मरकुस 14:14 - गढवली नयो नियम

¹⁴ अर जख उ जालो वे घौर का स्वामि मा बुल्यां गुरु जी कु पूछयूँ च, “मेरू उ मेहमनों कु भितर कख च जै मा मि अपड़ा चेलों का दगड़ा फसह को भोज खै साको”

Garhwali

¹⁴ अर जै घौर मा उ जालु, तुम वे घौर का मालिक कू इन बुलयां कि, ‘गुरुजी को बुलयूं च कि मैमानों को उ कमरा कख च, जख मिन अपणा चेलों का दगड़ा मा फसह को खाणुक खाण?’

मरकुस 14:14 ပူးပေါင်းရင်းမြစ်များ

मरकुस 10:17

जब यीशु अर वेका चेला उख बट्टी निकली के बट्टा लगयां छा त एक मनिख वेमा दौड़ि के ऐ अर वेका संमणी घुंडा टेकी के ऊंमा पूछि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च।”

मरकुस 11:3

जु तुम मा कुई पूछो कि इन किलै कना छा? त बुल्यां यीशु हमारा प्रभु तैं यु कि जरुरत च अर उ जल्दी ही वे तैं इख वापिस भेजि द्याला।

मरकुस 14:13

यीशु ल अपड़ा चेलों मा बट्टी द्वी चेलों कु इन बोलि के भेजि, “यरूशलेम शहर मा जावा अर एक आदिम पांणी कु घौडो उठै कै लांण तुम तैं मिललो वेका पिछनै चलि जयां”

मरकुस 14:15

उ अफी तुम तैं एक बड़ो सी सज्यूं-धज्यूं ऐंच कु कमरा दिखै दयालो उख हम कु तैयारी करयां।

लूका 22:11

अर वे घौर का मालिक मा बुल्यां, “गुरु जी कु तुम कु बुल्युं च; कि उ खांणु खांण वलो भितर कु च जै मा मि अपड़ा चेलों का दगड़ा फसह कु भोज खै साको।”

यूहन्ना 11:28

इन बोलि के मार्था चलि गै अर मार्था की बैंण मरियम तैं चुपचाप बुलै के बोलि, “गुरु इखि छिनी त्वे तैं बुलांणा छिन।”

यूहन्ना 13:13

तुम मि कु गुरु अर प्रभु, बुल्दा अर जु तुम बुल्दा छा उ ठिक च किलैकि मि तुमारो गुरु अर प्रभु छों।

दिब्य दरस 3:20

सूंणा, मि तुम्हरा दिल मा प्रवेश कनु कु वे मनिख का जन छो, जु तुम्हरा द्वार पर खटखटांण वला आदिम का जन खड़ाे छो, अर वे तैं खुलणु कु बुल्दो छो। जु कुई मेरी आवाज सुणद अर द्वार खुलद त मि भितर जौलु अर हम एक दुसरा का दगड़ी खांणु खौला।