कुई नयो उपदेश च जु बड़ा अधिकार का दगड़ी दुष्टात्मा तैं भि झिड़की दींणु च अर उ वेकी झिड़की मणदी छिन।”

मरकुस 2:11

मि त्वे कु बुल्णु छौं उठ अपड़ी खाट उठै के घौर चलि जा।

लूका 13:13

तब ऊंल वीं मा हथ रखि अर व तुरंत सीधि हवे गै अर व परमेश्वर कि बढ़ै कन लगि गै।

लूका 17:15

तब ऊंमा बट्टी एक ल देखि कि मि खूब हवे गौं जोर से चिल्लै कै परमेश्वर कि बढ़ै कैरी के यीशु मा वापिस ऐ

लूका 5:26

तब सब ईं बात पर भैचक हवे गै छा अर परमेश्वर कि बढ़ै कन लगि गैनी कि आज हम ल भैवचक्क बात दिखिनि।

लूका 7:16

ईं बात से सब लोग डौर से भुरे गैनी अर उ परमेश्वर कि बढ़ै कैरी के बुल्ण लगि गैनी कि हमारा बीच मा परमेश्वर का तरपां बट्टी बुल्ण वलो अयुं च अर परमेश्वर अपड़ा लुखुं की मदद कनु कु अयुं च।

यूहन्ना 7:31

तब भि भीड़ मा बट्टी भौत सी लुखुं ल वे पर विश्वास कैरी अर बुल्ण लगी गैनी कि मसीह जब आलो त क्य यांसे जादा चमत्कार दिखालो जु येल दिखेनि?

यूहन्ना 9:32

जब बट्टी दुनिया कि सृष्टि किये गै छै या कभि सुनण मा नि ऐ कि कैल जन्म का अंधा का नजर दींनि।

खास चेलों 4:21

तब ऊंल पतरस अर यूहन्ना तैं और धमकै के छोड़ी दींनि किलैकि उ समझी नि सकिनि की ऊं तैं कन के दंड द्या इलै की ज्वा घटना हवे छै व वांका कारण सब लोग परमेश्वर कि बड़ै कना छा।