मरकुस 10:18 - गढवली नयो नियम

¹⁸ यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई भलो अर अच्छो नि च।”

Garhwali

¹⁸ वेन वे मनखि कू बोलि, “तू मिकू अच्छु किलै बोन्‍नि छैई, परमेस्वर का अलावा कुई भि अच्छु नि च।

मरकुस 10:18 ပူးပေါင်းရင်းမြစ်များ

मत्ती 19:17

पर यीशु ल वे मा बोलि, “तु मि मा भलै का बारा म किलै पुछंणि छै? भलो त एक ही च पर तु जु सदनी का जीवन मा जांण चांणि छै त आज्ञाओं तैं मांणा कैर।”

मरकुस 10:17

जब यीशु अर वेका चेला उख बट्टी निकली के बट्टा लगयां छा त एक मनिख वेमा दौड़ि के ऐ अर वेका संमणी घुंडा टेकी के ऊंमा पूछि, “हे उत्तम गुरु जी अनन्त जीवन पर मेरू हक हो यांको मि तैं क्य कन चयणु च।”

मरकुस 10:19

तु परमेश्वर की आज्ञाओं तैं त जंणदी ही छै हत्या नि कन, व्यभिचार नि कन, चोरी नि कन, झूठी गव्है नि दींण, कै तैं अपड़ा फैदा कु धोखा नि दींण, अपड़ा बुबा अर ब्वे को आदरमान नि कन।

लूका 18:19

यीशु ल वे तैं उत्तर दे के बोलि, “तु की बात कु मि कु अच्छो अर उत्तम बुल्णी छै? कुई उत्तम नि च भस परमेश्वर तैं छोड़ी के कुई अच्छो नि च।”

रोमियों 3:12

सभियूं ल पिता परमेश्वर तैं छोडे़ले, सब का सब पिता परमेश्वर कु निकम्मा बंणि गैनी; भलै कन वलो कुई नि च, एक भि नि च।

याकूब 1:17

किलैकि हर एक अच्छो वरदान अर हर एक उत्तम दान पिता परमेश्वर बट्टी ही च अर वे बट्टी ही मिल्दो, जैल आसमान की ज्योतियों तैं बणै। पिता परमेश्वर हमेशा एक ही जन च अर कभि भि छैल का तरौं नि बदलद।

1 यूहन्ना 4:16

अर हम अच्छा ढंग ल जांणि ग्यां अर हम विश्वास भि करदां कि पिता परमेश्वर हम बट्टी प्रेम करदो। पिता परमेश्वर प्रेम च अर जु कुई प्रेम मा रौंदो उ पिता परमेश्वर मा रौंदो अर पिता परमेश्वर वेमा रौंद।

1 यूहन्ना 4:8

जु दूसरों बट्टी प्रेम नि करदो उ पिता परमेश्वर तैं नि जंणदु, किलैकि पिता परमेश्वर प्रेम च।