मत्ती 7:15 - गढवली नयो नियम

¹⁵ “झूठा लुखुं बट्टी जु अपड़ा आप तैं परमेश्वर का संदेश दींणवला बुल्दिन इन लुखुं बट्टी चौकस रावा जु भेडियों जन छिन जु को अफ तैं ढिबरों का खल्डा ल ढक्यूं लुखुं तैं यु विश्वास दिलांणु कु की उ ढिबरा छिन पर उ वास्तव मा भेड़िया छिन जु लुखुं पर हमला करदींनि।”

Garhwali

¹⁵ अर यीशु न बोलि, “झूठ्‍ठा रैबर्यों बटि बचि के रा, किलैकि उ भेड़ों की तरौं सीदु बणि के तुमरा पास औन्दिन, पर असल मा ऊ भितर बटि एक खतरनाक भेड़िया का जन छिन।

मत्ती 7:15 ပူးပေါင်းရင်းမြစ်များ

मत्ती 10:17

पर लुखुं बट्टी सचेत रावा किलैकि उ तुम तैं यहूदियों का मिलणा का भवन मा सौंपला अर अपड़ी महासभा मा तुम पर कोड़ा मरला।

मत्ती 16:11

कि तुम अभि तक भि नि समझयां कि मिल तुम मा रुट्टि का बारा मा नि बोलि, पर यु कि तुम फरीसियों ल अर सदूकियों का खमीर बट्टी सचेत रैयां।

मत्ती 16:6

यीशु ल ऊंमा बोलि, “देखा तुम फरीसियों का अर सदूकियों का खमीर बट्टी सचेत रयां।”

मत्ती 24:11

भौत सा परमेश्वर कु संदेश दींणवला आला अर भौत सा लुखुं तैं धोखा दयाला।

मत्ती 7:14

किलैकि संकुरु च उ फाटक अर कठिन च उ बट्टो जु अनन्त जीवन कु पौंछौदु अर कुछ ही छिन जु वे तैं पौदींनि।

लूका 12:15

अर यीशु ल ऊं बट्टी बोलि सचेत रावा अर हर प्रकार का लोभ बट्टी अफ तैं बचै के रखा किलैकि कै को जीवन वेकी सम्पति की बहुतायत बट्टी नि हूंद।

लूका 6:26

हाय तुम पर जब सब लोग तुम तैं भलो बुलला किलैकि तुमारा पूर्वजों ल भि झूठा परमेश्वर का तरपां बट्टी बुल्दोओं की तारीफ का बारा मा अच्छी बात बुलीं च।

यूहन्ना 10:12

ढिबरों पर रख्युं नौकर भेड़िये तैं आंद दिखद त उ भागि जांदु उ ढिबरों तैं छोड़ी दींद किलैकि उ वेका चरवाहा नि छिन ढिबरा वेकी नि छिन इलै भेड़िया झुण्ड पर हमला करदो अर झुण्ड तैं तितर बितर कैरी दींद।

खास चेलों 13:40

इलै चौकस रावा, इन नि हो, कि जु परमेश्वर का तरपां बट्टी बुल्ण वलो का तरपां बट्टी किताब मा लिख्युं च, तुम पर भि ऐ जौं।

खास चेलों 13:6

यांका बाद ऊंल पूरा टापू बट्टी हवे के पाफुस शहर मा पौंछि गैनी। उख ऊंकी मुलाकात बार-यीशु नौं का एक यहूदी जादूगर का दगड़ी हवे, जु झूठो दावा करदो छो की उ परमेश्वर का तरपां बट्टी बुल्ण वला च।

गलातियों 2:4

तीतुस कु खतना नि हूंण कु यु मामला कुछ झूठा विश्वासी बणयां भयों कु एक मुद्दा बंणि गै, जु हमारी मण्डलि मा छिपी के ऐ गैनी अर वीं आजादी तैं नाश कने की कोशिश कना छा जु हमारा मुक्तिदाता यीशु मा हम तैं मिली, कि उ हम तैं दुबरा से यहूदी व्यवस्था कु गुलाम बणै साका।

इफिसुस 4:14

कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

इफिसुस 5:6

उ लुखुं द्वारा मूर्ख नि बंणि जु यूं पापों कु बाना बंणौणै कि कोशिश करदा किलैकि यूं ही कामों का कारण पिता परमेश्वर कु गुस्सा आज्ञा नि मनणवलो पर भड़कद।

फिलिप्पी 3:2

बुरा काम कन वलो बट्टी सचेत रावा जु कि कुत्तों जन खतरनाक छिनी, उ लुखुं बट्टी सचेत रावा जु बुल्दींनि कि तुम तैं बचै जांणु कु खतना कन जरूरी च।

कुलुसी 2:8

सचेत रावा की कुई तुम तैं दुनिया का ज्ञान अर बेकार की बातों बट्टी धोखा का द्वारा फंसै नि द्यो, जु बात मनिख्युं कि रीतियों अर दुनिया की शिक्षा का अनुसार त च पर मसीह का अनुसार नि च।

2 तीमुथियुस 3:13

पर दुष्ट लोग अर धोखाबाज लोग और भि जादा दुष्ट काम करला, उ लुखुं तैं धोखा दयाला अर उ अफ भि दूसरों बट्टी धोखा खाला।

2 तीमुथियुस 4:3

किलैकि इन बगत आलो, जब लोग खरा उपदेश तैं स्वीकार नि करला पर अपड़ी लालसाओं का अनुसार अफ कु भौत सी धर्म-गुरुओं तैं कट्ठा करला जु ऊं तैं ऊंकी पसंद कि बात सुंणौनु।

2 पतरस 3:17

इलै हे प्रियों, तुम पैली ही बट्टी जंणदा छा कि यु बात होली। इलै, सावधान रावा कि जु लोग नियमों तैं नि मणदींनि उ तुम बट्टी झूठ बोलि के तुम तैं भटकै नि द्या। त तुम सच्ची बातों पर विश्वास कन बंद कैरी दीला जै पर तुम ल एक बगत मजबूती से विश्वास कैरी छो।

1 यूहन्ना 4:1

हे प्रियों, हरेक जु पिता परमेश्वर की पवित्र आत्मा बट्टी बुल्णो को दावा करदींनि; ऊंमा बट्टी हरेक पर विश्वास नि करयां, पर आत्माओं तैं परखा, कि उ आत्मा पिता परमेश्वर की तरपां बट्टी च कि न; किलैकि भौत सारा झूठा संदेश दींणवला छिनी जु बुल्दींनि की हम पिता परमेश्वर कि तरपां बट्टी बुल्दियां दुनिया मा ऐ गैनी।

यहूदा 1:4

मि तुम तैं लिखणु छो किलैकि कुछ ईश्वररहित लोग जु गलत सिद्धांत सिखौंदींनि, उ हमारी जानकारी का बगैर हमारा बीच मा छिपी के ऐ गैनी। यु उ लोग छिनी जौका बारा मा पिता परमेश्वर ल कई पीढ़ियों पैली अपड़ा वचन मा बोलि छो, कि उ ऊं तैं दण्ड दयालो। उ पिता परमेश्वर की दया का बारा मा हमारा संदेश तैं बिगड़दींनि, कि यौन सम्बन्धी दुष्ट बरतौ कनु को बहाना बणै साका। उ हमारा एकमात्र स्वामी अर प्रभु यीशु मसीह तैं भि अस्वीकार करदींनि।

दिब्य दरस 16:13

यांका बाद मिल तीन दुष्टात्माओं तैं देखि जु दिख्योण मा मिंढ़खा का जन छा। एक अजगर का गिचा बट्टी भैर ऐ, एक पैला जानवर का गिचा बट्टी, अर एक दुसरा जानवर का गिचा बट्टी भैर ऐ, मतलब की जौनु झूठो संदेश द्ये छो।

दिब्य दरस 17:6

अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।

दिब्य दरस 19:20

अर उ दुसरो जानवर अर वेका दगड़ी उ झूठो संदेश दींण वलो जु अफ तैं पिता परमेश्वर का तरपां बट्टी बुल्ण वलो बुल्द पकड़ै गै, वेल जानवर का तरपां बट्टी झूठा चमत्कार दिखै अर ऊं सभि लुखुं तैं भरमै, जौनु जानवर की छाप अपड़ा कपाल पर लगै छै अर जु वेकी मूर्ति की आराधना करदा छा, यु द्वी ज्यूंदा ही वीं आग की झील मा, जु गन्धक ल जल्दींनि डलै गैनी।

दिब्य दरस 20:10

फिर ऊंल शैतान तैं जैल यूं सभियूं तैं भरमयूं छो, वीं जगह पर ढोल दींनि जु आग अर गन्धक बट्टी फुकयोंदो। उ वीं जगह पर होलो जख ऊंल पैली बट्टी ही जानवर अर पिता परमेश्वर का तरपां बट्टी बुल्ण वला बुल्दींनि। आग ऊं सभियूं तैं दिन अर रात हमेशा कु दुःख द्याली।