मरकुस 16:17 - गढवली नयो नियम

¹⁷ अर मि पर विश्वास कन वलो मा यु चमत्कार का काम का चिन्ह होला उ मेरा नौं से दुष्टात्मा तैं निकलला अर मि ऊं तैं नई-नई बोलि भाषा बुलौलु।

Garhwali

¹⁷ अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

मरकुस 16:17 ပူးပေါင်းရင်းမြစ်များ

मरकुस 9:38

तब यूहन्ना ल वेकु बोलि “हे गुरु हम ल एक मनिख तैं तेरु नौं की सामर्थ बट्टी दुष्टात्मा निकलण देखि अर हम वेको मना कना रां किलैकि उ हम जन तेरु चेला नि च।”

लूका 10:17

उ सत्तर चेला खुशी से ऐ के बुल्ण लगि गैनी “हे प्रभु दुष्टात्माओं ल भि हमारी बात मांणी जब हम ल तेरा नौं से आज्ञा दींनि।”

यूहन्ना 14:12

मि तुम मा सच-सच बुल्ण छौं जु मि पर विश्वास रखदु यूं कामों तैं जौं तैं मि करदु उ भि करलो बल्कि यां बट्टी भि बड़ा काम करुलु किलैकि मि बुबा मा जांणु छौं।

खास चेलों 10:46

किलैकि यहूदी विश्वासियों ल ऊं तैं अलग-अलग भाषा मा बुल्ण अर पिता परमेश्वर कि आराधना कन सूंणि। तब पतरस ल बोलि,

खास चेलों 16:18

व भौत दिन तक इन ही करदी रै, पर पौलुस दुखी हवे, अर मुड़ी के वीं दुष्टात्मा बट्टी बोलि, “मि त्वे तैं यीशु मसीह का नौं से आज्ञा दींदु, कि वीं बट्टी निकली जा अर व आत्मा तुरंत निकली गै।”

खास चेलों 19:6

जब पौलुस ल ऊं पर हथ रखि त पवित्र आत्मा ऊं पर ऐ गै अर उ बनि-बनि भाषा बुल्ण लगि गैनी अर भविष्यवाणी कन लगि गैनी।

खास चेलों 2:33

यु ही यीशु तैं परमेश्वर ल अपड़ी दैणी तरपां सबसे ऊंची जगह बैठै अर पिता ल जन वे बट्टी करार कैरी छै वे तैं पवित्र आत्मा दे अर वेल उ ही पवित्र आत्मा हम तैं दींनि जन कि आज तुम जु दिखणा अर सुचणा छा।

खास चेलों 5:16

अर यरूशलेम शहर का अमणी-संमणी का शहरों बट्टी भि भौत लोग बिमारों तैं अर दुष्टात्माओं का सतायां छा ऊं तैं लै-लै के, प्रेरितों का संमणी कट्ठा हुंदा छा, अर उ सब खूब हुंदा जांदा छा।

खास चेलों 8:7

जब फिलिप्पुस ल आज्ञा द्ये त भौत लुखुं मा बट्टी दुष्टात्मा चिलै के निकली गै, अर भौत लकवा का रोगी अर लंगड़ा भि खूब किये गैनी।

1 कुरिन्थि 12:10

पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।

1 कुरिन्थि 12:28

अर पिता परमेश्वर ल मण्डलि मा अलग-अलग आदिम नियुक्त करयां छिनी; पैला प्रेरित, दुसरा परमेश्वर का तरपां बट्टी बुल्ण वलो, तिसरा शिक्षक, फिर चमत्कार का काम कन वला, फिर चंगा कन वला, अर उपकार कन वला, अर प्रधान, अर बनि-बनि भाषा बुल्ण वला।

1 कुरिन्थि 12:30

कुछ ही छिनी, जौं तैं चंगा कनु कु वरदान मिल्युं च, कुछ ही छिनी जु बनि-बनि किस्मै की भाषा बुल्दींनि।

1 कुरिन्थि 13:1

मि भले ही मनिख्युं अर स्वर्गदूतों की भाषाओं मा बोलु; पर जु मिल लुखुं बट्टी प्रेम नि कैरी, त ऊं भाषाओं तैं बुल्ण मि कु ठनठनांदु पीतल, अर झंझनांद ढपली जन च।

1 कुरिन्थि 14:2

किलैकि जु अन्य भाषा मा बात करदो; उ मनिख्युं बट्टी न, पर पिता परमेश्वर बट्टी बात करदो; इलै की वेकी बातों तैं कुई नि समझद; किलैकि उ पवित्र आत्मा की सामर्थ का द्वारा गुप्त बातों तैं बुल्द।