मत्ती 6:1 - गढवली नयो नियम

¹ “सावधान रावा तुम लुखुं तैं दिखौणु कु अपड़ा भले का काम नि कैरा, नथिरी अपड़ा स्वर्गीय बुबा बट्टी कुछ भि प्रतिफल नि पैल्या।”

Garhwali

¹ तब यीशु न लोगु कू बोलि कि, “चौकस रा, तुम लोगु तैं दिखौणु खुणि धरमी बणणो को काम नि कैरा, निथर तुमतै स्वर्ग मा रौण वळा अपणा पिता परमेस्वर बटि कुई इनाम नि मिलण।

मत्ती 6:1 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 16:6

यीशु ल ऊंमा बोलि, “देखा तुम फरीसियों का अर सदूकियों का खमीर बट्टी सचेत रयां।”

मत्ती 23:13

हे कपटि मूसा की व्यवस्था तैं सिखांण वलो अर फरीसियों हाय च तुम पर, तुम लुखुं कु स्वर्ग का राज्य मा प्रवेश कने की अनुमति नि दींदां त अफ वे द्वार बट्टी भितर जंदा अर वां बट्टी भितर जांण वलो तैं भि भितर नि जांण दींदां।

मत्ती 23:5

उ अपड़ा सभि काम लुखुं तैं दिखांणु कु करदींनि उ अपड़ा जौं पर परमेश्वर कु वचन हूंद छो त उ ऊं तैं मुंड पर अर हथों पर पैरदा छा अर अपड़ा कपड़ोंं का किनारों तैं बढादिनि।

मत्ती 25:40

तब मि राजा ऊं तैं जवाब दयालो मि तुम मा सच बुल्णु छौं कि तुम ल जु मेरा यूं छुटा से छुटा मेरा चेला विश्वासी भयों मा बट्टी कै एक का दगड़ा भि कैरी उ सब मि ही दगड़ी कैरी।

मत्ती 5:16

उन ही तुमारो उज्यलो भि मनिख्युं का संमणी चमकु कि उ तुमारा कामों तैं देखि के तुमारा बुबा कि जु स्वर्ग मा च बड़ै कैरा।

मत्ती 5:46

किलैकि जु तुम अपड़ा ही प्रेम रखण वलो का दगड़ी प्रेम रखा त परमेश्वर तुम तैं प्रतिफल नि दयाला किलैकि चुंगि लींण वला भि इन ही करदींनि?

मत्ती 5:48

इलै तुम तैं ऊं बट्टी प्रेम कन चयणु च जु तुम बट्टी प्रेम नि करदा अर इन के तुम सिद्ध बंणि के जन तुमारो स्वर्गीय बुबा जु स्वर्ग मा च अर सिद्ध च बणा।”

मत्ती 6:16

“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”

मत्ती 6:9

इलै तुम इन कै पिता परमेश्वर बट्टी प्रार्थना कैरा करा, हे हमारा बुबा तु जु स्वर्ग मा छै तेरु नौं पवित्र मणै जौ

मरकुस 8:15

यीशु ल ऊं तैं चितै “देखा तुम फरीसियों का खमीर से अर राजा हेरोदेस का खमीर से सचेत रावा।”

लूका 11:35

इलै सचेत रौ कि जु उज्यलो त्वे मा च उ अंधेरो नि हवे जौ।

लूका 12:1

इथग मा जब हजारों कि भीड़ लगि गै इख तक कि एक दुसरा पर गिरदा पड़दा छा त उ सबसे पैली अपड़ा चेलों मा बुल्ण लगि गै कि देखा तुम फरीसियों का कपटरूपी खमीर से सचेत रावा।”

लूका 12:15

अर यीशु ल ऊं बट्टी बोलि सचेत रावा अर हर प्रकार का लोभ बट्टी अफ तैं बचै के रखा किलैकि कै को जीवन वेकी सम्पति की बहुतायत बट्टी नि हूंद।

लूका 16:15

यीशु ल वेमा बोलि, “तुम त लुखुं का संमणी अफ तैं धर्मी दिखण पसंद करदयां पर परमेश्वर तुमारा मन तैं जंणदु च किलैकि ज्वा चीज मनिख्युं कि नजर मा महान च उ परमेश्वर का नजीक तुच्छ च।”

यूहन्ना 12:43

मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।

यूहन्ना 5:44

तुम मि पर विश्वास नि कैर सकदा किलैकि तुम एक दुसरा बट्टी प्रशंसा चांदा छा अर तुम एकमात्र परमेश्वर बट्टी प्रशंसा पाणै कि कोशिश नि करदां?

खास चेलों 3:12

यु देखि के पतरस ल लुखुं मा बोलि, “हे इस्राएलियों तुम यु मनिख देखि के किलै हकदक हूंणा अर तुम हम जनै इन कै किलै घुरणा छा कि जन हम ल यु तैं अपड़ी सामर्थ या भक्ति से चलण-फिरण लैख बंणै हो?”

गलातियों 6:12

यहूदियों तैं खुश नि कैरा कि उ तुम तैं स्वीकार कैरा, उ ही लोग तुम तैं खतना कनु कु लाचार करदींनि भस इलै कि उ यीशु मसीह कि सूली का कारण सतै नि जौंन।

इब्रानी 11:26

मूसा जंणदु छो कि मिस्र देश का भण्डार की तुलना मा मसीह कु दुख भुकतण बढ़िया च, किलैकि इन कन से पिता परमेश्वर वे तैं स्वर्ग मा ईनाम दयालो।

इब्रानी 2:1

इलै चयणु च, कि जु हम तैं सिखै गै छो, वेको पीछा कनु कु हम जादा चौकस रांण चयणु च, तब हम सचै बट्टी नि भटकुला।

इब्रानी 6:10

किलैकि जन तुम ल अच्छा काम करीनि अर अब भि तुम पिता परमेश्वर का नौं बट्टी वेका लुखुं कु प्रेम का दगड़ी सेवा कु काम करदींनि, इलै परमेश्वर तुम्हरा कामों तैं नि बिसरुलो; किलैकि उ एक धर्मी च।

2 यूहन्ना 1:8

इलै तुम तैं चौकस रौंण चयणु च कि कखी यु लोग तुम तैं धोखा नि द्यां कि पिता परमेश्वर कि सेवा कु तुम्हरा द्वारा किये गै मेहनत बेकार नि हवे जौ अर पिता परमेश्वर तुम तैं तुम्हरी सेवा को पूरो प्रतिफल दयालो।