मत्ती 8:22 - गढवली नयो नियम

²² यीशु ल वेमा बोलि, “तु मेरा चेला बनण कु मेरा पिछनैं औ, अर जु लोग आत्मिक रूप से मुर्युं छिनी ऊं तैं अपड़ा मुर्दा दफनौंण दे।”

Garhwali

²² पर यीशु न वे मनखि कू बोलि, “जु आत्मिक रुप से मुरयां छिन, ऊंतैं अपणा मुरदो तैं दफनौण दे, पर तू मेरा पिछनै अऽ।”

मत्ती 8:22 ပူးပေါင်းရင်းမြစ်များ

मत्ती 8:21

एक और चेला ल वेमा बोलि, “हे प्रभु मि तैं पैली घौर वापिस जांण दे कि मेरा बुबा का मुरण का बाद की मि वे तैं दफ्नोंण अर फिर ऐ के मि तेरु चेला बंणुल।”

मत्ती 9:9

उख बट्टी अगनैं बढ़ि के यीशु ल मत्ती नौं का एक मनिख तैं चुंगि की चौकी पर बैठय्युं देखि, अर वेकु बोलि मेरा पिछनैं हवे ले अर उ अपड़ो काम-काज छोड़ी के वेका पिछनै हवे गै।

मरकुस 2:14

जब उ जांणु छो वे बगत यीशु ल हलफई का नौंना लेवि तैं जु चुंगि लींण वलो कु सरदार छो चौकी पर बैठय्युं देखि अर वेकु बोलि मेरा पिछनैं औ। अर उ अपड़ो काम-काज छोड़ी के वेका पिछनै हवे गै।

लूका 15:24

किलैकि मेरू यु नौंनो जैका बारा मा सुचदा छा की मोरि गै छो पर अब ज्यूँदो हवे गे: हरचि गै छो, अब मिली गै अर उ अनन्द मनांण लगि गैनी।

लूका 15:32

पर अब आनन्द मगन हूंण चयणु च किलैकि तेरु यु भैय जै कु मिल सोचि छो, कि मोरि गै छो पर फिर ज्यूँदो हवे गै हरचि गै छो पर अब मिली गै।

लूका 9:59

वेल दुसरा कु बोलि, मेरा पिछनैं हवेलि वेल बोलि “हे प्रभु पैली मि जांणि दे कि अपड़ा बुबा तैं खडै द्यों”

लूका 9:60

यीशु ल वेमा बोलि, “जु लोग आत्मिक रीति बट्टी मुरयां छिन ऊं तैं अपड़ा मुर्दा खडयोण दे पर तु जै के परमेश्वर कि राज्य को शुभ संदेश कु प्रचार सुंणौ।”

यूहन्ना 1:43

दुसरा दिन यीशु ल गलील जिला मा जांणु कु निर्णय कैरी अर फिलिप्पुस तैं मिली के बोलि, “मेरा पिछनै हवे जा।”

यूहन्ना 21:19

यीशु ल इन बोलि, कि पतरस कन मुरुलो अर परमेश्वर की बड़ै करलो अर इन बोलि, वेको बोलि, मेरू चेला बण मेरा पिछनैं चलणु रौ।

यूहन्ना 21:22

यीशु ल वेको बोलि, “जु मि चौं कि उ मेरा लौटण तक ज्यूँदो रौ, त त्वे तैं क्य? तु मेरू चेला बंणि रै।”

इफिसुस 2:1

पैली जब तुम ल मसीह पर विश्वास नि कैरी छों, त इन लगदु छों जन कि पैली बट्टी मोरि गै छा, हम मा उ जीवन नि छों जु पिता परमेश्वर कि तरपां बट्टी मिल्दु छों, किलैकि तुम ल पाप कैरी अर परमेश्वर कि आज्ञाओं तैं नि मांणि।

इफिसुस 2:5

जब हम पापों मा छा जन कि पैली बट्टी ही मोरि गै छा, त वेल हम तैं मसीह मा ज्यूँदो कैरी; पिता परमेश्वर की दया बट्टी ही तुमारो बचाव अर उद्धार हुयुं च,

इफिसुस 5:14

यु कारण लोग बुल्दींनि, “हे सींण वला बिजि जा अर मुर्दों मा बट्टी ज्यूँदो हवे जा; त मसीह अपड़ो उज्यलो तुम पर चमकालो।”

कुलुसी 2:13

अर वेल तुम तैं भि, जु अपड़ा पापों, अर खतना का जन तुम्हरो बुरो स्वभाव कटै नि गै छो, पिता परमेश्वर ल तुम तैं मसीह का दगड़ी ज्यून्दो कैरी अर हमारा सब पापों तैं माफ कैरी।

1 तीमुथियुस 5:6

उ विधवा जु अपड़ा सैरो बगत सुख-सुविधाओं मा बितांदी, उ एक मुरयां मनिख जन च, जबकि व देह मा ज्यूंदी च, पर आत्मिक रूप मा मोरि गै।