मत्ती 5:8 - गढवली नयो नियम

⁸ “धन्य छिन उ जौं का मन शुद्ध छिन, किलैकि उ परमेश्वर तैं दिखला।”

Garhwali

⁸ “धन्य छिन ऊ, जु साफ दिल का छिन, किलैकि ऊ परमेस्वर तैं दिखला।

मत्ती 5:8 ပူးပေါင်းရင်းမြစ်များ

खास चेलों 15:9

अर विश्वास का द्वारा परमेश्वर ऊंका मन शुद्ध कैरी के हम मा अर ऊंमा कुछ भेद नि रखि।

1 कुरिन्थि 13:12

यु जीवन मा हम सब कुछ पूरा ढंग से नि समझदां। यु कै चीज तैं अप्रत्यक्ष रूप मा शीशा मा दिखण जन च। पर जब हम स्वर्ग मा जौला, त हम सब कुछ स्पष्ट रूप मा समझुला। यु कै बट्टी अमणी-संमणी बात कन जन होलो। अब हम सब कुछ जंणदा छा जु पिता परमेश्वर हम तैं सिखांण चांद। तब हम सब कुछ पूरा ढंग से जांणि जौला, जन पिता परमेश्वर हम तैं पूरा ढंग से जंणदु च।

2 कुरिन्थि 7:1

हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।

तीतुस 1:15

ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।

इब्रानी 10:22

त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

याकूब 3:17

पर जु ज्ञान पिता परमेश्वर बट्टी मिल्द उ पैली त पवित्र हूंदों फिर मिलणसार, मयलदु, अच्छा विचार वलो, दया अर अच्छा कामों बट्टी भूरियूं अर बगैर भेदभाव अर बगैर कपट का हूंदों।

याकूब 4:8

पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।

1 पतरस 1:22

किलैकि सचै को पालन कना का द्वारा तुम तैं आत्मा मा शुद्ध किये गै, अब तुम तैं अपड़ा दगड़िया विश्वासियों बट्टी ईमानदरी अर पूरा मन से प्रेम करदी रौंण चयणु च।

दिब्य दरस 22:4

उ पिता परमेश्वर तैं अपड़ा अमणी-संमणी दिखला, अर पिता परमेश्वर का नौं वेका कपाल पर लिख्युं होलो।