मरकुस 12:1 - गढवली नयो नियम

¹ फिर वेका बाद यीशु यहूदी अगुवों तैं मिसाल दे के ऊंका दगड़ा मा बात कन लगि गै, “एक आदिम ल अपड़ा अंगूर का बगिचा मा कुछ अंगूर लगैन अर वेका चौतरफी बाड़ भि बंधि अर रस कु कुंड भि खैणि अर गुम्मट बणै अर किसानों तैं किराया पर दे के एक लम्बी यात्रा मा परदेश चलि गै।”

Garhwali

¹ फिर यीशु यहूदियों का मुख्य लोगु का दगड़ा मा उदारण देके बात करण लगि गै। अर वेन बोलि कि, “एक मनखि न अंगूरों को एक बगिचा बणै, अर वेका चौतरफि बाड़ कैरी, अर रस जमा करणु खुणि खडलु बणै, अर बगिचे मा पैरा देणु खुणि एक जगा भि तयार कैरी। अर बगिचा को ठेक्‍का किसानों तैं देके खुद वु मनखि कै दुसरा देस कू चलि गै।

मरकुस 12:1 ပူးပေါင်းရင်းမြစ်များ

मत्ती 13:3

अर वेल ऊं दगड़ी मिसाल दे के भौत सी बात करिनी एक बुतै कन वलो बीज बुतुणु कु अपड़ा पुंगडा मा गै।

मत्ती 21:28

तुम ईं मिसाल का बारा मा क्य सुचदियां? कै आदिम का द्वी नौंना छा वेल पैला मा जै के बोलि, “हे नौंना आज अंगूर का बगिचा मा काम कैर।”

मत्ती 21:33

“एक और मिसाल सूंणा एक घौर कु स्वामि छो जैल अंगूर कु बगिचा लगै वेका चारों तरपां बाड़ बंधि वेमा रस को कुंड भि खैणि अर गुम्मट बणै अर किसानों तैं वेको ठेका दे के एक लम्बी यात्रा मा परदेश चलि गै।”

मत्ती 21:34

जब फल कु बगत नजदीक ऐ त वेल अपड़ा सेवकों तैं जौ कु बगिचा को ठेका लियुं छो। वेको फल लींणु कु किसानों मा भेजि।

मत्ती 25:14

या वे मनिख कि सी दशा च जु मनिख एक लंबी यात्रा मा जांणु छो अपड़ा दासों तैं बुलै के अपड़ी सम्पति ऊं तैं सौंपी दींनि।

मरकुस 11:33

त तब ऊंल यीशु तैं जवाब दे “हम नि जंणदा की कैल भेजि” यीशु ल ऊंमा बोलि, मि भि तुम तैं नि बतौंदु कि यु काम कनु कु अधिकार वे तैं कख बट्टी मिली।

मरकुस 13:34

मि तुम तैं एक मिसाल सुणांदु जु अब मेरा जांणा का बाद मेरा वापिस आंणु कु एक उदाहरण च या वे मनिख कि तरौं दशा च जु परदेश जांदी बगत अपड़ो घौर छोड़ी कै जौं अर अपड़ा नौकरों तैं हक दे द्यो अर हरेक तैं वेका काम बतै द्यो अर फटक का चौकिदार तैं सजग राणो कु आज्ञा द्यो।

मरकुस 3:23

अर यीशु उ सभि लुखुं तैं अपड़ा संमणी बुलै के ऊंमा मिसाल दे के बुल्ण लगि गै कि क्य शैतान अपड़ा ही दुष्टात्मा तैं लुखुं मा बट्टी भैर निकलणु कु मजबूर कैर सकद?

मरकुस 4:2

अर उ, ऊं तैं मिसाल दे के भौत सैरी बात सिखौण लगि गै, अर अपड़ा उपदेश का द्वारा ऊंमा बोलि।

लूका 15:13

अर कुछ दिनों का बाद ही छुटा नौंना ल सभि कुछ कट्ठा कैरी अर दूर का मुल्क चलि गै अर उख बुरा कामों मा अपड़ी सैरी धन दौलत उड़ै बिछै दींनि।

लूका 19:12

त वेल बोलि, “एक धनवान मनिख दूर देश चलि गै कि उख वे तैं राजपद पै के लौटि के ऐ जौं।”

लूका 22:9

तब ऊंल यीशु तैं पूछि, “कि तु क्य चांदी की हम कख फसह कु खांणु तैयार करयां की हम वे तैं खा सका।”

लूका 8:10

यीशु ल बोलि, “तुम तैं त परमेश्वर का राज्य कि सचै की समझ दियीं च अर सुनण का बाद भि नि समझदियां औरों तैं मिसाल दे के सुंणै जांणु च इलै की उ दिखण का बाद भि नि देखि सकदींनि अर सुनण का बाद भि नि समझीनि।”

खास चेलों 7:38

यु ही मूसा हमारा पूर्वजों का दगड़ी एक अगुवा का रूप मा छों जब उ एकांत जंगल मा एक जगह ही कठ्ठा छा। अर सीनै डांडा पर एक स्वर्गदूत ल वे दगड़ी बात कैरी अर वे तैं जीवन दींण वलो वचन मिली अर ऊंल हम तक वे तैं पौंछै दींनि।