मरकुस 12:36 - गढवली नयो नियम

³⁶ जब पवित्र आत्मा ल राजा दाऊद मा हवे के बोलि, “प्रभु परमेश्वर ल मेरा प्रभु कु बोलि, कि मेरा दैंणा तरपां सम्मान अर अधिकार का सिंहासन मा बैठ जब तक कि मि तेरा दुश्मनों तैं नि हरै द्यों।”

Garhwali

³⁶ जब की राजा दाऊद न खुद पवित्र आत्मा मा ह्‍वेके बोलि कि, “‘परमेस्वर न मेरा प्रभु बटि बोलि, मेरी दैंणी तरफा बैठ, जबरि तक की मि तेरा दुसमनों तैं हरै के तेरा अधीन मा नि कैरी द्‍यूं।’

मरकुस 12:36 ပူးပေါင်းရင်းမြစ်များ

मत्ती 5:35

न धरती कि, किलैकि उ अपड़ा खुट्टों तैं रखद, न ही यरूशलेम शहर की, किलैकि उ महान राजा परमेश्वर कु शहर च।

खास चेलों 1:16

“हे विश्वासी भयों, पवित्र आत्मा ल बहुत पैली राजा दाऊद का द्वारा यहूदा का बार मा बतये छो, जु कि यीशु तैं गिरफ्तार कन वला लुखुं को मार्ग दर्शने कन वलो बंणि गै यु जरूरी छो कि यहूदा का बारा मा परमेश्वर का वचन मा लिख्युं लेख पूरो हो।

खास चेलों 28:25

उ आपस मा एकमत नि हवीनि अर विदा हूंण लगि गैनी पौलुस का बुल्णा का बाद, कि पवित्र आत्मा ल परमेश्वर का तरपां बट्टी बुल्ण वला यशायाह का द्वारा तुम्हरा बाप-दादाओं बट्टी ठिक ही बोलि,

1 कुरिन्थि 15:25

मसीह तैं वे राज्य पर तब तक राज्य कन चयणु च, जब तक कि पिता परमेश्वर वेका सभि दुश्मनों तैं नि हरै द्यो।

2 तीमुथियुस 3:16

सैरो परमेश्वर का वचन परमेश्वर कि प्रेरणा से रचे गै अर यु उपदेश दींणु कु अर समझौंणु कु अर सुधरणु कु अर धार्मिकता कि शिक्षा दींणु कु फैदामंद च

इब्रानी 1:13

अर पिता परमेश्वर ल अपड़ा कै स्वर्गदूत बट्टी बोलि, “तू मेरा दैंणा हथ जु सम्मान की जगह च पर विराजमान हो, जब तक कि मि तेरु दुश्मनों तैं पूरा ढंग से तेरु अधीन नि कैरी द्यो”

इब्रानी 4:7

इलै पिता परमेश्वर ल अपड़ा विश्राम की जगह मा प्रवेश कनु कु एक और बगत तय कैरी, अर उ आज च; हमारा पुरणों का विरोध का लम्बा बगत का कई सालों बाद, वेल राजा दाऊद बट्टी यूं वचनों तैं बुलवै, जु पैली बट्टी बुलवै गै छा, “जु तुम आज पिता परमेश्वर की आवाज तैं सूंणा” “त अपड़ा मनों तैं ढीट नि बणा।”

1 पतरस 1:11

मसीह को आत्मा ऊंमा छो अर ऊं तैं बतांणु छो कि मसीह कन के दुःख सहलो अर फिर वे तैं बड़ो सम्मान दिये जालो। इलै ऊंल यु पता लगौंण की कोशिश कैरी कि मसीह कु होलो अर यु सब कब होलो।

2 पतरस 1:21

किलैकि कुई भि पिता परमेश्वर का तरपां बट्टी वचन मा दिये गै कुई भि संदेश कभी भि आदिमों बट्टी पैदा नि हवे। पर पवित्र आत्मा ल लुखुं का मनों तैं उभारी जब ऊंल पिता परमेश्वर की तरपां बट्टी अयां संदेश तैं बोलि।