मरकुस 12:6 - गढवली नयो नियम

⁶ अब भस एक रै गै छो जु वेको प्रिय नौंनो छो आखिर मा वेल वे नौंना तैं भि इन सोचि के कि उ वेको आदर करला किसानों म भेजि।

Garhwali

⁶ “अर अब वे मनखि का पास एक ही रै गै छौ जु कि वेको लाडलु नौनु छौ, अर आखिरी मा वेन अपणा नौना तैं इन सोची के ऊंका पास भेजि की ऊ लोग मेरा नौने की जरुर इज्‍जत करला, अर अंगूरों को हिस्सा द्‍याला।

मरकुस 12:6 ပူးပေါင်းရင်းမြစ်များ

मत्ती 1:23

देखा, “कि एक अणबिवाक गर्भवती होलि व एक नौंना तैं जन्म दयाली अर वेको नौं इम्मानुएल रखे जालो जै को मतलब च कि परमेश्वर हमारा दगड़ी च।”

मत्ती 11:27

“मेरा बुबा ल मि तैं सब कुछ दियुं च अर बुबा का बगैर कुई नौंना तैं नि जंणदु अर न ही कुई बुबा तैं जंणदु च भस नौंनो ही बुबा तैं जंणदु च अर जौं लुखुं तैं नौंनो चुणदो च उ लोग ही बुबा तैं जंणदु च।”

मत्ती 17:5

उ जब बुल्णु ही छो कि एक चमक्यां बादल ल ऊं तैं घेरि कै ढकै दींनि अर उ ल बादल बट्टी परमेश्वर की आवाज सूंणि “यु मेरू प्रिय नौंनो च ये कि सूंणा।”

मत्ती 26:63

पर यीशु चुप रै तब महायाजक ल वेमा बोलि, “मि त्वे तैं ज्यून्दा परमेश्वर की सौं दींणु कि तु जु परमेश्वर कु नौंनो मसीह छै त हम तैं बतै दे।”

मत्ती 3:17

“अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

मरकुस 1:11

अर या आकाशवाणी हवे, “अर परमेश्वर ल स्वर्ग बट्टी बोलि कि तु मेरू प्रिय नौंनो छै मि त्वे बट्टी भौत खुश छौं।”

मरकुस 12:5

फिर बगिचा का स्वामि ल एक और तैं भेजि अर जूं किसानों तैं अंगूरों को बगीचा किराया पर दे छो ऊंल वे तैं खत्म कैरी दींनि तब वेल और भि भौत भिजिनि ऊंमा बट्टी कथगों तैं ऊंल पीटि अर कथगों तैं खत्म कैरी दींनि।

मरकुस 12:7

पर जब किसानों ल देखि की अब स्वामि को नौंनो ए त उ किसानों ल आपस मा बोलि, यु त वारिस च आवा यु तैं मारि दींदां अर तब सभि अंगूरों कु बगीचा हमारो हवे जालो।

मरकुस 9:7

तब एक बादल ल ऊं तैं घेरि कै ढकै दींनि, अर ऊंल बादल बट्टी परमेश्वर की आवाज सूंणि, “यु मेरू प्रिय नौंनो च यु जु भि बुल्द यु कि सूंणा।”

लूका 3:22

अर पवित्र आत्मा तैं कबूतर का रूप मा अपड़ा मथि औंण देखि। अर या आकाशवाणी हवे, “अर परमेश्वर ल स्वर्ग बट्टी बोलि, कि तु मेरू प्रिय नौंनो छै मि त्वे बट्टी भौत खुश छौं।”

लूका 9:35

अर वे बादल बट्टी परमेश्वर की आवाज सूंणि, “यु मेरू प्रिय नौंनो च ये कि सूंणा।”

यूहन्ना 1:14

अर वचन देहधारी हवे अर दया अर सचै बट्टी पूरो हवे के हमारा बीच मा डेरो कैरी और वेकी महिमा इन छै जन बुबा (परमेश्वर) कि तरपां बट्टी अयां एकलौता नौंना की महिमा।

यूहन्ना 1:18

परमेश्वर तैं कैल कभि नि देखि, भस वेका एकलौता नौंना ल जु सच मा परमेश्वर च, अर बुबा का सबसे नजिक च, वेल परमेश्वर तैं हम तैं दिखै।

यूहन्ना 1:34

अर मिल देखि अर मि तुम मा सच बुल्णु छो कि “यु परमेश्वर कु नौंनो च।”

यूहन्ना 1:49

नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

यूहन्ना 3:35

पिता परमेश्वर नौंना से प्रेम रखदु अर वेल सब चीज वेका हथ मा दियीं छिन।

यूहन्ना 5:23

पिता परमेश्वर का द्वारा नौंना कु न्याय कनु कु अधिकार दींण का परिणाम नौंना कु आदर च जु नौंना कु आदर नि करदो उ पिता परमेश्वर कु जैल वे तैं भेजि आदर नि करदो।

इब्रानी 1:6

अर यां से पैली कि, पिता परमेश्वर ल अपड़ा बड़ा महान अर पैला नौंना तैं दुनिया मा भेजि, त बुल्द, “पिता परमेश्वर का सभि स्वर्गदूत वे तैं दण्डवत् कैरी के वेकी आराधना कैरा।”

1 यूहन्ना 4:9

जु प्रेम पिता परमेश्वर हम बट्टी करदु, उ यां बट्टी प्रकट हवे कि पिता परमेश्वर ल अपड़ा इकलौता नौंना यीशु मसीह तैं दुनिया मा भेजि कि हम वेका द्वारा अनन्त जीवन पां।

3 यूहन्ना 1:1

मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।