मत्ती 5:12 - गढवली नयो नियम

¹² तब खुश अर मगन हुयां किलैकि तुम कु स्वर्ग मा बड़ो फल च। इलै की ऊंल ऊं परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।

Garhwali

¹² तब तुम आनन्द मणया अर मगन ह्‍वे जयां, किलैकि तुम खुणि स्वर्ग मा बड़ु इनाम रख्युं च। अर जन वु तुमतै सतौणा छिन, ठिक इन्‍नि ऊंन तुम से पैलि परमेस्वर का भौत सा रैबर्यों तैं भि सतै।”

मत्ती 5:12 ပူးပေါင်းရင်းမြစ်များ

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 6:16

“जब तुम उपवास कैरा त कपटि का जन तुमारा मुक पर उदासी नि छई रौ किलैकि उ अपड़ो मुक उदास बंणैके रखदींनि इलै की लोग ऊं तैं उपवासि जंणुनु अर लोग ऊकी प्रशंसा करूं मि तुम मा सच बुल्णु छौं कि उ अपड़ो प्रतिफल पै चुकि गैनी।”

लूका 13:34

हे यरूशलेम शहर का लुखुं! तु जु परमेश्वर का तरपां बट्टी बुल्ण वलो तैं मारि डलदि, जु भौत पैली रौंदा च अर ऊं लुखुं पर ढुंग्यो करदी जौं तैं त्वे मा भिजे गै छो। कथग बगत मिल चै कि जन मुर्गी अपड़ा बच्चों तैं अपड़ा पंखों का तौला सुरक्षित करद उन ही मि भि तेरु नौंनो की रखवली कैरू पर तुम ल इन नि चै।

लूका 6:23

तब खुश अर मगन हुयां किलैकि तुम कु स्वर्ग मा बड़ो प्रतिफल च ऊंका बाप-दादा परमेश्वर का तरपां बट्टी बुल्ण वलो तैं भि जु भौत बगत पैली छा इन ही सतै छो।

लूका 6:35

पर अपड़ा बैरियों बट्टी प्रेम रखा अर भलै कैरा अर फिर पौणे की आस नि रखि के उधार दियां अर तुम कु बड़ो प्रतिफल होलो जनके तुम अपड़ा स्वर्गीय पिता परमेश्वर कि संतान ठैरिल्या किलैकि उ ऊंकु भि जु धन्यवाद नि करदींनि अर बुरा लुखुं कु भि दयालु च।

खास चेलों 16:25

अधा राती का लगभग पौलुस अर सिलास पिता परमेश्वर बट्टी प्रार्थना करदी अर परमेश्वर का भजन गाणा छा, अर कैदी ऊंकी सुनणा छा।

खास चेलों 5:41

प्रेरित ईं बात से खुश हवे के महासभा का संमणी बट्टी चलि गैनी की उ यीशु की खातिर निरादर हूंण का लैक त ठैरयां।

रोमियों 5:3

भस यु ही न, बल्कि जब हम क्लेश मा हुंदा, तब भि आनन्दित हवे सकदा, किलैकि हम जंणदा छा कि हम दुःख उठौदयां त अच्छा ढंग से सब्र रखण सिखदा भि छा,

1 कुरिन्थि 3:8

मिल तुम तैं शुभ संदेश सुणये अर परमेश्वर का वचन तैं सिखांण शुरू कैरी, अर अपुल्लोस तुम तैं लगातार सिखांणु ही रै, पर हम द्वीयूँ कु एक ही मकसद च, कि हर एक मनिख अपड़ी ही मेहनत का अनुसार पिता परमेश्वर बट्टी ईनाम पौ।

2 कुरिन्थि 4:17

किलैकि हमारी वर्तमान समस्या छुटी ही छिनी अर भौत जादा बगत तक नि राली; किलैकि यांको नतीजा अनन्त महिमा होलो जु ऊं सभियूं बट्टी भौत जादा होलो जै की हम कल्पना कैरी सकदा।

फिलिप्पी 1:29

किलैकि पिता परमेश्वर ल तुम तैं भस मसीह यीशु मा विश्वास कनु कु न बल्कि दुःख सौणो कु भि सौभाग्य दियुं च, किलैकि तुम वे पर विश्वास करद्यां।

फिलिप्पी 2:17

प्रभु पर तुम्हरो विश्वास अर वेका प्रति तुम्हरी सेवा परमेश्वर तैं चढै गै बलिदान का जन च। जु उ मि तैं मारि भि डलला, त मि वे दाखरस का जन होलो जै तैं याजक तुम्हरा बलिदान का मथि एक पीणै की भेंट कैरी के अखणांद कि बलिदान तैं पूरो कैरो।

कुलुसी 1:24

अब मि ऊं दुखों का कारण खुश छौं जौं तैं मि तुमारा कारण उठौंदु, यानि मण्डलियों कु अपड़ा देह मा पूरो करदु जन मसीह ल अपड़ा देह मा सै के पूरी कैरी।

कुलुसी 3:24

किलैकि तुम यु जंणदा छा, कि यांका बदला मा प्रभु तुम तैं अपड़ो उत्तराधिकारी बणालो, तुम जै स्वामी की सेवा करदा उ प्रभु मसीह ही च।

1 थिस्सलुनीकी 2:15

ऊं यहूदियों ल प्रभु यीशु तैं अर पिता परमेश्वर का तरपां बट्टी बुल्ण वलो तैं भि मार डाली अर हम तैं भि सतै अर पिता परमेश्वर ऊं बट्टी खुश नि च अर सभि मनिख्युं को विरोध करदींनि।

इब्रानी 10:34

तुम कैदियों का दुःख मा भि दुःखी हुयां, अर अपड़ी संपत्ति भि खुशी से लुटै दींनि; किलैकि तुम जंणदा छा कि तुम मा अब भि उ सब चीज छिनी जैको वादा पिता परमेश्वर ल कैरी छो, जु कि भौत खास च अर जु हमेशा कु बंणि रौंदी।

इब्रानी 11:26

मूसा जंणदु छो कि मिस्र देश का भण्डार की तुलना मा मसीह कु दुख भुकतण बढ़िया च, किलैकि इन कन से पिता परमेश्वर वे तैं स्वर्ग मा ईनाम दयालो।

इब्रानी 11:33

ऊंल विश्वास ही का द्वारा राज्य जीतिनि; अर ठिक काम करीनि; वादा की चीजों तैं पै, शेरों ल ऊं तैं नि खै,

इब्रानी 11:6

अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

याकूब 1:2

हे मेरा विश्वासी भयों, जब तुम्हरा जीवन मा किस्मै-किस्मै की अजमैश औ त वीं अजमैश तैं भौत खुशी की बात समझयां

याकूब 5:10

हे विश्वासी भयों, जौं परमेश्वर का तरपां बट्टी बुल्ण वला लुखुं ल प्रभु का नौं बट्टी बात कैरी, ऊं तैं दुःख उठौण मा अर सब्र रखण मा तुम अफ कु एक नमूना समझा।

1 पतरस 4:13

भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।